قىرعىزستان استاناسى بىشكەك قالاسىنىڭ اكىمى يسا ومىرقۇلوۆ ءوز ەركىمەن قىزمەتىن بوساتتى. بۇل تۋرالى يتار-تاسس حابارلادى.
«بۇل ارەكەت قوزعالعان قىلمىستىق ىسكە بايلانىستى دەپ بولجاۋعا بولادى. شىن مانىندە بۇل ولاي ەمەس», – دەدى قالا باسشىسى بىشكەكتەگى ءباسپاسوز كونفەرەنتسياسىندا. الايدا, ول وتستاۆكاعا كەتۋ سەبەبىن سول كۇيى اشىپ ايتپادى.
2 جەلتوقساندا قىرعىزستان پروكۋراتۋراسى يسا ومىرقۇلوۆ پەن بىشكەك اكىمشىلىگىندەگى كەيبىر شەنەۋنىكتەرگە قاتىستى قىلمىستىق ءىس قوزعادى. ولار جەر قاتىناستارى ترالى زاڭدى بۇزعاندارى ءۇشىن ايىپتالۋدا.
قىرعىزستان باس پروكۋراتۋراسىنىڭ دەرەكتەرى بويىنشا, بىشكەك مەرى مەن مۋنيتسيپالدى قىزمەتتەردىڭ كەيبىر جەتەكشىلەرى ءتۇرلى زاڭسىز امالدار قولدانۋ ارقىلى قالانىڭ وڭتۇستىگىندە ورنالاسقان جەڭىس ساياباعىنىڭ اۋماعىن 14 گەكتارعا ازايتىپ جىبەرگەن.
ايدار ورىسباەۆ.
دەرەككوز: Itar-tass.com
