قوعامدىق كەڭەس مۇشەلەرى, ءماسليحات دەپۋتاتتارى جانە قالالىق اكىمدىك وكىلدەرى قاتىسقان شارادا 2019 جىلدىڭ ناۋرىزىنان 2020 جىلدىڭ قىركۇيەگىنە دەيىنگى قوعامدىق كەڭەس قىزمەتىنىڭ تالداماسى ۇسىنىلدى.
قوعامدىق كەڭەس مۇشەسى التىناي نۇركەەۆانىڭ ايتۋىنشا, زەرتتەۋ كەزىندە كەڭەستىڭ رەسمي رەسۋرستارىنداعى كونتەنت-تالداماسى, وتىرىستاردىڭ حاتتامالارى, ۇسىنىستارى, ساراپشىلار ساۋالناماسى پايدالانىلعان.
ء«بىز قىزمەتتىڭ اسەرلىلىگىنىڭ باعاسىن تەكسەردىك. ول تەك قوعامدىق كەڭەس مۇشەلەرى ءۇشىن عانا ەمەس, ءبىزدىڭ قايدا باعىت العانىمىزدى كورۋ ءۇشىن, ولقىلىقتاردىڭ ورنىن تولتىرۋ ءۇشىن الدىمەن قوعامعا قوعامعا قاجەت. اقپاراتتى جيناۋ جۇمىسى جۇرگىزىلدى. وندا ماتەريالدار, قۇجاتتار, وتىرىستارداعى حاتتامالار, ۇسىنىستار قولدانىلدى. وسىنىڭ ارقاسىندا بىزگە جۇمىستى جۇيەلەندىرۋگە, حاتتامالار مۇراعاتىن جاساۋعا, ولاردى تسيفرلاندىرۋعا مۇمكىندىك تۋدى. بۇگىندە سونىڭ ءبارىن كوپشىلىككە قولجەتىمدى ەتۋدى جوسپاراپ وتىرمىز», – دەدى التىناي نۇركەەۆا.
نۇر-سۇلتان قالاسىنىڭ قوعامدىق كەڭەسى 2016 جىلدان بەرى جۇمىس ىستەپ كەلەدى. بۇگىندە كەڭەس قۇرامىندا 21 ادام بار. سونىمەن قاتار زەرتتەۋ كەزىندە كەڭەستىڭ دەموگرافيالىق-گەندەرلىك قۇرامى ماسەلەسىنە دە تالداما جاسالعان.
«وكىنىشكە قاراي قوعامدىق كەڭەستە 20-دان 30-عا دەيىنگى جاستار جوق دەگەن شىنايى سىن ايتىلادى. ءبىزدىڭ قاتارىمىزدىڭ كوبى – ەلۋ جاستان اسقاندار. نەگىزگى سانات – 36-40 جاس. ەگەر گەندەرلىك ماسەلەنى ايتار بولساق, قوعامدىق كەىەس مۇشەلەرىنىڭ 19 پايىزىن ايەلدەر قۇرايدى», – دەدى التىناي نۇركەەۆا.
ايتا كەسەك, 2019 جىلدىڭ ناۋرىز ايىنان باستاپ 2020 جىلدىڭ قىركۇيەگىنە دەيىن 25 وتىرىس وتكىزىلىپ, وندا 102 ماسەلە قاراستىرىلعان.
سونداي-اق شارا بارىسىندا قوعامدىق كەڭەس قىزمەتىنىڭ باعاسى قارالىپ, كەڭەس جۇمىسىنىڭ الداعى دامۋى جايلى ۇسىنىستار ايتىلدى.
