بوكس • 14 جەلتوقسان, 2020

ءاىۆا-نىڭ جاڭا پرەزيدەنتى سايلاندى

428 رەت
كورسەتىلدى
1 مين
وقۋ ءۇشىن

كۇنى كەشە ونلاين فورماتتا وتكەن حالىقارالىق بوكس قاۋىمداستىعىنىڭ ء(اىۆا) كونگرەسىندە ۇيىمنىڭ جاڭا پرەزيدەنتى سايلاندى. بۇل تۋرالى قازاقستاننىڭ ۇوك ءباسپاسوز قىزمەتى حابارلادى.

ءاىۆا پرەزيدەنتتىگىنە الدىمەن التى, كەيىن ءتورت ۇمىتكەر تاڭدالىپ الىندى. سايلاۋ ناتيجەسىندە 57,33 پايىز داۋىس جيناعان رەسەيلىك ۋمار كرەملەۆ جەڭىسكە جەتتى. نيدەرلاندىق بوريس ۆان دەر ۆورست ەكىنشى, ءاىۆا پرەزيدەنتى قىزمەتىن ۋاقىتشا اتقارعان ماروككولىق مۇحاممەد مۋستاسان ءۇشىنشى ورىندا قالدى.

38 جاستاعى ۋمار كرەملەۆ 2017 جىلدان بەرى رەسەي بوكس فەدەراتسياسىن باسقارىپ كەلەدى. سونداي-اق ول ەۋروپا بوكس كونفەدەراتسياسىنىڭ ءبىرىنشى ۆيتسە-پرەزيدەنتى قىزمەتىن دە اتقارادى.

 

سوڭعى جاڭالىقتار