بيىل اقىننىڭ مەرەيتويى ءار وڭىردە ءوز دەڭگەيىندە اتالىپ وتىلۋدە. سونداي-اق بىرنەشە شەت مەملەكەتتەردە اباي ورتالىقتارى اشىلىپ, جۇمىستارىن باستادى.
سىر بويىنداعى قارا شاڭىراق – قورقىت اتا اتىنداعى قىزىلوردا ۋنيۆەرسيتەتى ۇيىمداستىرعان «اباي مۇراسى – جالپىادامزاتتتىق قۇندىلىق» اتتى حالىقارالىق عىلىمي-تاجىريبەلىك كونفەرەنتسيادا اكادەميك ع.ەسىم, ل.ن.گۋميلەۆ اتىنداعى ەۆرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى س.نەگيموۆ, ءال-فارابي اتىنداعى قازاق ۇلتتىق ۋنيۆەرسيتەتى «تۇران-يران» عىلىمي زەرتتەۋ ورتالىعىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور ي.جەمەنەي ابايدىڭ جۇمباق الەمى جايلى ايتىپ ءوتتى.
قاجى بايرام ۆەلي ۋنيۆەرسيتەتىنىڭ پروفەسسورى, PhD دوكتور گ.قۇرمانعاليەۆا – ەردجيلاسۋن, م.ح.دۋلاتي اتىنداعى تاراز وڭىرلىك ۋنيۆەرسيتەتى «دۋلاتيتانۋ» عىلىمي زەرتتەۋ ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى س.قۇلباراق, اباي اتىنداعى قازاق ۇلتتىق پەداگوگيكالىق ۋنيۆەرسيتەتى «حاكىم اباي» عىلىمي زەرتتەۋ ورتالىعىنىڭ ديرەكتورى, فيلولوگيا عىلىمدارىنىڭ كانديداتى ج.شويىنبەت, قورقىت اتا اتىنداعى قىزىلوردا ۋنيۆەرسيتەتى «قورقىتتانۋ جانە ولكە تاريحى» عىلىمي زەرتتەۋ ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى ب.كارىبوز ۇلى حاكىم اباي دانالىعى, ونىڭ قازاق ادەبيەتىندەگى ورنى, شىعارمالارىنداعى قۇران قاعيداتتارى, تۇركى-پارسى اقىندارى, مودەرنيزم, قاراسوزدەرىنىڭ تانىمدىق سيپاتى, جاستار تاربيەسى جانە رۋحاني رەفورماتورلىق تۇلعاسى جايىندا بايانداما جاسادى.
