اقتاۋ گارنيزونىندا سۇڭگۋىرلىك دايارلىق پورتتاردا, اكۆاتوريالاردا, سۋلاردا جانە جاعالاۋدا جاۋىنگەرلىك مىندەتتەردى ورىنداۋ ءۇشىن جۇرگىزىلەدى. اسكەري-تەڭىز كۇشتەرى سۇڭگۋىرلەرىن باستاپقى دايارلاۋ باسسەينىندە جۇرگىزىلەدى. اشىق تەڭىزگە تۇسپەس بۇرىن اسكەري قىزمەتشىلەر قاجەتتى داعدىلاردى ۇيرەتۋى كەرەك, العاشقى ساباقتار تەوريالىق تۇرعىدا وتكىزىلەدى.
جاۋىنگەرلىك جۇزۋشىلەر جابدىقتىڭ ماتەريالدىق بولىگىن جانە تاكتيكالىق-تەحنيكالىق سيپاتتامالارىن زەردەلەيدى, سىناقتار تاپسىرادى جانە سۇڭگۋىر جابدىعىن پايدالانۋعا رۇقسات الادى.
سۇڭگۋىرلەر ۇيرەنەتىن ءبىرىنشى نارسە – سۋ استىنداعى دۇرىس تىنىس الۋ, اپپاراتتاعى قىسىمدى تەڭەستىرۋ. سونداي-اق سترەسكە توزىمدىلىك جاتتىعۋلارىن جانە توتەنشە جاعدايلاردى جويۋ ادىستەرىن ۇيرەنۋ قاجەت. نۇسقاۋشىلار وقىتۋدىڭ بارلىق كەزەڭدەرىندە قاۋىپسىزدىك شارالارىن ساقتاۋعا ەرەكشە كوڭىل بولەدى.
– جەڭىل سۇڭگۋىرلىك دايىندىق بويىنشا جىل سايىنعى كۋرستان اسكەري سۇڭگۋىر ماماندىعىن تاڭداعان جاڭادان كەلگەن اسكەري قىزمەتشىلەر وتەدى. مۇنداي ساباقتاردىڭ ءبىرىنشى كەزەڭى باسسەيندە وتكىزىلەدى. بىزگە اكۆاتلون, سۋ استىنداعى قويان-قولتىق ۇرىستارىن ۇيرەتەدى. بۇل ساباق بارىسىندا اعزانىڭ گيپوكسياعا توزىمدىلىگى جانە سۋ ورتاسىندا بولۋ سەنىمدىلىگى سياقتى قاسيەت داميدى, – دەيدى توپ سەرجانتى 3-سىنىپتى سەرجانت - سۇڭگۋىر رۋسلان ورۋمباەۆ.
قىستا باسسەيندە ساباقتار اپتاسىنا ءۇش رەت وتكىزىلەدى. ال كوكتەمدە, كۇن جىلىنعان ساتتەن باستاپ اسكەري-تەڭىز كۇشتەرىنىڭ سۇڭگۋىرلەرى اشىق سۋ ايدىندارىندا سۇڭگۋگە كىرىسەدى.
ءارى قيىن, ءارى قىزىق سۇڭگۋىرلىككە جاس ساربازداردى قىزىعۋشىلىعى دا جوعارى.
ماڭعىستاۋ وبلىسى
