ءماسليحاتتىڭ ۇلگى رەگلامەنتىن بەكىتۋ تۋرالى
«قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن ءوزى باسقارۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:
1. قوسا بەرىلىپ وتىرعان ءماسليحاتتىڭ ۇلگى رەگلامەنتى بەكىتىلسىن.
2. وسى جارلىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2013 جىلعى 3 جەلتوقسان. № 704
قازاقستان رەسپۋبليكاسى پرەزيدەنتىنىڭ 2013 جىلعى 3 جەلتوقسانداعى № 704 جارلىعىمەن بەكىتىلگەن
ءماسليحاتتىڭ ۇلگى رەگلامەنتى
1. جالپى ەرەجەلەر
1. ءماسليحاتتىڭ وسى ۇلگى رەگلامەنتى (بۇدان ءارى – رەگلامەنت) «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن ءوزى باسقارۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ (بۇدان ءارى – زاڭ) 9-بابىنا سايكەس ازىرلەندى جانە ءماسليحات سەسسيالارىن, ونىڭ ورگاندارىنىڭ وتىرىستارىن وتكىزۋ, ولارعا ماسەلەلەر ەنگiزۋ جانە قاراۋ, ءماسليحات ورگاندارىن قۇرۋ جانە سايلاۋ, ولاردىڭ قىزمەتi تۋرالى ەسەپتەردi, حالىق الدىندا ءماسليحاتتىڭ اتقارعان جۇمىسى جانە ونىڭ تۇراقتى كوميسسيالارىنىڭ قىزمەتى تۋرالى ەسەپتەردى تىڭداۋ, دەپۋتاتتاردىڭ ساۋالدارىن قاراۋ ءتارتiبiن, ماسليحاتتاعى دەپۋتاتتىق بiرلەستiكتەردiڭ وكiلەتتiكتەرiن, قىزمەتiن ۇيىمداستىرۋدى, سونداي-اق داۋىس بەرۋ, اپپارات جۇمىسىنىڭ ءتارتiبiن جانە باسقا دا راسiمدiك جانە ۇيىمداستىرۋشىلىق ماسەلەلەرىن بەلگىلەيدى.
2. ءماسليحات (جەرگىلىكتى وكىلدى ورگان) – وبلىس, رەسپۋبليكالىق ماڭىزى بار قالا جانە استانا نەمەسە اۋداننىڭ (وبلىستىق ماڭىزى بار قالانىڭ) حالقى سايلايتىن, حالىقتىڭ ەركىن بىلدىرەتىن جانە قازاقستان رەسپۋبليكاسىنىڭ زاڭناماسىنا سايكەس ونى ىسكە اسىرۋ ءۇشىن قاجەتتى شارالاردى ايقىندايتىن جانە ولاردىڭ جۇزەگە اسىرىلۋىن باقىلايتىن سايلانبالى ورگان. ءماسليحات زاڭدى تۇلعا قۇقىعىن يەلەنبەيدى.
3.ءماسليحاتتىڭ قىزمەتى قازاقستان رەسپۋبليكاسىنىڭ كونستيتۋتسياسىمەن, زاڭمەن جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىمەن رەتتەلەدى.
2. ءماسليحات سەسسيالارىن وتكىزۋ ءتارتىبى
2.1. ءماسليحات سەسسيالارى
4. ءماسليحات قىزمەتىنىڭ نەگىزگى نىسانى سەسسيا بولىپ تابىلادى, وندا قازاقستان رەسپۋبليكاسىنىڭ زاڭدارى بويىنشا ونىڭ قۇزىرەتىنە جاتقىزىلعان ماسەلەلەر شەشىلەدى.
ەگەر ءماسليحاتتىڭ سەسسياسىنا ءتيىستى اۋماقتان ءماسليحات دەپۋتاتتارىنىڭ جالپى سانىنىڭ كەمىندە ۇشتەن ەكىسى قاتىسسا, ول زاڭدى. سەسسيا جالپى وتىرىس نىسانىندا وتكىزىلەدى.
ءماسليحاتتىڭ شەشىمى بويىنشا سەسسيا جۇمىسىندا ءماسليحات بەلگىلەگەن مەرزىمگە, بىراق كۇنتىزبەلىك ون بەس كۇننەن اسپايتىن ءۇزىلىس جاريالانۋى مۇمكىن. سەسسيانىڭ ۇزاقتىعىن ءماسليحات ايقىندايدى.
ءماسليحاتتىڭ ءاربىر وتىرىسىنىڭ الدىندا قاتىسىپ وتىرعان دەپۋتاتتاردى تىركەۋ جۇرگىزىلەدى, ونىڭ ءناتيجەسىن سەسسيانىڭ توراعاسى وتىرىس باستالاردان بۇرىن جاريا ەتەدى.
ءماسليحاتتىڭ سەسسياسى, ادەتتە, اشىق سيپاتتا بولادى. ەگەر بۇعان قاتىسىپ وتىرعان دەپۋتاتتاردىڭ جالپى سانىنىڭ كوپشىلىگى داۋىس بەرسە, جابىق سەسسيالاردى وتكىزۋگە ءماسليحات سەسسياسى توراعاسىنىڭ نەمەسە ءماسليحات سەسسياسىنا قاتىسىپ وتىرعان دەپۋتاتتار سانىنىڭ ۇشتەن ءبىر بولىگىنىڭ ۇسىنىسى بويىنشا جول بەرىلەدى.
5. جاڭادان سايلانعان ءماسليحاتتىڭ ءبىرىنشى سەسسياسىن دەپۋتاتتاردىڭ وسى ءماسليحات ءۇشىن بەلگىلەنگەن سانىنىڭ كەمىندە تورتتەن ءۇش بولىگى بولعان كەزدە, ءماسليحات دەپۋتاتتارى تىركەلگەن كۇننەن باستاپ وتىز كۇندىك مەرزىمنەن كەشىكتىرمەي ءتيىستى اۋماقتىق سايلاۋ كوميسسياسىنىڭ توراعاسى شاقىرادى.
6. ءماسليحاتتىڭ ءبىرىنشى سەسسياسىن سايلاۋ كوميسسياسىنىڭ توراعاسى اشادى جانە ونى ءماسليحات سەسسياسىنىڭ توراعاسى سايلانعانعا دەيىن جۇرگىزەدى.
سايلاۋ كوميسسياسىنىڭ توراعاسى دەپۋتاتتارعا سەسسيا توراعاسىنىڭ كانديداتۋراسىن ەنگىزۋدى ۇسىنادى, ول بويىنشا اشىق داۋىس بەرۋ جۇرگىزىلەدى. دەپۋتاتتاردىڭ جالپى سانىنىڭ كوپشىلىك داۋسىن جيناعان كانديدات سايلانعان بولىپ ەسەپتەلەدى.
7. ءماسليحاتتىڭ كەزەكتى سەسسياسى جىلىنا ءتورت رەتتەن ءجيى شاقىرىلمايدى جانە ونى ءماسليحات سەسسياسىنىڭ توراعاسى جۇرگىزەدى.
8. ءماسليحاتتىڭ كەزەكتەن تىس سەسسياسىن وسى ءماسليحاتقا سايلانعان دەپۋتاتتار سانىنىڭ كەمىندە ۇشتەن ءبىرىنىڭ, سونداي-اق اكىمنىڭ ۇسىنىسى بويىنشا ءماسليحات سەسسياسىنىڭ توراعاسى شاقىرادى جانە جۇرگىزەدى.
كەزەكتەن تىس سەسسيا ونى وتكىزۋ تۋرالى شەشىم قابىلدانعان كۇننەن باستاپ بەس كۇندىك مەرزىمنەن كەشىكتىرىلمەي شاقىرىلادى. كەزەكتەن تىس سەسسيادا ونى شاقىرۋعا نەگىز بولعان ماسەلەلەر عانا قارالادى.
9. ءماسليحاتتىڭ حاتشىسى ءماسليحات سەسسياسىن شاقىرۋ ۋاقىتى مەن ونىڭ وتكىزىلەتىن ورنى, سونداي-اق سەسسيانىڭ قاراۋىنا ەنگىزىلەتىن ماسەلەلەر تۋرالى دەپۋتاتتارعا, حالىققا جانە اكىمگە سەسسياعا كەمىندە ون كۇن قالعاندا, ال كەزەكتەن تىس سەسسيا شاقىرىلعان جاعدايدا, كەمىندە ءۇش كۇن بۇرىن حابارلايدى.
ءماسليحات حاتشىسى سەسسيانىڭ قاراۋىنا ەنگىزىلەتىن ماسەلەلەر بويىنشا قاجەتتى ماتەريالداردى دەپۋتاتتارعا جانە اكىمگە سەسسياعا كەمىندە بەس كۇن قالعاندا, ال كەزەكتەن تىس سەسسيا شاقىرىلعان جاعدايدا, كەمىندە ءۇش كۇن بۇرىن تابىس ەتەدى.
10. رەگلامەنتتە بەلگىلەنگەن تارتىپپەن ءماسليحات سەسسيالارىن, ءماسليحاتتىڭ تۇراقتى كوميسسيالارىنىڭ جانە وزگە دە ورگاندارىنىڭ وتىرىستارىن وتكىزۋ كەزەڭىندە دەپۋتات قىزمەتتىك مىندەتتەرىن ورىنداۋدان بوساتىلادى, وعان جەرگىلىكتى بيۋدجەتتىڭ قاراجاتى ەسەبىنەن نەگىزگى جۇمىس ورنى بويىنشا ورتاشا جالاقىسى, بىراق كورسەتىلگەن قىزمەتتە ءبىر جىلعا دەيىنگى جۇمىس ءوتىلى بار ءتيىستى اكىمشىلىك-اۋماقتىق بىرلىك اكىمىنىڭ اپپارات باسشىسىنىڭ جالاقىسىنان اسپايتىن مولشەردە جانە جول ءجۇرۋ ۋاقىتى ەسكەرىلىپ, ءماسليحاتتىڭ سەسسيالارى, تۇراقتى كوميسسيالارى مەن وزگە دە ورگاندارىنىڭ وتىرىستارى وتەتىن مەرزىمدەگى ءىسساپار شىعىستارى وتەلەدى.
11. سەسسيانىڭ كۇن ءتارتىبىن ءماسليحات جۇمىسىنىڭ پەرسپەكتيۆالى جوسپارىنىڭ, ءماسليحات حاتشىسى, ءماسليحاتتىڭ تۇراقتى كوميسسيالارى مەن وزگە دە ورگاندارى, دەپۋتاتتار توپتارى مەن دەپۋتاتتار, ءتيىستى اۋماقتىڭ اكىمى ۇسىنعان ماسەلەلەردىڭ نەگىزىندە سەسسيانىڭ توراعاسى قالىپتاستىرادى.
سەسسيانىڭ كۇن تارتىبىنە ۇسىنىستاردى سەسسيانىڭ توراعاسىنا جەرگىلىكتى قوعامداستىقتىڭ جينالىستارى, قوعامدىق ۇيىمدار ۇسىنۋى مۇمكىن.
سەسسيانىڭ كۇن ءتارتىبىن تالقىلاۋ بارىسىندا ول تولىقتىرىلۋى جانە وزگەرتىلۋى مۇمكىن. سەسسيانىڭ كۇن ءتارتىبىن بەكىتۋ تۋرالى ءماسليحات شەشىم قابىلدايدى.
كۇن ءتارتىبى بويىنشا داۋىس بەرۋ ءاربىر ماسەلە بويىنشا جەكە وتكىزىلەدى. ەگەر ماسەلەگە ءماسليحات دەپۋتاتتارىنىڭ كوپشىلىگى داۋىس بەرسە, ول كۇن تارتىبىنە ەنگىزىلدى دەپ ەسەپتەلەدى.
12. سەسسياعا ەنگىزىلەتىن ماسەلەلەردى ساپالى دايىنداۋ ءۇشىن ءماسليحات حاتشىسى سەسسيانى دايىنداۋ جونىندەگى ءىس-شارالار جوسپارىن ازىرلەۋدى ۋاقتىلى ۇيىمداستىرادى, ونى ءتيىستى اۋماقتىڭ اكىمىمەن كەلىسىم بويىنشا سەسسيا توراعاسى بەكىتەدى.
13. ءماسليحاتتىڭ قاراۋىنا جاتاتىن ماسەلەلەر بويىنشا وبلىس, رەسپۋبليكالىق ماڭىزى بار قالا جانە استانا ءماسليحاتىنىڭ سەسسيالارىنا قالالار مەن اۋداندار ءماسليحاتتارىنىڭ حاتشىلارى, قازاقستان رەسپۋبليكاسى پارلامەنتىنىڭ دەپۋتاتتارى, وبلىس, رەسپۋبليكالىق ماڭىزى بار قالا جانە استانا, ءتيىستى اۋماقتىڭ قالالارى مەن اۋداندارىنىڭ اكىمدەرى, جۇمىسى تۋرالى اقپارات سەسسيادا قارالاتىن ۇيىمداردىڭ باسشىلارى مەن وزگە دە لاۋازىمدى ادامدارى شاقىرىلادى. سەسسيالارعا سەسسيا توراعاسىنىڭ شاقىرۋىمەن بۇقارالىق اقپارات قۇرالدارى, مەملەكەتتىك ورگاندار مەن قوعامدىق ۇيىمدار وكىلدەرىنىڭ قاتىسۋىنا جول بەرىلەدى.
ءماسليحاتتىڭ قاراۋىنا جاتاتىن ماسەلەلەر بويىنشا اۋداندىق (وبلىستىق ماڭىزى بار قالا) ءماسليحاتتىڭ سەسسياسىنا اۋداننىڭ (وبلىستىق ماڭىزى بار قالانىڭ), اۋداندىق ماڭىزى بار قالا, اۋىل, كەنت جانە اۋىلدىق وكرۋگ اكىمدەرى, جۇمىسى سەسسيادا قارالاتىن ۇيىمداردىڭ باسشىلارى مەن وزگە دە لاۋازىمدى ادامدارى شاقىرىلادى. سەسسيالارعا سەسسيا توراعاسىنىڭ شاقىرۋىمەن بۇقارالىق اقپارات قۇرالدارى, مەملەكەتتىك ورگاندار مەن قوعامدىق ۇيىمدار وكىلدەرىنىڭ قاتىسۋىنا جول بەرىلەدى.
14. ءماسليحاتتىڭ وتىرىسىنا شاقىرىلعان ادامدار ءۇشىن ءماجىلىس زالىندا ارنايى ورىندار بولىنەدى. شاقىرىلعان ادامداردىڭ ءماسليحات سەسسياسىنىڭ جۇمىسىنا ارالاسۋىنا, ءماسليحات سەسسياسىنىڭ شەشىمدەرىن قولدايتىنىن نەمەسە قولدامايتىنىن بىلدىرۋىنە جول بەرىلمەيدى.
شاقىرىلعان ادام ءتارتىپتى ورەسكەل بۇزعان جاعدايدا, سەسسيا توراعاسىنىڭ شەشىمى نەمەسە سەسسياعا قاتىسىپ وتىرعان دەپۋتاتتاردىڭ كوپشىلىگىنىڭ تالابى بويىنشا ءماجىلىس زالىنان شىعارىلۋى مۇمكىن.
15. ءماسليحاتتىڭ وتىرىستارى ءماسليحات ايقىنداعان ۋاقىتتا وتكىزىلەدى.
سەسسيا توراعاسى ءوز باستاماسى بويىنشا نەمەسە دەپۋتاتتاردىڭ دالەلدى ۇسىنىستارى بويىنشا ءۇزىلىستەر جاريالاي الادى. جالپى وتىرىستىڭ سوڭىندا دەپۋتاتتارعا قىسقا مالىمدەمەلەر نەمەسە حابارلامالار جاساۋ ءۇشىن ۋاقىت بەرىلەدى, ولار بويىنشا ءجارىسسوز اشىلمايدى.
16. ءماسليحات وتىرىستارىندا باياندامالار, قوسىمشا باياندامالار, جارىسسوزدە سويلەۋ ءۇشىن جانە وتىرىستاردى وتكىزۋ ءتارتىبى بويىنشا, كانديداتۋرالاردى تالقىلاۋ, داۋىس بەرۋ, انىقتامالار مەن سۇراقتار ءۇشىن ءسوز سويلەۋ رەگلامەنتىن ءماسليحات ايقىندايدى. بايانداماشىلار مەن قوسىمشا بايانداماشىلارعا سۇراقتارعا جاۋاپ بەرۋ ءۇشىن ۋاقىت بولىنەدى. ەگەر ءسوز سويلەۋشى بولىنگەن ۋاقىتتان اسىپ كەتسە, سەسسيا توراعاسى ونىڭ ءسوزىن توقتاتادى نەمەسە وتىرىسقا قاتىسىپ وتىرعان دەپۋتاتتاردىڭ كوپشىلىگىنىڭ كەلىسىمىمەن ءسوز سويلەۋ ۋاقىتىن ۇزارتادى.
ءماسليحات دەپۋتاتى ءبىر ماسەلە بويىنشا ەكى رەتتەن ارتىق سويلەي المايدى. جارىسسوزدەردەگى دەپۋتاتتىق ساۋالدار, تۇسىندىرمە جانە سۇراقتارعا جاۋاپ بەرۋ ءۇشىن سويلەۋ ءسوز سويلەۋ دەپ ەسەپتەلمەيدى. سويلەۋ قۇقىعىن باسقا دەپۋتاتقا بەرۋگە جول بەرىلمەيدى.
ءجارىسسوز سەسسياعا قاتىسىپ وتىرعان دەپۋتاتتاردىڭ كوپشىلىگىنىڭ اشىق داۋىس بەرۋىمەن توقتاتىلادى. ءجارىسسوزدى توقتاتۋ تۋرالى ماسەلە قويىلعان كەزدە, سەسسيا توراعاسى ءسوز سويلەۋگە جازىلعان جانە سويلەگەن دەپۋتاتتاردىڭ سانى تۋرالى حابارلايدى, كىمنىڭ ءسوز الۋدى تالاپ ەتەتىندىگىن انىقتايدى.
17. وتىرىستى وتكىزۋ ءتارتىبى بويىنشا ءسوز دەپۋتاتقا ءسوز سويلەپ تۇرعان ادامنىڭ ءسوزى اياقتالعان سوڭ كەزەكتەن تىس بەرىلەدى. سەسسيا توراعاسى انىقتاما, دەپۋتاتتىق ساۋال, سۇراققا جاۋاپ جانە تالقىلانىپ وتىرعان ماسەلە بويىنشا تۇسىندىرمە بەرۋ ءۇشىن كەزەكتەن تىس ءسوز بەرە الادى.
بايانداماشىلارعا سۇراقتار جازباشا نەمەسە اۋىزشا تۇردە بەرىلەدى. جازباشا سۇراقتار سەسسيا توراعاسىنا بەرىلەدى جانە ءماسليحات وتىرىسىندا جاريا ەتىلەدى.
2.2. ءماسليحات اكتىلەرىن قابىلداۋ ءتارتىبى
18. ەگەر زاڭدا وزگەشە بەلگىلەنبەسە, ءماسليحات ءوز قۇزىرەتىنىڭ ماسەلەلەرى بويىنشا ءماسليحات دەپۋتاتتارىنىڭ جالپى سانىنىڭ كوپشىلىك داۋىسىمەن شەشىمدەر قابىلدايدى.
19. شەشىمدەردىڭ جوبالارى سەسسيا توراعاسىنا نەمەسە ءماسليحات حاتشىسىنا بەرىلەدى.
سەسسيانىڭ توراعاسى نەمەسە ءماسليحاتتىڭ حاتشىسى قاراۋعا قابىلدانعان شەشىمدەردىڭ جوبالارىن بارلىق قاجەتتى ماتەريالدارىمەن بىرگە تۇراقتى كوميسسيالارعا قاراۋ جانە ۇسىنىستار دايىنداۋ ءۇشىن جولدايدى. ءبىر مەزگىلدە تۇراقتى كوميسسيالاردىڭ بىرىنە ءماسليحات اكتىسىنىڭ جوباسى بويىنشا قورىتىندى, سەسسياعا قوسىمشا بايانداما دايىنداۋ, قوسىمشا اقپارات جيناۋ جانە تالداۋ جۇرگىزۋ جۇكتەلۋى مۇمكىن.
شەشىمدەردىڭ جوبالارىمەن جۇمىس ىستەۋ جانە باسقا دا ماسەلەلەردى دايىنداۋ ءۇشىن تۇراقتى كوميسسيالار جۇمىس توپتارىن قۇرا الادى. قاجەت بولعان جاعدايدا جۇمىس توبىنىڭ قۇرامىنا باسقا تۇراقتى كوميسسيالاردىڭ دەپۋتاتتارى تارتىلۋى مۇمكىن. جۇمىس توبىنىڭ جۇمىسىنا كەز كەلگەن دەپۋتات قاتىسا الادى.
قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, ءتيىستى اتقارۋشى ورگاننىڭ ۇسىنىمى بويىنشا ءماسليحات ونىمەن بىرلەسكەن شەشىم قابىلدايدى.
20. ءماسليحاتتىڭ جالپىعا مىندەتتى ماڭىزى بار, ازاماتتاردىڭ قۇقىعىنا, ەركىندىگى مەن مىندەتتەرىنە قاتىستى شەشىمدەرى ادىلەت مينيسترلىگىنىڭ اۋماقتىق ورگاندارىندا مەملەكەتتىك تىركەلۋگە جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاريالانۋعا ءتيىس.
21. شەشىمدەردىڭ بالامالى جوبالارىن ءماسليحات جانە ونىڭ ورگاندارى نەگىزگى جوبامەن بىرگە قارايدى. سەسسياعا ماسەلە دايىنداۋعا قاتىسۋشى تۇراقتى كوميسسيالار اراسىندا كەلىسپەۋشىلىكتەر بولعان جاعدايدا, كوميسسيالاردىڭ توراعالارى جانە سەسسيا توراعاسى ولاردى جويۋ بويىنشا شارالار قابىلدايدى, قالعان كەلىسپەۋشىلىكتەر ءماسليحاتتىڭ نازارىنا جەتكىزىلەدى.
22. سەسسيادا ماسەلەنى قاراعان كەزدە بايانداما, قاجەت بولعان جاعدايدا, تۇراقتى كوميسسيالاردىڭ, جۇمىس توپتارى مەن ۋاقىتشا كوميسسيالاردىڭ قوسىمشا باياندامالارى تىڭدالادى.
كوميسسيانىڭ بايانداماسىندا جوباعا ەنگىزىلگەن جانە قايتارىلعان ۇسىنىستار كورسەتىلەدى, تۇزەتۋلەردى قابىلداۋدىڭ نەمەسە قايتارۋدىڭ سەبەپتەرى دالەلدەنەدى.
قوسىمشا باياندامانىڭ ەرەجەلەرىمەن نەمەسە شەشىمنىڭ جوباسى بويىنشا قورىتىندىلارمەن كەلىسپەيتىن تۇراقتى كوميسسيالار, كوميسسيالاردىڭ جانە جۇمىس توپتارىنىڭ جەكەلەگەن مۇشەلەرى ءوز پىكىرلەرىن قارالاتىن ماسەلە بويىنشا جالپى ءجارىسسوز باستالعانعا دەيىن بايانداي الادى.
23. شەشىمنىڭ جوباسىن تالقىلاۋ تارماقتار بويىنشا جۇرگىزىلەدى. جوبالارعا تۇزەتۋلەر ۇسىنىلىپ وتىرعان وزگەرىستەر نەمەسە تولىقتىرۋلار ناقتى تۇجىرىمدالىپ, ولاردىڭ شەشىم جوباسىنىڭ ماتىنىندەگى ورنى كورسەتىلىپ, جازباشا تۇردە بەرىلەدى. وسى تالاپتاردى قاناعاتتاندىرمايتىن تۇزەتۋلەر قاراۋعا قابىلدانبايدى.
24. ءماسليحات سەسسياسى كۇن ءتارتىبىنىڭ ءاربىر ماسەلەسى بويىنشا شەشىم قابىلدايدى. ءبىر ماسەلە بويىنشا شەشىمدەردىڭ بىرنەشە نۇسقاسى ەنگىزىلگەن جاعدايدا, ولاردىڭ ارقايسىسى سەسسياعا قاتىسىپ وتىرعان دەپۋتاتتارعا بەرىلەدى.
ءماسليحاتتىڭ ۋاقىتشا كوميسسياسى بولىپ تابىلاتىن رەداكتسيالىق كوميسسيا شەشىمدەردىڭ ۇسىنىلعان نۇسقالارىن قابىلداۋ نەمەسە كەرى قايتارۋ تۋرالى ءوزىنىڭ پىكىرىن جەتكىزەدى جانە دالەلدەيدى.
شەشىمدەردىڭ ەنگىزىلگەن بارلىق جوبالارى داۋىسقا سالىنادى. جوبالاردىڭ ءبىرى نەگىزگە الىنعاننان كەيىن دەپۋتاتتار وعان تۇزەتۋلەر قابىلداۋ راسىمىنە كىرىسەدى.
25. ءماسليحات شەشىمىنىڭ جوباسىنا تۇزەتۋلەر بولعان جاعدايدا, داۋىس بەرۋ مىناداي رەتپەن جۇزەگە اسىرالادى:
1) ءماسليحات شەشىمىنىڭ ۇسىنىلعان (پىسىقتالعان) جوباسى نەگىزگە الىنادى, ول كەرى قايتارىلعان جاعدايدا, تۇزەتۋلەر بويىنشا ودان ءارى داۋىس بەرۋ توقتاتىلادى;
2) نەگىزگە الىنعان جوباعا كىرمەگەن بارلىق تۇزەتۋلەر كەزەك بويىنشا داۋىسقا سالىنادى;
3) سەسسيا شەشىمى قابىلدانعان تۇزەتۋلەردى ەسكەرە وتىرىپ, تۇتاستاي داۋىسقا سالىنادى. شەشىمدەردىڭ قابىلدانباعان جوبالارى جانە ولارعا تۇزەتۋلەر بويىنشا اعىمداعى سەسسيادا قايتا داۋىس بەرۋگە جول بەرىلمەيدى.
26. تۇزەتۋلەر جەكە-جەكە داۋىسقا سالىنادى, ولارعا داۋىس بەرۋدىڭ رەتىن توراعالىق ەتۋشى ايقىندايدى. ءوزارا قاراما-قايشى كەلەتىن تۇزەتۋلەر بويىنشا داۋىس بەرۋ الدىندا سوڭعىسىن توراعالىق ەتۋشى وقيدى. تۇزەتۋ اۆتورلارىنىڭ ولاردىڭ ءمانى بويىنشا تۇسىنىك بەرىپ نەمەسە ولاردى تالقىلاۋدان الىپ تاستاۋ تۋرالى ۇسىنىسپەن ءسوز سويلەۋىنە جول بەرىلەدى.
ءماسليحات شەشىمدەرىنە وزگەرىستەر ولاردى قابىلداۋ ءۇشىن بەلگىلەنگەن تارتىپپەن ەنگىزىلەدى.
سەسسيالاردىڭ حاتتامالارى سەسسيادان كەيىن ءبىر ايدان كەشىكتىرىلمەي باسىلىپ, زاڭنامادا بەلگىلەنگەن تارتىپپەن ساقتالادى.
27. جوسپارلاردىڭ, اۋماقتاردى الەۋمەتتىك-ەكونوميكالىق دامىتۋ باعدارلامالارىنىڭ, ولاردىڭ ورىندالۋى تۋرالى ەسەپتەردىڭ, اۋماقتى باسقارۋ سحەمالارىنىڭ جوبالارى جانە ءماسليحات سەسسياسىنىڭ قاراۋىنا شىعارىلاتىن باسقا دا ماسەلەلەر, سونداي-اق ولار بويىنشا شەشىمدەردىڭ تيىستىلىگىنە قاراي كەلىسۋ بۇرىشتامالارى قويىلعان, بارلىق قاجەتتى ماتەريالدارى قوسا بەرىلگەن قازاق جانە ورىس تىلدەرىندەگى جوبالارى ماسليحاتقا كەزەكتى سەسسياعا دەيىن ءۇش اپتا بۇرىن ءماسليحاتتىڭ تۇراقتى كوميسسيالارىنىڭ قاراۋىنا ەنگىزىلەدى.
28. ءتيىستى اۋماق بيۋدجەتىنىڭ جوباسى ءماسليحاتتىڭ تۇراقتى كوميسسيالارىندا قارالادى. ءماسليحاتتىڭ حاتشىسى بيۋدجەتتىڭ جوباسىن قاراۋ جونىندەگى دەپۋتاتتىق ۋاقىتشا جۇمىس توبىن قۇرادى, ونىڭ قۇرامىنا ءماسليحات اپپاراتىنىڭ قىزمەتكەرلەرى, جەرگىلىكتى اتقارۋشى ورگانداردىڭ وكىلدەرى قوسىلۋى مۇمكىن.
تۇراقتى كوميسسيالار ۋاقىتشا جۇمىس توبىنىڭ پىكىرىن ەسكەرە وتىرىپ, ءتيىستى نەگىزدەمەلەرمەن جانە ەسەپتەرمەن ءتيىستى اۋماق بيۋدجەتىنىڭ جوباسى بويىنشا ۇسىنىستار ازىرلەيدى جانە ولاردى ۇسىنىستاردى جيناۋ مەن ءتيىستى اۋماق بيۋدجەتىنىڭ جوباسى بويىنشا قورىتىندى ازىرلەۋدى جۇزەگە اسىراتىن بەيىندى تۇراقتى كوميسسياعا جىبەرەدى.
بيۋدجەتتىك جوسپارلاۋ جونىندەگى جەرگىلىكتى ۋاكىلەتتى ورگان سەسسيا باستالۋىنان كەمىندە ەكى اپتا بۇرىن سەسسيا توراعاسىنا, ءماسليحاتتىڭ حاتشىسىنا بارلىق قاجەتتى ماتەريالدارمەن بىرگە بيۋدجەت تۋرالى شەشىم جوباسىنىڭ تۇپكىلىكتى نۇسقاسىن ۇسىنادى.
وبلىستىق بيۋدجەت, رەسپۋبليكالىق ماڭىزى بار قالانىڭ, استانانىڭ بيۋدجەتى قازاقستان رەسپۋبليكاسىنىڭ پرەزيدەنتى رەسپۋبليكالىق بيۋدجەت تۋرالى زاڭعا قول قويعاننان كەيىن ەكى اپتا مەرزىمنەن كەشىكتىرمەي ءتيىستى ءماسليحاتتىڭ سەسسياسىندا بەكىتىلەدى. اۋداننىڭ (وبلىستىق ماڭىزى بار قالانىڭ) بيۋدجەتىن وبلىستىق بيۋدجەتتى بەكىتۋ تۋرالى وبلىستىق ءماسليحاتتىڭ شەشىمىنە قول قويىلعاننان كەيىن ەكى اپتا مەرزىمنەن كەشىكتىرمەي ءتيىستى ءماسليحات بەكىتەدى.
29. ءماسليحاتتىڭ كەزەكتى سەسسياسىنا ءتيىستى جىلعا ارنالعان جەرگىلىكتى بيۋدجەتتى ناقتىلاۋعا قاتىستى جوسپاردان تىس ماسەلەلەر ەنگىزىلگەن جاعدايدا, ماتەريالداردى ۇسىنۋ بيۋدجەتتىك زاڭنامادا كوزدەلگەن مەرزىمدەردە جۇزەگە اسىرىلادى.
30. ءتيىستى اۋماقتىڭ بيۋدجەتى ناقتىلانعان كەزدە, ءماسليحاتتىڭ كەزەكتەن تىس سەسسياسىندا ونى شاقىرۋ تۋرالى شەشىم قابىلدانعان كۇننەن باستاپ ەكى كۇن ىشىندە تۇراقتى (ۋاقىتشا) كوميسسيالاردا بيۋدجەت جوباسىن قاراۋ بويىنشا جۇمىستار جۇرگىزىلەدى.
3. ەسەپتەردى تىڭداۋ ءتارتىبى
31. ءماسليحات ءتيىستى اۋماق اكىمىنىڭ ەسەپتەرىن تىڭداۋ جولىمەن ءتيىستى جەرگىلىكتى بيۋدجەتتىڭ, اۋماقتاردى دامىتۋ باعدارلامالارىنىڭ ورىندالۋىن باقىلاۋدى جۇزەگە اسىرادى.
32. ءماسليحات «اكىمدەردىڭ ءماسليحاتتار الدىندا ەسەپ بەرۋىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 18 قاڭتارداعى № 19 جارلىعىنا سايكەس سەسسيادا ءتيىستى اۋماق اكىمىنىڭ ەسەبىن تىڭدايدى.
اكىمنىڭ (ونىڭ مىندەتىن اتقارۋشى ادامنىڭ) وزىنە جۇكتەلگەن فۋنكتسيالار مەن مىندەتتەردى ورىنداۋى تۋرالى ەسەبى جانە ول بويىنشا شەشىمنىڭ جوباسى ءتيىستى سەسسيادان ءۇش اپتا بۇرىن ءماسليحاتتىڭ تۇراقتى كوميسسيالارىنىڭ قاراۋىنا ەنگىزىلەدى.
اكىم ۇسىنعان اۋماقتاردى دامىتۋ جوسپارلارىنىڭ, ەكونوميكالىق جانە الەۋمەتتىك باعدارلامالارىنىڭ ورىندالۋى, جەرگىلىكتى بيۋدجەتتىڭ اتقارىلۋى تۋرالى ەسەپتەردى ءماسليحاتتىڭ ەكى رەت بەكىتپەۋى زاڭنىڭ 24-بابىنا سايكەس اكiمگە سەنiمسiزدiك بiلدiرۋ تۋرالى ءماسليحاتتىڭ ماسەلە قاراۋى ءۇشىن نەگىز بولىپ تابىلادى.
33. ءماسليحات سەسسيا توراعاسىنىڭ جانە ءماسليحات حاتشىسىنىڭ, تۇراقتى كوميسسيالار توراعالارىنىڭ جانە ءماسليحاتتىڭ وزگە ورگاندارىنىڭ ەسەبىن تىڭدايدى.
ءماسليحات حاتشىسى جىلىنا كەمىندە ءبىر رەت ءماسليحاتتىڭ كەزەكتى سەسسيالارىندا ءماسليحاتتىڭ قىزمەتىن ۇيىمداستىرۋ بويىنشا اتقارىلعان جۇمىس, دەپۋتاتتاردىڭ ساۋالدارى مەن دەپۋتاتتىق وتىنىشتەردىڭ قارالۋ بارىسى, سايلاۋشىلاردىڭ وتىنىشتەرى جانە ولار بويىنشا قابىلدانعان شارالار, ءماسليحاتتىڭ جەرگىلىكتى ءوزىن ءوزى باسقارۋدىڭ وزگە دە ورگاندارىمەن ءوزارا ءىس-قيمىل جاساۋى, ءماسليحات اپپاراتىنىڭ قىزمەتى تۋرالى ەسەپ بەرەدى.
ءماسليحات سەسسياسىنىڭ, ءماسليحاتتىڭ تۇراقتى كوميسسيالارىنىڭ جانە وزگە دە ورگاندارىنىڭ توراعالارى جىلىنا كەمىندە ءبىر رەت ءماسليحاتتىڭ كەزەكتى سەسسيالارىندا جۇكتەلگەن فۋنكتسيالار مەن وكىلەتتىكتەردىڭ ورىندالۋى تۋرالى ەسەپ بەرەدى.
34. وبلىستاردىڭ, رەسپۋبليكالىق ماڭىزى بار قالانىڭ, استانانىڭ تەكسەرۋ كوميسسيالارىنىڭ بيۋدجەتتىڭ اتقارىلۋى تۋرالى ەسەبىن ءماسليحات جىل سايىن قارايدى.
35. ءماسليحات جىلىنا كەمىندە ءبىر رەت حالىق الدىندا ءماسليحاتتىڭ اتقارعان جۇمىسى, ونىڭ تۇراقتى كوميسسيالارىنىڭ قىزمەتى تۋرالى ەسەپ بەرەدى.
اۋداندىق ماڭىزى بار قالا, اۋىل, كەنت, اۋىلدىق وكرۋگ تۇرعىندارىن ءماسليحاتتىڭ ەسەبىمەن جەرگىلىكتى قوعامداستىقتىڭ جيىندارىندا ءماسليحاتتىڭ حاتشىسى, تۇراقتى كوميسسيالاردىڭ توراعالارى باسقاراتىن دەپۋتاتتار توبى تانىستىرادى.
4. دەپۋتاتتاردىڭ ساۋالدارىن قاراۋ ءتارتىبى
36. ءماسليحات دەپۋتاتى ءماسليحات قۇزىرەتىنە جاتقىزىلعان ماسەلەلەر بويىنشا رەسمي جازباشا ساۋالمەن اكىمگە, ءتيىستى اۋماقتىق سايلاۋ كوميسسياسىنىڭ توراعاسى مەن مۇشەسىنە, پروكۋرورعا جانە ورتالىق مەملەكەتتىك ورگانداردىڭ اۋماقتىق بولىمشەلەرىنىڭ, جەرگىلىكتى بيۋدجەتتەن قارجىلاندىرىلاتىن اتقارۋشى ورگانداردىڭ لاۋازىمدى ادامدارىنا جۇگىنەدى.
37. سەسسيا باستالعانعا دەيىن ەنگىزىلەتىن ساۋالدار سەسسيانىڭ توراعاسىنا, ءماسليحات حاتشىسىنا بەرىلەدى جانە ولاردى سەسسيانىڭ كۇن تارتىبىنە ەنگىزۋ تۋرالى ماسەلە شەشىلگەن جاعدايدا ونىڭ وتىرىسىندا قارالادى. ساۋال باعىتتالعان ورگانعا نەمەسە لاۋازىمدى ادامعا ءماسليحاتتىڭ حاتشىسى ونىڭ كوشىرمەسىن جولدايدى. سەسسيانى وتكىزۋ بارىسىندا ەنگىزىلەتىن ساۋالدار توراعالىق ەتۋشىگە وتىرىستا بەرىلەدى.
38. سەسسيادا قارالۋعا ءتيىس باسقا ماسەلەلەرگە بايلانىسى جوق ساۋال كۇن تارتىبىنە جەكە ماسەلە رەتىندە ەنگىزىلەدى نە سەسسيا جۇمىسىنىڭ سوڭىندا بۇل ءۇشىن ارنايى بولىنگەن ۋاقىتتا قارالادى. ءماسليحات سەسسيانىڭ كۇن ءتارتىبىن ساۋالدارمەن جانە سۇراقتارمەن جۇمىس ىستەۋگە ۋاقىت رەزەرۆى كوزدەلەتىندەي ەتىپ ايقىندايدى. سەسسيادا شەشىلۋگە ءتيىس باسقا ماسەلەلەرمەن بايلانىستى ساۋالدار كۇن تارتىبىنە ەنگىزىلمەيدى جانە توراعالىق ەتۋشى ولاردى سەسسيادا ءتيىستى ماسەلە بويىنشا جارىسسوزدەر باستالعانعا دەيىن جاريا ەتەدى.
39. ءماسليحات ساۋالدى قاراۋدى باسقا سەسسياعا اۋىستىرا الادى. ساۋالداردى ەنگىزگەن دەپۋتاتتار سەسسيانىڭ كۇن ءتارتىبى بەكىتىلگەنگە دەيىن ولاردى كەرى قايتارىپ الا الادى. كۇن ءتارتىبى بەكىتىلگەننەن كەيىن ساۋالدى قاراۋدان الىپ تاستاۋ ءماسليحاتتىڭ شەشىمى بويىنشا جۇزەگە اسىرىلادى. جازباشا تۇردە بەرىلگەن ساۋالدار سەسسيانىڭ حاتتاماسىنا تىركەلەدى.
40. دەپۋتاتتىق ساۋالعا جاۋاپ ءبىر ايدان كەشىكتىرىلمەيتىن مەرزىمدە جازباشا نىساندا بەرىلۋى ءتيىس.
دەپۋتات ساۋالعا بەرىلگەن جاۋاپ بويىنشا ءوز پىكىرىن بىلدىرۋگە قۇقىلى. پروكۋرورعا جولدانعان ساۋالدار قىلمىستىق قۋدالاۋدى جۇزەگە اسىرۋمەن بايلانىستى بولماۋى ءتيىس.
5. ءماسليحاتتىڭ لاۋازىمدى ادامدارى, تۇراقتى كوميسسيالارى جانە وزگە دە ورگاندارى, ءماسليحاتتىڭ دەپۋتاتتىق بىرلەستىكتەرى
5.1. ءماسليحات سەسسياسىنىڭ توراعاسى
41. ءماسليحاتتىڭ كەزەكتi سەسسياسىنىڭ توراعاسى ءماسليحاتتىڭ الدىڭعى سەسسياسىندا ونىڭ دەپۋتاتتارىنىڭ اراسىنان اشىق داۋىسپەن سايلانادى.
كانديداتۋرالاردى ەنگىزگەننەن كەيىن ءماسليحات دەپۋتاتتارى اشىق داۋىس بەرۋدى جۇرگىزەدى.
ەگەر كانديداتقا دەپۋتاتتاردىڭ جالپى سانىنىڭ كوپشىلىگى داۋىس بەرسە, ول سايلاندى دەپ ەسەپتەلەدى.
ءماسليحات دەپۋتاتى كۇنتiزبەلiك ءبىر جىل iشiندە ءماسليحات سەسسياسىنىڭ توراعاسى بولىپ ەكi رەتتەن ارتىق سايلانا المايدى.
سەسسيانىڭ توراعاسى بولماعان جاعدايدا ونىڭ وكiلەتتiگiن ءماسليحات حاتشىسى جۇزەگە اسىرادى.
42. ءماسليحات سەسسياسىنىڭ توراعاسى:
1) ءماسليحات سەسسياسىن شاقىرۋ تۋرالى شەشiم قابىلدايدى;
2) ءماسليحات سەسسياسىن دايىنداۋعا باسشىلىق جاساۋدى جۇزەگە اسىرادى, سەسسيانىڭ كۇن ءتارتiبiن قالىپتاستىرادى;
3) ءماسليحات سەسسياسىنىڭ وتىرىستارىن جۇرگiزەدi, ءماسليحات رەگلامەنتiنiڭ ساقتالۋىن قامتاماسىز ەتەدi;
4) ءماسليحاتتىڭ سەسسياسىندا قابىلدانعان نەمەسە بەكiتiلگەن ءماسليحات شەشiمدەرiنە, حاتتامالارعا, وزگە دە قۇجاتتارعا قول قويادى.
ءماسليحات سەسسياسىنىڭ توراعاسى ءوز فۋنكتسيالارىن باسقا جۇمىستان بوساتىلماعان نەگiزدە جۇزەگە اسىرادى.
43. ەگەر ءماسليحات سەسسياسىندا داۋىس بەرۋ كەزiندە دەپۋتاتتاردىڭ داۋىسى تەڭ بولiنگەن جاعدايدا, ءماسليحات سەسسياسىنىڭ توراعاسى شەشۋشi داۋىس قۇقىعىن پايدالانادى.
5.2. ءماسليحات حاتشىسى
44. ءبىرىنشى سەسسيادا ءماسليحات دەپۋتاتتار اراسىنان ءماسليحاتتىڭ حاتشىسىن سايلايدى, ول تۇراقتى نەگىزدە جۇمىس ىستەيتىن جانە ماسليحاتقا ەسەپ بەرەتىن لاۋازىمدى ادام بولىپ تابىلادى. ءماسليحات حاتشىسى ءماسليحات وكىلەتتىگىنىڭ مەرزىمىنە سايلانادى.
ءماسليحات حاتشىسى وكىلەتتىكتەرىن زاڭعا جانە وسى رەگلامەنتكە سايكەس جۇزەگە اسىرادى.
45. ءماسليحات حاتشىسىنىڭ لاۋازىمىنا كانديداتۋرالاردى ءماسليحاتتىڭ دەپۋتاتتارى ءماسليحاتتىڭ سەسسياسىندا ۇسىنادى. ۇسىنىلاتىن كانديداتۋرالاردىڭ سانىنا شەك قويىلمايدى. كانديداتتار وزدەرىنىڭ الداعى قىزمەتىنىڭ ۇلگى باعدارلامالارىمەن تانىستىرادى. ەگەر اشىق نەمەسە جاسىرىن داۋىس بەرۋ ناتيجەسىندە ءماسليحات دەپۋتاتتارىنىڭ جالپى سانىنىڭ كوپشىلىك داۋسىن السا, كانديدات ءماسليحاتتىڭ حاتشىسى لاۋازىمىنا سايلاندى دەپ ەسەپتەلەدى.
ەگەر ءماسليحات حاتشىسىنىڭ لاۋازىمىنا ەكىدەن كوپ كانديدات ۇسىنىلعان بولسا جانە ولاردىڭ بىردە-ءبىرى سايلانۋ ءۇشىن تالاپ ەتىلەتىن داۋىس سانىن الا الماسا, نەعۇرلىم كوپ داۋىس العان ەكى كانديداتۋرا بويىنشا قايتادان داۋىس بەرۋ جۇرگىزىلەدى.
ەگەر قايتادان داۋىس بەرۋ كەزىندە وسى كانديداتتاردىڭ بىردە-ءبىرى دەپۋتاتتاردىڭ جالپى سانىنىڭ جارتىسىنان استام داۋسىن الا الماسا, قايتادان سايلاۋ وتكىزىلەدى.
46. ءماسليحات حاتشىسىنىڭ ءماسليحاتتىڭ تۇراقتى كوميسسيالارىنىڭ قۇرامىنا كىرۋگە قۇقىعى جوق. ءماسليحات حاتشىسىنىڭ وكىلەتتىكتەرى مەرزىمىنەن بۇرىن توقتاتىلعان جاعدايدا, جاڭا حاتشىنى سايلاۋ زاڭدا جانە وسى رەگلامەنتتە بەلگىلەنگەن تارتىپپەن وتكىزىلەدى.
5.3. ءماسليحاتتىڭ تۇراقتى جانە ۋاقىتشا كوميسسيالارى
47. ءماسليحات ءوز وكىلەتتىگىنىڭ مەرزىمىنە ءبىرىنشى سەسسيادا دەپۋتاتتار قاتارىنان ءماسليحاتتىڭ قاراۋىنا جاتاتىن ماسەلەلەردى الدىن الا قاراۋ جانە دايىنداۋ, ونىڭ شەشىمدەرىن جۇزەگە اسىرۋعا ىقپال ەتۋ, ءوز قۇزىرەتى شەگىندە باقىلاۋ فۋنكتسيالارىن جۇزەگە اسىرۋ ءۇشىن تۇراقتى كوميسسيالار قۇرادى. تۇراقتى كوميسسيالاردىڭ توراعالارى مەن مۇشەلەرىن دەپۋتاتتار اراسىنان اشىق داۋىس بەرۋ ارقىلى ءماسليحات سايلايدى.
ءاربىر تۇراقتى كوميسسيانىڭ تىزبەسى, سانى جانە قۇرامى جەكە-جەكە داۋىسقا سالىنادى. ولاردىڭ ساندىق جانە دەربەس قۇرامى سەسسيا توراعاسىنىڭ, ءماسليحات حاتشىسىنىڭ ۇسىنىسى بويىنشا ايقىندالادى.
تۇراقتى كوميسسيالاردىڭ سانى جەتىدەن اسپاۋعا ءتيىس.
ءماسليحاتتاردىڭ تۇراقتى كوميسسيالارى توراعالارىنىڭ كانديداتۋرالارى تۇراقتى كوميسسيالاردىڭ وتىرىستارىنا شىعارىلادى. كانديداتۋرالاردىڭ سانىنا شەك قويىلمايدى. ءماسليحات وتىرىسىندا ءتوراعالاردىڭ كانديداتۋرالارىن تالقىلاۋ ءار كوميسسيا بويىنشا جەكە-جەكە وتكىزىلەدى.
تۇراقتى كوميسسيالار جۇمىس توپتارىن قۇرا الادى.
48. تۇراقتى كوميسسيالاردىڭ قىزمەتىن ۇيىمداستىرۋ, فۋنكتسيالارى مەن وكىلەتتىكتەرى زاڭمەن ايقىندالادى.
49. ءماسليحاتتىڭ قاراۋىنا جاتقىزىلعان جەكەلەگەن ماسەلەلەردى سەسسيالاردا قاراۋعا دايىنداۋ ماقساتىندا ءماسليحات نە ءماسليحاتتىڭ حاتشىسى ۋاقىتشا كوميسسيالار قۇرۋعا قۇقىلى. ۋاقىتشا كوميسسيالاردىڭ قۇرامىن, مىندەتتەرىن, وكىلەتتىك مەرزىمدەرى مەن قۇقىقتارىن ونى قۇرعان كەزدە ءماسليحات نە ءماسليحاتتىڭ حاتشىسى ايقىندايدى.
50. تۇراقتى كوميسسيالار ءوز باستاماسى نەمەسە ءماسليحات شەشىمى بويىنشا كوپشىلىك تىڭداۋلار وتكىزە الادى.
كوپشىلىك تىڭداۋلار دەپۋتاتتاردىڭ, اتقارۋشى ورگاندار, جەرگىلىكتى ءوزىن ءوزى باسقارۋ ورگاندارى, ۇيىمدار, بۇقارالىق اقپارات قۇرالدارى وكىلدەرىنىڭ, ازاماتتاردىڭ قاتىسۋىمەن وسى كوميسسيالاردىڭ كەڭەيتىلگەن وتىرىستارى نىسانىندا تۇراقتى كوميسسيالاردىڭ قاراۋىنا جاتقىزىلعان وتە ماڭىزدى جانە قوعامدىق ماڭىزى بار ماسەلەلەردى تالقىلاۋ ماقساتىندا وتكىزىلەدى.
كوپشىلىك تىڭداۋلار وتكىزۋ ءۇشىن دەپۋتاتتار قاتارىنان جۇمىس توبى قۇرىلادى. تىڭداۋلاردى دايىنداۋ ءۇشىن وزگە مەملەكەتتىك ورگاندار مەن ۇيىمداردىڭ ماماندارى جۇمىلدىرىلۋى مۇمكىن.
تۇراقتى كوميسسيا الدا بولاتىن كوپشىلىك تىڭداۋلاردىڭ تاقىرىبىن بۇقارالىق اقپارات قۇرالدارى ارقىلى حالىقتىڭ نازارىنا جەتكىزەدى.
كوپشىلىك تىڭداۋلارعا تۇراقتى كوميسسيا ءمۇددەلى مەملەكەتتىك ورگانداردىڭ, جۇرتشىلىقتىڭ, بۇقارالىق اقپارات قۇرالدارىنىڭ وكىلدەرىن شاقىرادى. كوپشىلىك تىڭداۋلاردا ءماسليحاتتىڭ باسقا تۇراقتى كوميسسيالارىنىڭ دەپۋتاتتارى قاتىسا الادى.
51. قارالاتىن ماسەلەلەر «مەملەكەتتىك قۇپيالار تۋرالى» قازاقستان رەسپۋبليكاسىنىڭ زاڭىنا سايكەس مەملەكەتتىك نەمەسە قىزمەتتىك قۇپياعا جاتقىزىلعان جاعدايلاردى قوسپاعاندا, تۇراقتى كوميسسيالاردىڭ وتىرىستارى, ادەتتە, اشىق بولادى.
تۇراقتى كوميسسيالاردىڭ وتىرىستارى قاجەتتiلiگiنە قاراي شاقىرىلادى جانە ەگەر وتىرىسقا ولاردىڭ قۇرامىنا كiرەتiن دەپۋتاتتاردىڭ جالپى سانىنىڭ جارتىسىنان استامى قاتىسسا, زاڭدى بولىپ ەسەپتەلەدi.
تۇراقتى كوميسسيانىڭ قاۋلىسى كوميسسيا مۇشەلەرiنىڭ جالپى سانىنىڭ كوپشiلiك داۋىسىمەن قابىلدانادى.
ەگەر كوميسسيانىڭ وتىرىسىندا داۋىس بەرۋ كەزiندە دەپۋتاتتاردىڭ داۋىسى تەڭ بولiنگەن جاعدايدا, تۇراقتى كوميسسيانىڭ توراعاسى شەشۋشi داۋىس قۇقىعىن پايدالانادى.
تۇراقتى كوميسسيانىڭ قاۋلىسى مەن وتىرىستىڭ حاتتاماسىنا ونىڭ توراعاسى قول قويادى, ال بiرنەشە تۇراقتى كوميسسيانىڭ بiرلەسكەن وتىرىسى وتكiزiلگەن جاعدايدا, تيiستi كوميسسيالاردىڭ توراعالارى قول قويادى.
5.4. ءماسليحاتتىڭ رەداكتسيالىق جانە ەسەپ كوميسسيالارى
52. ءماسليحات اشىق داۋىس بەرۋ ارقىلى دەپۋتاتتار قاتارىنان قۇرامى تاق ساندى قۇرايتىن ەسەپ جانە رەداكتسيالىق كوميسسيالارىن سايلايدى. ەسەپ جانە رەداكتسيالىق كوميسسيالارىنىڭ قۇرامىنا ءماسليحات اپپاراتىنىڭ جانە باسقا مەملەكەتتىك ۇيىمداردىڭ قىزمەتكەرلەرى ەنگىزىلۋى مۇمكىن.
53. رەداكتسيالىق كوميسسيانىڭ قۇرامى قارالاتىن ماسەلەنىڭ ەرەكشەلىگى, كوميسسيا مۇشەلەرىنىڭ ماماندىقتارى, بىلىكتىلىكتەرى مەن جۇمىس تاجىريبەلەرى ەسكەرىلە وتىرىپ قالىپتاستىرىلادى.
رەداكتسيالىق كوميسسيا كەزەكتى سەسسياعا دا سايلانۋى مۇمكىن.
54. اشىق داۋىس بەرۋ وتكىزىلگەندە ەسەپ كوميسسياسى داۋىس بەرۋ جانە ونىڭ قورىتىندىسىن شىعارۋ پروتسەسىن ۇيىمداستىرادى.
ەسەپ كوميسسياسى ءوز قۇرامىنان توراعا مەن كوميسسيا حاتشىسىن سايلايدى, ونىڭ شەشىمدەرى اشىق داۋىس بەرۋ ارقىلى كوپشىلىك داۋىسپەن قابىلدانادى.
اشىق داۋىس بەرۋ باستالماس بۇرىن سەسسيا توراعاسى داۋىسقا تۇسكەن ۇسىنىستاردىڭ سانىن كورسەتەدى, ولاردىڭ مازمۇنىن وقيدى.
جاسىرىن داۋىس بەرۋدىڭ ۋاقىتى مەن ورنىن, ونى وتكىزۋدىڭ ءتارتىبىن ەسەپ كوميسسياسى ءماسليحات رەگلامەنتىنىڭ نەگىزىندە بەلگىلەيدى جانە ەسەپ كوميسسياسىنىڭ توراعاسى حابارلايدى. بيۋللەتەندەر بەرۋ تىكەلەي داۋىس بەرۋ الدىندا جۇرگىزىلەدى, ولار ەسەپ كوميسسياسى بەلگىلەگەن نىساندا ونىڭ باقىلاۋىمەن, وتىرىسقا قاتىسىپ وتىرعان دەپۋتاتتاردىڭ سانىنا تەڭ مولشەردە جاسالادى جانە ەسەپ كوميسسياسىنىڭ توراعاسى قول قويادى. بەلگىلەنگەن نىسانعا سايكەس كەلمەيتىن بيۋللەتەندەر ساناقتا ەسەپكە الىنبايدى.
5.5. ماسليحاتتارداعى دەپۋتاتتىق بىرلەستىكتەر
55. ءماسليحات دەپۋتاتتارى ساياسي پارتيالاردىڭ فراكتسيالارى جانە وزگە دە قوعامدىق بىرلەستىكتەر, دەپۋتاتتىق توپتار تۇرىندە دەپۋتاتتىق بىرلەستىكتەر قۇرا الادى. ءماسليحات حاتشىسى دەپۋتاتتىق بىرلەستىكتەرگە كىرمەيدى. دەپۋتاتتىڭ تەك بiر عانا دەپۋتاتتىق فراكتسيادا بولۋعا قۇقىعى بار.
56. دەپۋتاتتىق فراكتسيالار مەن توپتاردى تىركەۋ ءماسليحات سەسسياسىندا جۇزەگە اسىرىلادى, كەلىپ تىركەلۋ تارتىبىمەن جۇرگىزىلەدى جانە تەك اقپاراتتىق سيپاتتا بولادى.
57. دەپۋتاتتىق بىرلەستىكتەردىڭ مۇشەلەرى:
1) ءماسليحاتتىڭ كۇن ءتارتىبى, تالقىلاناتىن ماسەلەلەردى قاراۋ ءتارتىبى جانە ولاردىڭ ءمانى بويىنشا ەسكەرتۋلەر مەن ۇسىنىستار ەنگىزۋى;
2) ءماسليحات سايلايتىن نەمەسە تاعايىندايتىن لاۋازىمدى ادامداردىڭ كانديداتۋرالارى بويىنشا پىكىرلەرىن ايتۋى;
3) ءماسليحات شەشىمدەرىنىڭ جوبالارىنا تۇزەتۋلەر ۇسىنۋى;
4) دەپۋتاتتىق بىرلەستىكتىڭ قىزمەتى ءۇشىن قاجەتتى ماتەريالدار مەن قۇجاتتاردى سۇراتۋى مۇمكىن.
58. ساياسي پارتيانىڭ فراكتسياسى ءوز قىزمەتىندە ساياسي پارتيانىڭ باسشى ورگاندارىمەن ءوزارا ءىس-قيمىل جاسايدى, سونداي-اق ساياسي پارتيانىڭ قوعامدىق قابىلداۋ بولمەسىنىڭ جۇمىسىنا قاتىسادى. فراكتسيا ءماسليحاتتىڭ كەمiندە بەس دەپۋتاتىن بiرiكتiرۋگە تيiس. دەپۋتاتتىق توپتىڭ قۇرامىندا ءماسليحاتتىڭ كەمiندە بەس دەپۋتاتى بولۋعا تيiس.
6. دەپۋتاتتىق ەتيكا
59. ءماسليحات دەپۋتاتتارى:
1) ءبىر-بىرىنە جانە ءماسليحات سەسسيالارىنىڭ, ءماسليحات كوميسسيالارى مەن ونىڭ جۇمىس ورگاندارىنىڭ جۇمىسىنا قاتىساتىن بارلىق باسقا دا تۇلعالارعا قۇرمەتپەن قاراۋعا ءتيىس;
2) وزدەرى ءسوز سويلەگەندە دالەلسىز ايىپتاۋلاردى, ءماسليحات دەپۋتاتتارىنىڭ جانە باسقا تۇلعالاردىڭ ار-نامىسى مەن ابىرويىنا نۇقسان كەلتىرەتىن دورەكى, جابىرلەيتىن سوزدەردى قولدانباۋعا ءتيىس;
3) زاڭسىز جانە زورلىق-زومبىلىق ارەكەتتەرگە شاقىرماۋعا ءتيىس;
4) ءماسليحاتتىڭ, ءماسليحاتتىڭ تۇراقتى كوميسسيالارىنىڭ جانە وزگە دە ورگاندارىنىڭ قالىپتى جۇمىس ىستەۋىنە كەدەرگى كەلتىرمەۋگە ءتيىس;
5) سويلەۋشىلەردىڭ ءسوزىن بولمەۋگە ءتيىس.
60. كوپشىلىك ءىس-شارالاردى وتكىزگەن كەزدە بۇقارالىق اقپارات قۇرالدارىندا ءسوز سويلەگەندە, مەملەكەتتىك ورگانداردىڭ, لاۋازىمدى ادامدار مەن ازاماتتاردىڭ قىزمەتىنە پىكىر بىلدىرگەندە دەپۋتات دالەلدەنگەن, تەكسەرىلگەن فاكتىلەردى عانا پايدالانۋى ءتيىس.
61. دەپۋتات مەملەكەتتىك ورگاندارمەن جانە ۇيىمدارمەن, بۇقارالىق اقپارات قۇرالدارىمەن ءوزارا قاتىناستاردا ءوزىنىڭ دەپۋتاتتىق مارتەبەسىنىڭ ارتىقشىلىعىن جەكە مۇددەسى ءۇشىن پايدالانباۋعا ءتيىس.
62. ءماسليحات دەپۋتاتى وزىنە دەپۋتاتتىق وكىلەتتىگىن جۇزەگە اسىرۋ بارىسىندا بەلگىلى بولعان مالىمەتتەردى, ەگەر بۇل مالىمەتتەر سەسسيالاردىڭ, ءماسليحاتتىڭ تۇراقتى كوميسسيالارى مەن ونىڭ وزگە دە ورگاندارىنىڭ جابىق وتىرىستارىندا قارالعان ماسەلەلەرگە قاتىستى بولسا, جاريا ەتە المايدى.
63. ءماسليحات اتىنان وكىلدىك ەتۋگە ارنايى وكىلەتتىگى جوق ءماسليحات دەپۋتاتى مەملەكەتتىك ورگاندارمەن جانە ۇيىمدارمەن تەك قانا ءوز اتىنان بايلانىسقا تۇسە الادى.
64. ءماسليحات دەپۋتاتىنا ءوز مىندەتتەرىن ورىنداماعانى جانە (نەمەسە) تيىسىنشە ورىنداماعانى, سونداي-اق ءماسليحات رەگلامەنتىندە بەلگىلەنگەن دەپۋتاتتىق ەتيكا قاعيدالارىن بۇزعانى ءۇشىن زاڭنىڭ 21-بابىنا سايكەس جازالاۋ شارالارى قولدانىلۋى مۇمكىن.
7. ءماسليحات اپپاراتىنىڭ جۇمىسىن ۇيىمداستىرۋ
65. ءماسليحات پەن ونىڭ ورگاندارىنىڭ قىزمەتىن اقپاراتتىق-تالدامالىق, ۇيىمدىق-قۇقىقتىق جانە ماتەريالدىق-تەحنيكالىق قامتاماسىز ەتۋ, دەپۋتاتتارعا وزدەرiنiڭ وكiلەتتiكتەرiن جۇزەگە اسىرۋعا كومەك كورسەتۋ ءۇشىن ءماسليحات اپپاراتى قۇرىلادى.
ءماسليحات اپپاراتى جەرگiلiكتi بيۋدجەت ەسەبiنەن قامتىلاتىن مەملەكەتتiك مەكەمە بولىپ تابىلادى.
ءماسليحات اپپاراتى تۋرالى ەرەجەنى ءماسليحات بەكىتەدى.
66. ءماسليحات قازاقستان رەسپۋبليكاسىنىڭ زاڭناماسىندا بەلگiلەنگەن شتات سانى مەن بولىنگەن قاراجات ليميتi شەگiندە ءماسليحات اپپاراتىنىڭ قۇرىلىمىن بەكiتەدi, ونى قامتۋعا جانە ماتەريالدىق-تەحنيكالىق قامتاماسىز ەتۋگە ارنالعان شىعىستاردى ايقىندايدى.
67. ءماسليحات اپپاراتىنىڭ مەملەكەتتiك قىزمەتشiلەرiنiڭ قىزمەتi قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
ءماسليحاتتىڭ وكiلەتتiك مەرزiمi اياقتالعاندا, ءماسليحات وكiلەتتiگi مەرزiمiنەن بۇرىن توقتاتىلعان جانە ونىڭ دەپۋتاتتارىنىڭ جاڭا قۇرامى سايلانعان جاعدايلاردا, ءماسليحات اپپاراتىنىڭ مەملەكەتتiك قىزمەتشiلەرiنiڭ قىزمەتi توقتاتىلمايدى.
