جاپونيادا اتاقتى جازۋشى حارۋكي مۋراكاميدىڭ «ءتۇزسىز تسۋكۋرۋ تادزاكي جانە ونىڭ ساياحاتتا وتكىزگەن جىلدارى» اتتى جاڭا رومانى بيىلعى جىلدىڭ ەڭ ۇلكەن تارالىمىنا يە بولدى. بۇل تۋرالى يتار-تاسس حابارلادى.
حارۋكي مۋراكاميدىڭ جاڭا رومانى بيىلعى جىلدىڭ 12 ساۋىرىندە ساتىلىمعا شىعىپ, بىردەن ۇلكەن سۇرانىسقا يە بولدى. دۇكەن سورەلەرىندە كىتاپتار قالماعاندىقتان, «بۋنگەي سيۋندزيۋ» باسپاسىنا تۋىندىنى تاعى بىرنەشە رەت باسىپ شىعارۋعا تۋرا كەلدى. قاراشا ايىنىڭ سوڭىنا دەيىن جاڭا روماننىڭ 985 مىڭ داناسى ساتىلىپتى. بۇل دەرەكتى ساناق جۇرگىزگەن «وريكون» اقپاراتتىق كومپانياسى كەلتىردى.
مۋراكامي رومانىنىڭ باستى كەيىپكەرى – تسۋكۋرۋ تادزاكي ەسىمدى جالعىز باستى ەر ازامات. تەگىندە قانداي دا ءبىر ءتۇستى بىلدىرەتىن يەروگليف بولماعاندىقتان, ونى ءتۇزسىز دەپ اتاعان. ال ونىڭ بالا كەزىنەن بىرگە وسكەن دوستارىنىڭ تەگىندە قىزىل, كوك, اق, قارا تۇستەردى بىلدىرەتىن يەروگليفتەر بولعان. رومان بارىسىندا باستى كەيىپكەر نەلىكتەن بالا كۇنگى دوستارىمەن قارىم-قاتىناس ءۇزىپ العانىن انىقتاپ بىلۋگە تىرىسادى.
64 جاسار حارۋكي مۋراكامي بۇگىنگى تاڭدا الەمدەگى ەڭ تانىمال جازۋشىلاردىڭ ءبىرى. ونىڭ تۋىندىلارى 40-تان اسا تىلگە اۋدارىلعان.
ايدار ورىسباەۆ.
دەرەككوز: Itar-tass.com
