«Saryarqa Jugiru» قاشىقتىعى - 5 شاقىرىم. ءىس-شاراعا قاتىسۋشىلار ونى 7-13 جەلتوقسان ارالىعىندا وتە الادى. قاتىسۋشىلار 5 كم مارشرۋتتى اپتا ىشىندە بىرنەشە رەت كەز-كەلگەن ىڭعايلى ۋاقىتتا جۇگىرە الادى. جەڭىمپازدى انىقتاۋ ءۇشىن سپورتشىنىڭ ەڭ جاقسى ۇپايى قولدانىلادى. ەڭ باستىسى - تىركەلۋ جانە قاتىسۋدىڭ بارلىق شارتتارىن ورىنداۋ.
ول ءۇشىن Strava قوسىمشاسىندا جۇگىرۋ كورسەتكىشىن تىرەۋ كەرەك. ءارى قاراي, ناتيجەلەر تەكسەرۋ پروتسەدۋراسىنان سوڭ www.jgr.kz سايتىندا جاريالانادى.
«سونىمەن قاتار قاتىسۋدىڭ ماڭىزدى شارتتارىنىڭ ءبىرى - Instagram پاراقشاڭىزدا جارىس تۋرالى حابارلاما جاريالاۋ جانە #saryarkamarathonchallenge ءىس-شارا حەشتەگىن, نۇر-سۇلتان جەڭىل اتلەتيكا فەدەراتسياسىنىڭ @nsathleticskz, «Jugiru» پلاتفورماسىنىڭ @jgr.kz جانە سارىارقا اۋدانى اكىمدىگىنىڭ @saryarka.akimat پروفيلدەرىن, بەلگىلەۋ», - دەيدى ۇيىمداستىرۋشىلار.
جەڭىمپازدار 16 جەلتوقساندا ماراپاتتالادى.
كوكتال-1 تۇرعىن الابىنىڭ جاڭا ساياباعىندا قاشىقتىققا جۇگىرگەن قاتىسۋشىلارعا ارنالعان سىيلىقتار:
1 ورىن - iPhone 12
2 ورىن - 300 $
3 ورىن - 200 $
قالانىڭ باسقا بولىكتەرىندە جۇگىرگەن جانە قازاقستان رەسپۋبليكاسىنىڭ باسقا قالالارى مەن وبلىستارىندا, سونداي-اق رەسپۋبليكادان تىس جەرلەردە تۇراتىن قاتىسۋشىلارعا ارنالعان سىيلىقتار:
1 ورىن - 150 $
2 ورىن - 100 $
3 ورىن - 75 $
بارلىق جەڭىمپازدار مەن جۇلدەگەرلەر مەرەيتويلىق مەدالدارمەن جانە سەرتيفيكاتتارمەن ماراپاتتالادى. بارلىق ەگجەي-تەگجەيلى اقپاراتتى jgr.kz رەسمي سايتىنان الۋعا بولادى.
ەسكە سالا كەتەيىك, ەلوردا اكىمدىگىنىڭ قولداۋىمەن ءوتىپ جاتقان سپورتتىق شارا ۇيىمداستىرۋشىلارى - قازاقستان رەسپۋبليكاسىنىڭ جەڭىل اتلەتيكا فەدەراتسياسى, نۇر-سۇلتان جەڭىل اتلەتيكا فەدەراتسياسى.
