نوقتالى زامان دەلىنەتىن كەڭەس ءداۋىرىنىڭ تەمىر نوقتاسىنا دا, قايىس نوقتاسىنا دا باسى سىيماعان قازاقتىڭ حاس باتىرى باۋىرجان مومىش ۇلى تۋرالى «حابار» اگەنتتىگى تاريحي تەلەفيلم ءتۇسىرىپ جاتقانىنان ءبىرازدان بەرى حاباردار ەدىك. كەشە استانا قالاسىنداعى «كەرۋەن» ساۋدا-كوڭىل كوتەرۋ كەشەنىندەگى كينوتەاتردا وسى فيلمنىڭ ءبىرىنشى سەرياسىنىڭ تۇساۋكەسەرى ءوتتى.
نوقتالى زامان دەلىنەتىن كەڭەس ءداۋىرىنىڭ تەمىر نوقتاسىنا دا, قايىس نوقتاسىنا دا باسى سىيماعان قازاقتىڭ حاس باتىرى باۋىرجان مومىش ۇلى تۋرالى «حابار» اگەنتتىگى تاريحي تەلەفيلم ءتۇسىرىپ جاتقانىنان ءبىرازدان بەرى حاباردار ەدىك. كەشە استانا قالاسىنداعى «كەرۋەن» ساۋدا-كوڭىل كوتەرۋ كەشەنىندەگى كينوتەاتردا وسى فيلمنىڭ ءبىرىنشى سەرياسىنىڭ تۇساۋكەسەرى ءوتتى.
تۇساۋكەسەر راسىمىنە باستى رولدەردى سومداعان اكتەرلەر ەركەبۇلان دايىروۆ (باۋىرجان مومىش ۇلى) پەن اسەل ساعاتوۆا (ب.مومىش ۇلىنىڭ جارى – جامال) قاتىستى. ال تەلەديداردان تەلەفيلمدى اعىمداعى جىلدىڭ 17 جەلتوقسانىندا جۇرتشىلىققا ۇسىنۋ جوسپارلانعان.
فيلمدە سوعىستىڭ العاشقى كۇندەرىندە مايدانعا بارۋعا قۇلشىنعان كوڭىل-كۇيى بەينەلەنگەن. «شىنىمدى ايتسام, وسى جولى ۇلى باۋكەڭنىڭ شىعارمالارىن جان-جاقتى زەردەلەي وقىدىم. ونداعى ماقساتىم, كىمنىڭ بەينەسىن جاساپ وتىرعانىمدى تەرەڭ ءتۇسىنۋىم قاجەت ەدى. تۇيىندەي كەلىپ قورىتقان ويىم, قازاقتا وسىنداي دارا ازاماتتىڭ بولعانىنا ماقتاندىم. كەيىنگى وسكەلەڭ ۇرپاق باۋىرجاننىڭ بويىنداعى باتىرلىقتى, باتىلدىقتى ۇلتىن سۇيگەن, ءتىلىن قادىرلەگەن قاسيەتىن بويلارىنا دارىتسا ەكەن دەگەن نيەتپەن باتىر بەينەسىن كورسەتۋگە بار كۇش-جىگەرىمدى جۇمسادىم. بۇگىن ۇلان-عايىر جەرىمىز بار دەپ ماقتانساق, سول جەردى قورعاعان وسىنداي باتىرلار ەكەن عوي», دەيدى قاھارمان ءرولىن سومداعان ە.دايىروۆ.
سۇلەيمەن مامەت,
«ەگەمەن قازاقستان».
سۋرەتتەردى تۇسىرگەن
ەرلان وماروۆ.
