اقش-تا كۇزەتشىنىڭ روبوت نۇسقاسى جاسالدى

اقش-تىڭ «Nightscope» كومپانياسى عالىمدارى كۇزەتشىنىڭ روبوت نۇسقاسىن جاساپ شىعاردى. بۇل تۋرالى يتار-تاسس حابارلادى.

كۇزەتشى روبوتتىڭ بويى 1,5 مەتردى قۇرايدى. ول بەينەكامەرا, تەپلوۆيزور, قاشىقتىق ولشەۋىش, رادار, اۋا ساپاسىن تەكسەرۋ قۇرالى جانە ميكروفونمەن جابدىقتالعان. روبوتتىڭ ەرەكشەلىگى, ول جادىنا الدىن-الا ەنگىزىلگەن ۋچاسكەدە ءوز بەتىمەن كۇزەتشىنىڭ جۇمىسىن اتقارا بەرەدى ەكەن.

الداعى ۋاقىتتا عالىمدار روبوتقا سەنسور ارقىلى ادامنىڭ بەتىن تانىپ ءبىلىپ, ونىڭ قارۋلانعان يا قارۋلانباعانىن انىقتايتىن قۇرىلعى قوندىرماق. «ءبىز «سەندي حۋك» مەكتەبىندە ورىن العان قايعىلى وقيعادان كەيىن وسى جۇمىستى قولعا الۋدى ءجون كوردىك, – دەيدى «Nightscope» كومپانياسىنىڭ اتقارۋشى ديرەكتورى ۋيليام لي. – ءار مەكتەپتى قارۋلانعان پوليتسەيمەن قامتاماسىز ەتۋ مۇمكىن ەمەس قوي».

كوننەكتيكۋت شتاتى نيۋتاۋن قالاسىنداعى «سەندي حۋك» مەكتەبىندە 2012 جىلعى 14 جەلتوقساندا قايعىلى وقيعا ورىن العان ەدى. مۇندا 20 جاسار ادام لەنزا ەسىمدى ازامات 20 وقۋشى مەن التى ەرەسەك ادامدى اتىپ ءولتىرىپ, ارتىنان وزىنە قول جۇمساعان.

روبوتتى جاساپ شىعارۋشىلاردىڭ ەسەبى بويىنشا, روبوت كۇزەتشىنىڭ قىزمەتى مەكتەپ اكىمشىلىگىنە ارزان تۇسپەك. اقش-تا كۇزەتشىنىڭ ايلىعى ورتا ەسەپپەن ساعاتىنا 8 دوللاردى قۇراسا, روبوتتىڭ جۇمىسى ساعاتىنا 6,25 دوللاردان باعالانىپ وتىر ەكەن.

ايدار ورىسباەۆ.

دەرەككوز: Itar-tass.com