* قازاقستاندا 7 ملن. سالىق تولەۋشىگە تابىس تۋرالى دەكلاراتسيا جەڭىلدەتىلەدى.وسىنى ايتقان قارجى ۆيتسە-ءمينيسترى رۋسلان دالەنوۆ كەشە سونىمەن بىرگە, دەكلاراتسيانى ەلەكتروندىق ادىسپەن تولتىرۋعا دا بولاتىنىن مالىمدەدى.
* قازاقستاندا 7 ملن. سالىق تولەۋشىگە تابىس تۋرالى دەكلاراتسيا جەڭىلدەتىلەدى.وسىنى ايتقان قارجى ۆيتسە-ءمينيسترى رۋسلان دالەنوۆ كەشە سونىمەن بىرگە, دەكلاراتسيانى ەلەكتروندىق ادىسپەن تولتىرۋعا دا بولاتىنىن مالىمدەدى.
* رەسپۋبليكادا كوممۋنالدىق تاريفتەر جىل سوڭىنا دەيىن وزگەرمەيدى. تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى اسىلبەك ءدۇيسەباەۆ جەلتوقساندا تەمىرجول مەن ىشكى رەيستەر اۆيابيلەتتەرى باعالارىنىڭ دا وزگەرمەيتىنىن اتاپ ءوتتى.
* وسكەمەندە اسا مۇقتاج جاندار باسپانالى بولدى. كەشە وسى شاراعا ارنالعان سالتاناتتا وبلىس اكىمى بەردىبەك ساپارباەۆ جارتى جىل ىشىندە بوي كوتەرگەن كوپقاباتتى ءۇي پاتەرلەرى كىلتتەرىن سوعىس ارداگەرلەرى مەن ولاردىڭ جەسىرلەرىنە, اۋعان سوعىسىنىڭ بۇرىنعى ساربازدارىنا, كوپبالالى وتباسىلارى مەن جەتىم بالالارعا تابىس ەتتى.
* قىزىلوردادا «شاحناما» – وعىز مادەنيەتىنىڭ جاۋھارى» اتتى رەسپۋبليكالىق جىر-داستان فەستيۆالى ءوتتى. ونىڭ اشىلۋىندا ءسويلەگەن وبلىس اكىمى قىرىمبەك كوشەرباەۆ اتاقتى فيردوۋسي جىرلاعان تۇركى مادەنيەتىنە ورتاق قازىنا – «شاھنامانى» قازاقشا سويلەتۋدە سىر پەرزەنتتەرىنىڭ ءرولى زور بولعانىن ايتتى.
* سەمەيدە وتكەن جيىندا شۆەيتساريالىق عالىم ءوز ءسوزىن تۇگەل قازاقشا جەتكىزدى. شاكارىم اتىنداعى ۋنيۆەرسيتەتتە ۇيىمداستىرىلعان كونفەرەنتسيادا ءتسيۋريحتىڭ الەۋمەتتىك جانە مادەني انتروپولوگيا ۋنيۆەرسيتەتىنىڭ ديرەكتورى, پروفەسسور پيتەر فينكە قازاقستانداعى كوشى-قون تۋرالى جاساعان بايانداماسىن قازاقتىڭ ادەبي تىلىندە ادەمى ايتىپ بەردى.
* اقتاۋداعى قازاق-تۇرىك ليتسەيىندە «اسىق» اتتى كلۋب اشىلدى. ءبىلىم ورداسىنىڭ ديرەكتورى جەڭىس تىلەمىسوۆتىڭ ايتۋىنشا, قازاقتىڭ ۇلتتىق ويىندارىن ناسيحاتتاۋ باعىتىندا جۇمىس جاسايتىن بۇل وتاۋدىڭ پاتريوتتىق سەزىمدى كوتەرۋدەگى قىزمەتى جوعارى بولماق.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
