قىزىلوردا قالاسىنىڭ 23 جاستاعى تۇرعىنى قالالىق پوليتسيا باسقارماسىنا حابارلاسىپ, 2018 جىلدىڭ قاراشا ايىندا ونىڭ جەكە كۋالىگى مەن بانك كارتوچكاسىن پايدالانىپ, اقپاراتتىق تەحنولوگيالاردىڭ كومەگىمەن ميكروكرەديتتىك ۇيىمداردان ونىڭ اتىنا ەكى نەسيە رەسىمدەگەن بۇرىنعى جەڭگەسىنە قاتىستى شارا قولدانۋ تۋرالى ارىزدانعان.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 2-بولىگىنىڭ 4-تارماعىمەن (الاياقتىق) سوتقا دەيىنگى تەرگەپ-تەكسەرۋ باستالىپ, باسقارما تەرگەۋشىسى تولقىن مۇحتاروۆانىڭ كاسىبي بىلىكتىلىگىنىڭ ارقاسىندا كۇدىكتى ازاماتشانىڭ قىلمىستىق ءىس-ارەكەتى تەرگەۋ بارىسىندا تولىعىمەن دالەلدەندى. بۇدان بولەك تەرگەۋ بارىسىندا كۇدىكتىنىڭ اتالعان قىلمىستان باسقا تاعى ءبىر الاياقتىق جاساعانى انىقتالىپ, اتالعان قىلمىستىق ىستەر ءبىر وندىرىسكە بىرىكتىرىلگەن. ءىس سوتقا جولدانىپ, جابىرلەنۋشىگە كەلتىرىلگەن شىعىن تولىق ءوندىرىلدى.
سوت ۇكىمىمەن الاياق ازاماتشا كىنالى دەپ تانىلىپ, وعان ءبىر جىل توعىز اي مەرزىمگە باس بوستاندىعىن شەكتەۋ جازاسى تاعايىندالدى.
