اقىن, ساراپشىلار كەڭەسىنىڭ توراعاسى باۋىرجان جاقىپتىڭ ايتۋىنشا, قاتىسۋشىلاردىڭ ىنتا-ىقىلاسى وتە جوعارى بولعان. سوعان ساي كەلىپ تۇسكەن شىعارمالار دا سايدىڭ تاسىنداي مىقتى دەيدى.
– 200-دەن استام اۆتوردان 300-گە جۋىق شىعارما كەلدى. جانرلارى دا ءار الۋان. پروزا, ولەڭ, جاڭىلتپاش, جۇمباق, حيكاياتتار بار. ىشىندە وتە جاقسى شىعارمالار بار ەكەنىن كوردىك. ەسىمى كوپكە ءمالىم قالامگەرلەرمەن قاتار جاڭا ەسىمدەر دە جەتكىلىكتى. ءارى تالقىلاپ, بەرى تالقىلاپ ەڭ لايىقتى دەگەن شىعارمالاردى جۇلدەگە ۇسىندىق. كەلەر جىلدان باستاپ بۇل بايگە ءداستۇرلى بايقاۋعا اينالماق. مينيسترلىك تە قولداۋعا نيەتتەنىپ وتىر. بۇل ءبىزدى قۋانتىپ وتىر, – دەيدى اقىن.
بايقاۋ 3 سانات نەگىزىندە وتكىزىلگەن. ءى سانات – تومەنگى سىنىپتا وقيتىن وقۋشىلارعا ارنالعان شىعارمالار بايقاۋى. ءىى سانات – ورتا سىنىپ وقۋشىلارىنا ارنالعان بايقاۋ. ال ءىىى ساناتتا جوعارى سىنىپ وقۋشىلارىنا ارناپ جازىلعان شىعارمالار بايگەگە تۇسكەن.
بايقاۋدا ءبىرىنشى ورىن العان جۇلدەگەرلەر مادەنيەت جانە سپورت مينيسترلىگىنىڭ ديپلومىمەن ماراپاتتالدى. سونىمەن قاتار جەڭىمپازدار مەن جۇلدەگەرلەرگە قارجىلاي ماراپات تا ۇسىنىلدى. قازىلار القاسىنىڭ شەشىمىمەن ءى سانات بويىنشا 1-ورىندى اقىلبەك شاياحمەتوۆ يەلەنسە, 2-ورىن سەرىكباي وسپانوۆقا, 3-ورىن ەرنۇر سەيداحمەتكە بۇيىردى.
ءىى سانات بويىنشا 1-ورىندى كوسەمالى ءساتتىباي ۇلى جەڭىپ السا, 2 جانە 3-ورىندارعا ءبايدىلدا ايداربەك پەن گۇلجان امانگەلدىقىزىنىڭ شىعارمالارى لايىق دەپ تانىلعان
ءىىى ساناتتا ايگۇل كەمەلباەۆا وق بويى وزىق شىقتى. 2-ورىن ەرتاي اشىقباەۆتىڭ ەنشىسىنە ءتيدى. ءۇشىنشى ورىندى قايىم-مۇنار تابەەۆ يەلەندى.
شارا سوڭىندا ۇلتتىق مەملەكەتتىك كىتاپ پالاتاسىنىڭ ءباسپاسوز مۇراعاتىنان ىرىكتەلىپ الىنعان سيرەك كىتاپتاردان, گازەت-جۋرنالداردان تۇراتىن «سيرەك كونە قولجازبالار» مۇراجايىنىڭ لەنتاسى قيىلادى.
«سيرەك كونە قولجازبالار» مۇراجايىنا كىتاپ پالاتاسى مۇراعاتىنداعى ءحىح-حح عاسىرلاردا توتە جازۋ, شاعاتاي جازۋى, ەسكى لاتىن جازۋىن بويىنشا جارىق كورگەن ەڭبەكتەر قويىلادى.
مۇراجايدىڭ لەنتاسىن قيۋ راسىمىنەن سوڭ قادىرلى قوناقتار قۇتتىقتاۋ ءسوز سويلەيدى.
الماتى
