عالىمدار جاڭعاقتاردىڭ ادام ءومىرىن ۇزارتۋعا كومەكتەسەتىنىن العا تارتادى. بۇل تۋرالى Segodnya.ua حابارلادى.
جاڭعاقتاردىڭ قۇرامىندا پايدالى زاتتار كوپ. «ول ادام ءومىرىن ۇزارتۋعا وڭ ىقپالىن تيگىزەدى», – دەيدى زەرتتەۋ اۆتورلارى. ولاردىڭ ايتۋىنشا, كۇنىنە ءبىر ۋىس جاڭعاق جەپ تۇرعاننىڭ ءوزى دە جەتكىلىكتى. سونداي-اق ولار جاڭعاقتىڭ بارلىق ءتۇرى دە پايدالى ەكەنىن اتاپ ءوتتى.
زەرتتەۋ اۆتورلارى جاڭعاقتاردىڭ قانت ديابەتى مەن جۇرەك-قان تامىرلارى اۋرۋلارىنا شالدىعۋ قاۋىپىن 20 پايىزعا تومەندەتەتىنىن مالىمدەدى. زەرتتەۋگە 120 مىڭ ادام قاتىسقان ەكەن. عالىمدار ۇزاق ۋاقىت بويى باقىلاۋ جۇرگىزىپ, مىناداي دەرەكتەردى كەلتىردى: اپتاسىنا ەكى رەت جاڭعاق جەگەن ادامنىڭ قانت ديابەتى مەن جۇرەك-قان تامىرلارى اۋرۋلارىنا شالدىعۋ قاۋىپى 13 پايىزعا, ال اپتاسىنا جەتى رەتتەن كوپ جەگەن ادامدىكى 20 پايىزعا تومەندەيدى. جالپى جاڭعاقتى ءجيى جەگەن ادامداردىڭ قان قۇرامىنداعى حولەستەرين مولشەرى مەن قان قىسىمى تومەن بولىپ شىقتى.
ايدار ورىسباەۆ.
دەرەككوز: Segodnya.ua
