"مەملەكەت باسشىسى "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" كودەكسكە (سالىق كودەكسى) جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" كودەكسىن (سالىق كودەكسى) قولدانىسقا ەنگىزۋ تۋرالى" زاڭعا وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى", - دەلىنگەن اقوردا تاراتقان اقپاراتتا.
بۇعان دەيىن زاڭ پارلامەنتتە قابىلداندى.
زاڭعا سايكەس, 2021 جىلدان باستاپ زەينەتاقى جيناعىن مەرزىمىنەن بۇرىن الاتىن ازاماتتارعا 10% تابىس سالىعىن تولەۋ مەرزىمىن كەيىنگە قالدىرۋ قۇقىعى بەرىلەدى.
زاڭعا تابىس سالىعىن زەينەتكە شىققان سوڭ 16 جىل ىشىندە ءبولىپ تولەۋگە رۇقسات بەرەتىن نورما ەنگىزىلدى.
2021 جىلدان باستاپ زەينەتاقى جيناعىن باسپانا ساتىپ الۋ, ەمدەلۋ, قارجى كومپانيالارىنا باسقارۋعا بەرۋ ءۇشىن پايدالانۋعا بولادى. اقشا ادامنىڭ جەكە شوتىنا اۋدارىلمايدى جانە قولما-قول بەرىلمەيدى.
