ۇلىبريتانيانىڭ لوندون قالاسىندا ساپانى دامىتۋ جانە يننوۆاتسيا جونىندەگى حالىقارالىق كومپانيا وتكىزگەن بايقاۋدا ەلورداداعى №38 مەكتەپ-ليتسەي International Quality Crown اتتى «التىن» ساناتىنداعى جۇلدەگە يە بولعان ەدى. كەشە مەكتەپ-ليتسەيدە لوندوندا تاپسىرىلعان وسى جۇلدەنىڭ قۇرمەتىنە ءباسپاسوز ءماسليحاتى ءوتتى.
ۇلىبريتانيانىڭ لوندون قالاسىندا ساپانى دامىتۋ جانە يننوۆاتسيا جونىندەگى حالىقارالىق كومپانيا وتكىزگەن بايقاۋدا ەلورداداعى №38 مەكتەپ-ليتسەي International Quality Crown اتتى «التىن» ساناتىنداعى جۇلدەگە يە بولعان ەدى. كەشە مەكتەپ-ليتسەيدە لوندوندا تاپسىرىلعان وسى جۇلدەنىڭ قۇرمەتىنە ءباسپاسوز ءماسليحاتى ءوتتى.
رەسمي اتاۋى Business Initiative Direسtions (BID) اتالاتىن حالىقارالىق كومپانيا 179 مەملەكەتتىڭ ءوندىرىس جانە قىزمەت كورسەتۋ سالالارىندا يننوۆاتسيالىق تەحنولوگيالار مەن ءادىس-تاسىلدەردى ەنگىزۋ ارقىلى جوعارى ساپاعا قول جەتكىزگەن كومپانيالار مەن مەكەمەلەردى انىقتاۋمەن اينالىسادى. بۇل جولى حالىقارالىق كومپانيا استاناداعى №38 مەكتەپ-ليتسەيدى دە ساپالى ۇيىمداردىڭ قاتارىندا باعالادى. سونىڭ ايعاعىنداي, 24 قاراشادا مەكتەپ-ليتسەيدىڭ ديرەكتورى جامال قاسىمبەك International Quality Crown جۇلدەسىن لوندوندا BID پرەزيدەنتى حوسە ە. پريەتو مىرزانىڭ ءوز قولىنان الىپتى. كەشەگى ءباسپاسوز جيىنىندا مەكتەپ ديرەكتورى ءوزى باسقارىپ وتىرعان ۇجىمدى ىسكەرلىك الەمىندە كوشباسشىلىققا ۇمتىلىپ جانە جاڭا ۇردىستەردى جەتىلدىرىپ وتىرۋعا باعىتتالعان كاسىبي مامانداردىڭ كومانداسى دەپ اتادى.
شىن مانىندە №38 مەكتەپ-ليتسەيى 15 جىلدىق تاريحىندا ۇزدىك جەتىستىكتەرگە جەتىپ, بيىك اسۋلاردى باعىندىرىپ كەلە جاتقان ۇجىم. ءبىلىم ورداسىنان 1999-2013 جىلدار ارالىعىندا مىڭعا جۋىق تۇلەك تۇلەپ ۇشسا, سونىڭ 35-ءى «التىن بەلگى», 46-سى «ەرەكشە ۇلگىدەگى اتتەستات» جانە 400-دەن استامى مەملەكەتتىك گرانت يەگەرلەرى. «بولاشاق» باعدارلاماسى بويىنشا الەمنىڭ 11 مەملەكەتىندە 60-قا جۋىق تۇلەك ءبىلىم الۋدا, يننوۆاتسيالىق تەحنولوگيالاردى مەڭگەرۋ بويىنشا ءبىلىم ورداسىندا جوعارى جانە 1 ساناتتى مۇعالىمدەر 69 پايىزدى قۇرايدى. اكت-مەن جۇمىس ىستەيتىن مۇعالىمدەر 62 پايىز, ال كەمبريدج ۋنيۆەرسيتەتىنىڭ باعدارلاماسى بويىنشا 2013 جىلى 25-كە جۋىق مۇعالىم دەڭگەيلىك كۋرستاردى تامامداعان. بيىلعى وقۋ جىلىنىڭ قورىتىندىسى بويىنشا «ۇزدىك مەكتەپ -2013» جانە استانا قالاسى بويىنشا 2012-2013 جىلدىڭ قورىتىندىسىندا «كوشباسشى مەكتەپ» اتاعىن قانجىعاسىنا بايلاپ, قالا اكىمىنىڭ گرانتىن يەلەنىپ وتىر.
ايگۇل سەيىلوۆا,
«ەگەمەن قازاقستان».
