RG Gold كومپانياسى اقمولا وبلىسىنداعى تاۋ-مەتاللۋرگيالىق كەشەنىن تولىق جوبالاۋ بويىنشا جۇمىستاردىڭ باستالعانى تۋرالى حابارلايدى. ولاردى ورىنداۋ ءۇشىن ونەركاسىپتىك وبەكتىلەردى جوبالاۋ مەن سالۋدا كوشباسشى بولىپ تابىلاتىن قازاقستاندىق AAEngineering كومپانياسى تارتىلدى.
«جاڭا فابريكانىڭ قۋاتتىلىعى جىلىنا 5 ملن توننا باستاپقى كەن وندىرۋگە جەتەدى. جازدا بارلىق قاجەتتى دايىندىق جۇمىستارى جۇرگىزىلدى. ينۆەستيتسيالاردىڭ جيىنتىق كولەمى قازىرگى ۋاقىتتا فابريكا مەن بارلىق ينفراقۇرىلىمدى قوسا العاندا, 160 ملرد تەڭگەدەن استام سومانى قۇرايدى. قۇرىلىس 2022 جىلدىڭ ءتورتىنشى توقسانىندا اياقتالادى», دەدى «ۆەرنىي كاپيتال» كومپانيالار توبىنىڭ باس ديرەكتورى ەرلان وسپانوۆ.
ە.وسپانوۆ سونداي-اق 2014 جىلدان باستاپ گەولوگيالىق بارلاۋعا شامامەن 7 ملرد تەڭگە ينۆەستيتسيالاعانىن حابارلادى. گەولوگيالىق بارلاۋ ناتيجەلەرى بويىنشا باعالى مەتالدىڭ قورى 100 توننانى قۇرادى, ال رەسۋرستار JORC حالىقارالىق جىكتەمەسى بويىنشا 185 تونناعا باعالاندى. «رايگورودوك» كەن ورنىنىڭ الەۋەتى ءالى تولىق زەرتتەلگەن جوق. گەولوگيالىق بارلاۋ جۇمىستارى جانە ولاردى ينۆەستيتسيالاۋ جالعاسۋدا.
«جاڭا فابريكا 1 100-دەن استام قازاقستاندىقتى تۇراقتى جۇمىسپەن قامتاماسىز ەتۋگە مۇمكىندىك بەرەدى, ال مەملەكەتتىك بيۋدجەتكە جيىنتىق سالىق اۋدارىمدارى جىلىنا 20 ملرد تەڭگەنى قۇرايدى. كومپانيا جىل سايىن ءوڭىردىڭ الەۋمەتتىك-ەكونوميكالىق دامۋى مەن ينفراقۇرىلىمىن جاقسارتۋعا 100 ميلليوننان استام تەڭگە بولەدى. مىسالى, جاقىن ماڭداعى اۋىلدارداعى مەكتەپتەر كۇردەلى جوندەۋدەن وتكىزىلىپ, جاڭا ۇڭعىما بۇرعىلاندى, ششۋچينسك اۋدان ورتالىعى مەن دميتريەۆكا اۋىلى اراسىنداعى اۆتوجول جوندەلدى», دەپ تولىقتىردى RG Gold باس ديرەكتورى لوۋرەنس روسسوۋ.
RG Gold كومپانياسى ماماندارىنىڭ ايتۋىنشا, كاسىپورىن ءوزىنىڭ وپەراتسيالىق قىزمەتىندە كورپوراتيۆتىك باسقارۋدىڭ, ەكولوگيالىق جانە الەۋمەتتىك جاۋاپكەرشىلىكتىڭ جوعارى ستاندارتتارىن ۇستانادى. ۋاكىلەتتى مەملەكەتتىك ورگاندارمەن جانە سىرتقى اۋديتورلارمەن بەلسەندى ءوزارا ءىس-ارەكەت جاسايدى, سونداي-اق توقسان سايىنعى نەگىزدە اتموسفەرالىق اۋانى, سۋ رەسۋرستارىن, توپىراقتى جانە رادياتسيالىق فوندى زەرتتەۋدى قامتيتىن قورشاعان ورتانىڭ جاعدايىنا مونيتورينگ جۇرگىزەدى. ەكولوگيالىق مونيتورينگ ناتيجەلەرى كومپانيا سايتىندا جاريالانادى. بارلىق قىزمەتكەرلەر ترەنينگتەردەن وتەدى جانە قاۋىپسىزدىك تەحنيكاسى بويىنشا ءتيىستى ەمتيحاندار تاپسىرۋعا مىندەتتى.
فابريكانى جوبالاۋ مەن سالۋدىڭ بارلىق كەزەڭىندە اقمولا وبلىسى تۇرعىندارىنىڭ, جەرگىلىكتى اتقارۋشى بيلىك وكىلدەرىنىڭ جانە ەكوبەلسەندىلەردىڭ قاتىسۋىمەن جەتى قوعامدىق تىڭداۋ وتكىزىلدى. جەلتوقسان ايىندا تاعى ءبىر تىڭداۋدى وتكىزۋ جوسپارلانعان. قوعامدىق تىڭداۋلاردىڭ بارلىق حاتتامالارى اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ سايتىندا جاريالانادى.
