ە.سايىروۆتىڭ ايتۋىنشا, مۇنايلى ولكەگە ماڭعىستاۋلىقتاردىڭ شاقىرۋىمەن كەلگەن ولار كەزدەسۋدە ەلىمىزدەگى ساياسي مودەرنيزاتسيا ءۇردىسى جانە الدا بولاتىن پارلامەنتتىك سايلاۋ تۋرالى تالقىلادى.
– پرەزيدەنت ق.توقاەۆ ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ سەسسياسىندا ەلىمىزدىڭ سايلاۋدى اشىق, ءادىل وتكىزۋگە ۇمتىلاتىندىعىن ايتتى, بۇل قوعام ءۇشىن ۇلكەن جەتىستىك, – دەدى سپيكەر.
ءاربىر سايلاۋدىڭ ەلىمىزدەگى قوعامدىق-ساياسي ۇردىستەرگە تالداۋ جاساۋعا, سونداي-اق ول ازاماتتاردىڭ ساياسي مادەنيەتىن كوتەرۋگە مۇمكىندىك بەرەتىنىن ايتقان ول قازىرگى تاڭدا كوپشىلىكتىڭ سايلاۋدى قالاي, قايتكەندە ءادىل وتكىزۋگە بولاتىندىعى تۋرالى سۇرايتىندىعى تۋرالى ايتتى.
– ءاربىر ادام ءوزىنىڭ داۋىس بەرۋ قۇقىعىن جەتىك بىلسە سايلاۋ ءادىل وتەدى, ونى ءاربىر ادام قاداعالاي الادى. الداعى سايلاۋ, بىرىنشىدەن ازاماتتاردىڭ ساياسي مادەنيەتىن كوتەرۋگە, ەكىنشىدەن ەلىمىزدە ساياسي ۇردىستەردىڭ تولىققاندى ەۆوليۋتسيالىق دامۋ شارتتارىن قۇرۋعا جول اشادى دەپ سانايمىن, دەدى ساياساتتانۋشى.
قازىرگى تاڭدا ەلىمىز ەلەكتورالنىي تسيكلگە ەنۋدە. پارلامەنتتىك سايلاۋدان سوڭ وكىلەتتىلىكتەرى 2021 جىلى اياقتالاتىن اۋىل, اۋىلدىق وكرۋگ جانە پوسەلكا اكىمدەرىن سايلاۋعا باستاما بەرەدى. مۇنداي سايلاۋ قازاقستاندا تۇڭعىش رەت وتكىزىلمەك.
– ۇلتتىق كەڭەستىڭ وتىرىسىندا مەملەكەت باسشىسى جەرگىلىكتى باسقارۋدىڭ جاڭا كونتسەپتسياسىن جاساقتاۋ قاجەتتىگىن ايتتى. بۇل بىزگە بارلىق ماسەلەلەردى ەگجەي-تەگجەيلى, اۋداندىق دەڭگەيدەن باستاپ قاراۋ قاجەتتىگىن ۇعىندىرادى, – دەدى ە.سايىروۆ.
ە.سايىروۆتىڭ ايتۋىنشا, الداعى پارلامەنت سايلاۋى, سونداي-اق اۋىلدىق وكرۋگ اكىمدەرى سايلاۋى ەلىمىزدە وڭ قوعامدىق-ساياسي ۇردىستەردى قۇرۋعا مۇمكىندىك بەرەدى.
– ەگەر وڭىرلەردە قوعامدىق-ساياسي ۇردىستەر ءتيىمدى جۇرگىزىلەتىن بولسا, وندا قازاقستاننىڭ ساياسي جۇيەسى تۇراقتى دەۋگە بولادى. تەك وڭىرلەردەگى جاعىمدى ۇردىستەر عانا تۇراقتى ساياسي ۇردىستەردىڭ كاتاليزاتورى بولماق. سوندىقتان ءبىز بۇگىن وسى ءۇردىس تۋرالى ماڭعىستاۋ بەلسەندىلەرىمەن كەزدەسىپ وتىرمىز, – دەدى ساياساتتانۋشى.
دەموكراتيا مەملەكەتتىلىكتىڭ نەگىزگى اسپەكتىلەرىنىڭ ءبىرى, ونى مەملەكەتتىلىككە قارسى قويۋعا بولمايدى دەگەن ە.سايىروۆ ازاماتتىق قوعامنىڭ ەلىمىزدە جۇرگىزىلىپ جاتقان ۇردىستەرگە تۇسىنىستىكپەن اتسالىسۋى قاجەتتىگىن ايتىپ, دەموكراتيالىق ۇردىستەردىڭ مىقتى ءارى تاۋەلسىز قازاقستاننىڭ اتريبۋتى ەكەندىگىن جەتكىزدى.
كەزدەسۋدە ماڭعىستاۋ وبلىسىنىڭ قوعام بەلسەندىلەرى ا.ورىسباەۆ, م.سەباسوۆ ءسوز الىپ, ءوز ويلارىن ورتاعا سالدى.
ماڭعىستاۋ وبلىسى
