قارۋلى كۇشتەردە 2020 جىلدىڭ 2 جەلتوقسانىندا جاڭا وقۋ جىلى باستالدى. باس قولباسشىلار جاۋىنگەرلىك دايارلىق بويىنشا وتكىزگەن كەشەندى تاكتيكالىق-ساپتىق ساباقتاردىڭ ناتيجەلەرى جونىندە باياندادى. بۇل ساباقتارعا بارلىق قۇرامالار مەن اسكەري بولىمدەر قاتىستى. سانيتارلىق-ەپيدەميولوگيالىق شەكتەۋلەردىڭ بارلىعىن ساقتاي وتىرىپ وتكەن ساباقتاردا, جەكە قۇرام دابىل بويىنشا كوتەرىلىپ, اسكەري تەحنيكالار تۇراقتاردان شىعارىلدى, سونداي-اق باسقارۋ ورگاندارى مەن شتابتاردىڭ جۇمىستارى مەن ءوزارا ءىس-قيمىل ماسەلەلەرى ءىس جۇزىندە پىسىقتالدى.
اسكەرلەر, 7 جەلتوقساننان باستاپ, اسكەري قىزمەتشىلەردى ماماندىق بويىنشا دايارلاۋ شەڭبەرىندەگى جوسپارلى ءىس-شارالارعا كىرىستى. بۇل شارا اي سوڭىندا باقىلاۋ ساباقتار مەن اتىستى جۇرگىزۋمەن اياقتالادى.
كۇنتىزبەدەگى جىلدىڭ اياقتالۋىنا بايلانىستى بارلىق گارنيزونداعى اسكەري وبەكتىلەردىڭ مەردىگەرلەرى قۇرىلىس جانە جوندەۋ جۇمىستارىن ۋاقتىلى جانە ساپالى ورىنداۋىن قاتاڭ باقىلاۋعا الۋىن تاپسىردى. قۇرىلىس ۇيىمدارى مەرزىمدەر مەن مىندەتتەمەلەردى ساقتاماعان جاعدايدا, زاڭدا بەلگىلەنگەن تارتىپپەن تالاپ ەتۋ جۇمىستارىن ۇيىمداستىرۋدى تاپسىردى.
2020 جىلى قورعانىس مينيسترلىگىنىڭ سىبايلاس جەمقورلىققا قارسى ءىس-قيمىل جونىندە جۇرگىزگەن جۇمىستارىنا الدىن الا قورىتىندى شىعاردى. تۇسىندىرمە, ۇيىمداستىرۋ جانە تارتىپتىك سيپاتتاعى كەشەندى شارالاردىڭ ناتيجەلەرى قارۋلى كۇشتەردەگى سىبايلاس جەمقورلىقپەن قۇقىقبۇزۋشىلىقتىڭ وتكەن جىلمەن سالىستىرعاندا 16 پايىزعا تومەندەگەنىن كورسەتتى, ال سوتتالعان اسكەري قىزمەتشىلەر سانى شامامەن 2 ەسەگە ازايدى. بۇل رەتتە, بيۋدجەت قاراجاتىن ءىرى قىمقىرۋعا جول بەرمەدى. ورىن العان قۇقىقبۇزۋشىلىقتار تۇرمىستىق سيپاتقا يە بولعاندىقتان, ونى تۇبەگەيلى جويۋ ماقساتىندا, قازىردىڭ وزىندە جۇيەلى ءىس-شارالار ۇيىمداستىرىلدى.
قورعانىس ءمينيسترى وتكەن اپتادا ەرەكشە كوزگە تۇسكەن اسكەري قىزمەتشىلەردى اتاپ ءوتتى. قارۋلى كۇشتەردىڭ اۋەايلاعىنداعى مي-8 تىكۇشاعىنىڭ ەكيپاجى كاسپي تەڭىزىنىڭ جاعاسىنان 11 شاقىرىمدا قالعان جۇمىسشىلاردى كوشىرۋ كەزىندە تاپسىرمانى ءساتتى ورىندادى. اقكول قالاسىندا ەكى اسكەري قىزمەتشى كوشەدە كەنەتتەن ەس-ءتۇسسىز جاتقان توعىز جاسار بالانى قۇتقارىپ, ۋاقىتىندا العاشقى مەديتسينالىق كومەك كورسەتتى جانە ەمدەۋ مەكەمەسىنە دەر كەزىندە جەتكىزدى. شتاتتان تىس كەزدە باتىلدىق پەن باستاما كورسەتكەن اسكەري قىزمەتشىلەردى ماداقتاۋعا نۇسقاۋ بەردى.
