ايماقتار • 11 جەلتوقسان، 2020

شىمكەنتتىك فابريكا "ىسكەر" ارنايى سىيلىعىنىڭ لاۋرەاتى اتاندى

19 رەت كورسەتىلدى

بۇگىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قاتىسۋىمەن «التىن ساپا» سىيلىعىنىڭ جەڭىمپازدارىن ماراپاتتاۋ ءراسىمى ونلاين رەجيمدە ءوتتى. 

ەل پرەزيدەنتى ءوزىنىڭ قۇتتىقتاۋ سوزىندە وتاندىق كاسىپورىندار – ۇلتتىق ەكونوميكانىڭ تىرەگى، باستى كۇشىنە اينالعانىن ايتتى. تاۋەلسىزدىك جىلدارىنداعى ەلىمىزدىڭ جەتىستىگىن ايتا كەلە، پاندەمياعا قاراماستان وتاندىق كاسىپورىنداردىڭ ەكسپورتتاعى ۇلەسىنىڭ تومەندەمەگەنىنە العىسىن ءبىلدىردى. 
 
اتالعان جيىنعا شىمكەنت قالاسىنىڭ اكىمى مۇرات ايتەنوۆ تە ونلاين قاتىستى. 
 
بيىل شىمكەنتتەن «التىن ساپا» سىيلىعىنا قاتىسۋعا 6 كومپانيا ءوتىنىش ءبىلدىردى. ونىڭ ىشىندە «ىسكەر» ارنايى سىيلىعىنىڭ لاۋرەاتى بولىپ «Alem BT» جشس-ءى تانىلدى. 
 
«الەم بت» جشس-ءى - وتاندىق نارىقتى تولىق قامتاماسىز ەتۋدەن بولەك، شەتەلگە دە ونىمدەرىن ەكسپورتتاپ جاتقان ءىرى كاسىپورىنداردىڭ ءبىرى. بۇل قازاقستاندىق ش ۇلىق-توقىما زاۋىتىنىڭ ونىمدەرىنە سۇرانىس جوعارى. كاسىپورىن قۋاتتىلىعى جىلىنا 16 ميلليون جۇپ ءونىمدى قۇرايدى. ەرلەر، ايەلدەر مەن بالالارعا ارنالعان 200-دەن استام ش ۇلىق ونىمدەرىنىڭ اسسورتيمەنتىن شىعارادى. كاسىپورىن جۇمىس ىستەپ تۇرعان بارلىق كەزەڭدە 2 ملرد.تەڭگەدەن استام ءونىمدى تمد جانە ەۋروپا ەلدەرىنە ەكسپورتتادى.
 
«التىن ساپا» پرەمياسى جىل سايىن ۇزدىك تاۋار وندىرۋشىلەر، قىزمەت كورسەتۋ ساپاسىندا جوعارى جەتىستىكتەرگە قول جەتكىزگەن كاسىپكەرلەرگە كونكۋرستىق نەگىزدە بەرىلەدى. اتالعان بايقاۋدا جىل سايىن ءتورت نوميناتسيا بويىنشا سىيلىقتار تاعايىندالادى. ياعني، ءار جىلى وندىرىستىك، قىزمەت كورسەتۋ، حالىققا تاۋار ۇسىناتىن، تاماق جانە اۋىلشارۋاشىلىق ونىمدەرىن شىعاراتىن ەڭ ۇزدىك كاسىپورىن يەگەرلەرى انىقتالادى.
 
ايتا ءوتۋ كەرەك، بۇعان دەيىن بايقاۋدا «Kazmedpribor Holding» جشس (2015 ج)، «Karlskrona» جشس (2016 ج)، «حيمفارم» اق (2016 ج)، «پلانتا» جشس (2017 ج)، «ازالا تەكستيل» جشس (2018 ج) جەڭىمپاز اتانعان بولاتىن. 
سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار