پارلامەنت سەناتى توراعاسىنىڭ ورىنباسارى قايرات يششانوۆ پەن سەناتتىڭ ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ اتىراۋ وبلىسىنداعى يساتاي اۋدانىنىڭ اققىستاۋ اۋىلىندا بولدى.
دەپۋتاتتار ساپار بارىسىندا مادەنيەت ۇيىندە پرەزيدەنتتىڭ «قازاقستان-2050» ستراتەگياسىن ءتۇسىندىرۋ جانە پارلامەنت جۇمىسى تۋرالى حاباردار ەتۋ ءۇشىن جەرگىلىكتى حالىقپەن جۇزدەستى. پرەزيدەنت جولداۋىن ىسكە اسىرۋ اياسىندا پارلامەنت الدىندا تۇرعان مىندەتتەر تۋرالى ق.يششانوۆ ايتىپ بەردى. وندا استاناداعى ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ, رەسپۋبليكالىق بيۋدجەت تۋرالى زاڭدار بويىنشا دەپۋتاتتاردىڭ اتقارعان جۇمىستارى تۋرالى ەگجەي-تەگجەيلى اقپارات ۇسىنىلدى.
پارلامەنت سەناتى توراعاسىنىڭ ورىنباسارى قايرات يششانوۆ پەن سەناتتىڭ ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ اتىراۋ وبلىسىنداعى يساتاي اۋدانىنىڭ اققىستاۋ اۋىلىندا بولدى.
دەپۋتاتتار ساپار بارىسىندا مادەنيەت ۇيىندە پرەزيدەنتتىڭ «قازاقستان-2050» ستراتەگياسىن ءتۇسىندىرۋ جانە پارلامەنت جۇمىسى تۋرالى حاباردار ەتۋ ءۇشىن جەرگىلىكتى حالىقپەن جۇزدەستى. پرەزيدەنت جولداۋىن ىسكە اسىرۋ اياسىندا پارلامەنت الدىندا تۇرعان مىندەتتەر تۋرالى ق.يششانوۆ ايتىپ بەردى. وندا استاناداعى ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ, رەسپۋبليكالىق بيۋدجەت تۋرالى زاڭدار بويىنشا دەپۋتاتتاردىڭ اتقارعان جۇمىستارى تۋرالى ەگجەي-تەگجەيلى اقپارات ۇسىنىلدى.
* * *
پارلامەنت سەناتى الەۋمەتتىك-ءمادەني دامۋ كوميتەتىنىڭ توراعاسى اقان بيجانوۆ «الماتىمەتروقۇرىلىس» اق قۇرىلىسشىلارىمەن كەزدەستى.
دەپۋتات «سايران» جانە «ماسكەۋ» ستانسالارىنىڭ قۇرىلىسىمەن تانىسىپ, جۇمىسشىلاردى الماتىنىڭ كولىك ماسەلەلەرىن شەشۋ جونىندەگى مەملەكەتتىك دەڭگەيدە, پارلامەنتتە جانە قالا اكىمدىگىندە قابىلدانعان شارالار تۋرالى حاباردار ەتتى.
سەناتور الىپ شاھارداعى كولىك ماسەلەلەرىن شەشۋدىڭ ءتيىمدى جولى – مەترو ەكەنىن اتاپ ءوتتى. «سايران» جانە «ماسكەۋ» ستانسالارىنىڭ قۇرىلىستارى باقىلاۋدا تۇر. پارلامەنتتە بەكىتىلگەن الداعى جىلدىڭ بيۋدجەتىندە قالعان ستانسالاردىڭ قۇرىلىسىنا 15 ميلليارد تەڭگەدەن استام قارجى سالىنعان بولاتىن. سەناتور ا.بيجانوۆ الماتى مەتروسىنىڭ قۇرىلىسىن قامتاماسىز ەتۋ ءۇشىن بارلىق شارالار قابىلداناتىنىن جەتكىزدى.
* * *
پارلامەنت سەناتىنىڭ دەپۋتاتى, الەۋمەتتىك-مادەني دامۋ كوميتەتىنىڭ مۇشەسى نۇرلان ورازالين الماتى قالاسىنداعى قازاق ۇلتتىق اگرارلىق ۋنيۆەرسيتەتىندە بولىپ, ستۋدەنتتەرمەن جانە پروفەسسورلىق-وقىتۋشىلار قۇرامىمەن كەزدەستى.
جۇزدەسۋدە سەناتور «قازاقستان-2050» ستراتەگياسى اياسىندا مەملەكەتتىك جاستار ساياساتىن ىسكە اسىرۋ ماسەلەلەرىنە توقتالدى. ءححى عاسىردا بىلىمدىلەر العا شىعاتىنىن ايتقان دەپۋتات ساپالى ءبىلىم الۋعا جانە جاستاردى وتانسۇيگىشتىككە تاربيەلەۋگە نازار اۋداردى.
كەزدەسۋگە قاتىسقان جاستار ەلباسى نۇرسۇلتان نازارباەۆتىڭ قازاقستان حالقىنا جولداۋىندا جاستاردىڭ الدىنا قويعان مىندەتتەرىنە قاتىستى ءوز ويلارىن ورتاعا سالدى.
* * *
ايماقتارعا ساپار اياسىندا پارلامەنت سەناتىنىڭ دەپۋتاتتارى, حالىقارالىق قاتىناستار, قورعانىس جانە قاۋىپسىزدىك كوميتەتىنىڭ حاتشىسى بىرعانىم ءايتىموۆا مەن وسى كوميتەتتىڭ مۇشەسى سەرگەي گروموۆ ورال قالاسىندا بولدى.
سەناتورلار وبلىس اكىمى نۇرلان نوعاەۆپەن كەزدەستى. جۇزدەسۋدە وبلىستا «قازاقستان-2050» ستراتەگياسىن ىسكە اسىرۋ ماسەلەلەرى تالقىلاندى.
سول كۇنى دەپۋتاتتار جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە بولىپ, ودان ءارى ورالداعى «زەنيت» زاۋىتى» اكتسيونەرلىك قوعامىنىڭ ەڭبەك ۇجىمىمەن كەزدەستى. كەزدەسۋ بارىسىندا دەپۋتاتتار «قازاقستان-2050» ستراتەگياسى, «نۇر وتان» پارتياسىنىڭ كەزەكتەن تىس حV سەزىنىڭ قورىتىندىلارى جانە حالىقتى الەۋمەتتىك قولداۋعا باعىتتالعان زاڭدار تۋرالى اڭگىمەلەدى.
* * *
پارلامەنت سەناتىنىڭ دەپۋتاتى, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى سەرگەي كۋلاگين پەتروپاۆل قالاسىندا بولعان اۋىل شارۋاشىلىعىنىڭ سالتاناتتى شاراسىنا قاتىستى.
سەناتور سولتۇستىك قازاقستان وبلىسىنىڭ باسشىلىعىمەن جانە ارگوقۇرىلىمداردىڭ وكىلدەرىمەن كەزدەستى. شاراعا قاتىسۋشىلار اۋىل شارۋاشىلىعى جىلىن قورىتىندىلاپ, قول جەتكەن تابىستاردى اتاپ ءوتتى.
* * *
ايماقتارعا ءداستۇرلى ساپار اياسىندا سەناتور اناتولي باشماكوۆ پەتروپاۆل قالاسىندا وبلىستىق ىشكى ساياسات, جاستار ساياساتى ماسەلەلەرى جونىندەگى باسقارمالاردىڭ قىزمەتكەرلەرىمەن, ارداگەرلەر ۇيىمدارى مەن ۇكىمەتتىك ەمەس ۇيىمداردىڭ, ۇلتتىق ءمادەنيەت ورتالىقتارىنىڭ وكىلدەرىمەن كەزدەستى.
كەزدەسۋلەردە «نۇر وتان» پارتياسىنىڭ كەزەكتەن تىس XV سەزىندە ەلباسى نۇرسۇلتان نازارباەۆ العا قويعان مىندەتتەردى ىسكە اسىرۋ ماسەلەلەرى تالقىلاندى. اسىرەسە, جاستار ساياساتىنا ەرەكشە نازار اۋدارىلدى. پارتيا توراعاسى «نۇر وتان» پارتياسىنىڭ سەزىندە ححI عاسىردا الەۋمەتتىك جاڭعىرتۋدىڭ ماڭىزدى باعىتى بولىپ تابىلاتىن جاستار ساياساتىنا قولداۋ بىلدىرەتىن پارتيا العا شىعاتىنىن اتاپ وتكەن بولاتىن.
* * *
پارلامەنت سەناتىنىڭ دەپۋتاتى سەرگەي پلوتنيكوۆ وسكەمەندەگى بىرقاتار الەۋمەتتىك-مادەني جانە سپورت نىساندارى قۇرىلىسىنىڭ بارىسىمەن تانىستى.
وسكەمەن تۇرعىندارى دەپۋتاتپەن «قازاقستان-2050» ستراتەگياسىن ىسكە اسىرۋدىڭ العاشقى ءناتيجەلەرى تۋرالى وي ءبولىسىپ, ەكونوميكانى, الەۋمەتتىك سالانى, مەملەكەتتىك قىزمەت جۇيەسىن جاڭعىرتۋ جونىندەگى مەملەكەتتىك رەفورمالارعا قولداۋ ءبىلدىردى.
س.پلوتنيكوۆ الداعى كۇندەردە وسكەمەندەگى جىلۋ-ەلەكتر ستانساسىن جاڭعىرتۋ جايىمەن تانىسىپ, سەمەيگە باراتىن بولادى, دەپ حابارلادى سەناتتىڭ ءباسپاسوز قىزمەتى.
