قازىر «ەلدىڭ كوركى» دەپ, انگە قوسىلىپ جۇرگەن قىزداردىڭ ءبىر-بىرلەرىمەن قىرىلىسىپ, توبەلەسىپ جاتقانىنا دا تاڭ قالمايتىن بولدىق. سونداي ءبىر وقيعا تاياۋدا وڭتۇستىك قازاقستان وبلىسىنداعى مەكتەپتەردىڭ بىرىندە ورىن الدى.
قازىر «ەلدىڭ كوركى» دەپ, انگە قوسىلىپ جۇرگەن قىزداردىڭ ءبىر-بىرلەرىمەن قىرىلىسىپ, توبەلەسىپ جاتقانىنا دا تاڭ قالمايتىن بولدىق. سونداي ءبىر وقيعا تاياۋدا وڭتۇستىك قازاقستان وبلىسىنداعى مەكتەپتەردىڭ بىرىندە ورىن الدى.
وقيعانىڭ دەمدە جالپاق جۇرتقا بەلگىلى بولۋىنا ونىڭ ءتۇسىرىلىپ الىنعان بەينە-جەلىسىنىڭ ينتەرنەت ارقىلى تاراپ كەتۋى اسەر ەتتى. ول قازىر عالامتورداعى ەڭ كوپ قارالاتىن «جۇلدىزدى» روليككە اينالىپ وتىر.
وقيعا ماقتاارال اۋدانىنداعى اۋىلدىق مەكتەپتە بولعان. الداعى جىلى ءبىلىم ورداسىنان «ۇشىپ شىققالى» وتىرعان 11-سىنىپتا وقيتىن ەكى قۇربى ءبىرىن-ءبىرى جاعادان الىپ, توبەلەسكە بەرىلىپ, اقىرىندا جارىمجان ەتە جازداعان. بۇعان ەكى قىزدىڭ «اگەنتتە» سوزبەن قاعىسۋلارى الىپ بارعان. ساباق ۇستىندە اگەنت ارقىلى سويلەسكەن ولار الدىمەن ءبىر-ءبىرىن مۇقاتقان. سوسىن سىقپىرتىپ بالاعاتتاۋعا كىرىسكەن. اشۋلارىنىڭ ارىنى بۇدان دا اسىپ كەتكەن كەزدە بىلەك سىبانىپ, مايدانعا شىققان. ولاردىڭ كۇركەتاۋىقتاي كۇركىرەپ كەلىپ, توبەلەسە كەتكەندەرىن تاعى ءبىر قىز ۇيالى تەلەفونعا ءتۇسىرىپ الا قويىپتى.
ەكى قىز توبەلەس بارىسىندا ءبىر-ءبىرىن الا الماعان. سوڭىندا ءبىر-بىرىنە جەڭىل جاراقات سالىپ بارىپ توقتاعان. كەيىن تاراپتاردىڭ تاتۋلاسۋىنا بايلانىستى ءىس تىپ-تىنىش جابىلعان ەكەن.
ال مۇنى كورىپ-ەستىگەن ءبىزدىڭ كوڭىلىمىزدە الاڭداۋشىلىق قالىپ قويدى.
مۇرات ايتقوجا.
