قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا اقتاۋ تەڭىز پورتىندا سالتاناتتى, ءارى ماڭىزدى شارا ءوتتى.
بۇل «ورال» اتتى زىمىراندى-ارتيللەريالىق كەمەنىڭ جاۋىنگەرلىك تۋ كوتەرۋى ەدى.
قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا اقتاۋ تەڭىز پورتىندا سالتاناتتى, ءارى ماڭىزدى شارا ءوتتى.
بۇل «ورال» اتتى زىمىراندى-ارتيللەريالىق كەمەنىڭ جاۋىنگەرلىك تۋ كوتەرۋى ەدى.
«زەنيت» كەمە جاساۋ زاۋىتىندا قۇراستىرىلعان وتاندىق اتالمىش كەمە جىلدىڭ ءساۋىر ايىندا سۋعا تۇسىرىلگەن بولاتىن. كۇنى بۇگىنگە دەيىن مەملەكەتتىك سىناقتان ءوتۋ كەزەڭىن باستان كەشكەن كەمە ەكيپاجى ءوز قۋانىشىنا مەرەكە قارساڭىندا قول جەتكىزدى. كەمەگە جاۋىنگەرلىك تۋ تاپسىرۋ – ونىڭ سىناقتان ءساتتى ءوتىپ, اسكەري-تەڭىز كۇشتەرى قۇرامىنا ەنگەندىگىنىڭ, ەندى جاۋىنگەرلىك تاپسىرمالاردى ورىنداۋعا جولى اشىلعاندىعىنىڭ بەلگىسى.
سالتاناتتى ساتكە قاتىسقان قازاقستان قارۋلى كۇشتەرى اسكەري-تەڭىز كۇشتەرىنىڭ باس قولباسشىسى كونتر-ادميرال ج.جانزاقوۆ, «زەنيت» ورال زاۋىتى» اق-تىڭ باس ديرەكتورى ۆ.ۆاليەۆ, ماڭعىستاۋ وبلىسى اكىمىنىڭ ورىنباسارى ءا.ءشوجەعۇلوۆ جانە اسكەري-تەڭىز كۇشتەرىنىڭ ارداگەرلەرى ساربازداردى مەرەكەمەن قۇتتىقتاپ, ەكيپاجعا ساتتىلىك تىلەدى.
كونتر-ادميرال قولىنان كەمە كاپيتانى قابىلداپ العان تۋ ەلىمىزدىڭ ەكپىندى ءانۇرانىمەن جوعارى كوتەرىلدى. ەندى ءاربىر تاڭ بىلىنىسىمەن جەلبىرەي كوككە كوتەرىلىپ, قاراڭعىلىق تۇسە بوساتىلاتىن تۋ – ەكيپاج قۇرامىنان قىراعىلىقتى, شەبەرلىكتى, تاس-ءتۇيىن دايىندىقتى تالاپ ەتەتەتىن قاستەرلى بەلگى.
مەملەكەت قاۋىپسىزدىگىن قامتاماسىز ەتەتىن جانە اسكەري مىندەتتەردى ورىنداۋعا ارنالعان 240 توننالىق «ورال» كەمەسى زىمىراندى-ارتيللەريالىق جابدىقتارمەن, زاماناۋي اسكەري تەحنيكالارمەن جابدىقتالعان, كارتاگرافيالىق, ناۆيگاتسيالىق جۇيە, بايلانىس قۇرالدارى, اربالەت قوندىرىلعان. ەكيپاجداعى 30 ادام «زەنيت» ورال زاۋىتى» اق-تىڭ باس ديرەكتورى ۆ.ۆاليەۆتىڭ ايتۋىنشا, كەمە قۇراستىرىلىپ جاتقاندا باسى-قاسىندا بولىپ, ونىڭ قىر-سىرىمەن جەتە تانىسقان تەڭىزشىلەر. دەمەك, ولار تەوريالىق, پراكتيكالىق تۇرعىدا كەمەدەگى تەحنيكالارمەن جۇمىس ىستەۋگە ۇيرەنگەن, قاجەتتى بىلىمدەردى مەڭگەرگەن بىلىكتى دەپ سەنىم ارتۋعا نەگىز بار.
– بۇل ەلىمىزدىڭ اسكەري-تەڭىز كۇشتەرى قۇرامىنا كەلگەن ەكىنشى زىمىراندى-ارتيللەريالىق كەمە. «ورالدىڭ» جابدىقتالۋى مەن قاۋقارىنا قاراپ, ول كاسپي تەڭىزىنىڭ قازاقستاندىق سەكتورىن لايىقتى قورعايدى دەپ جانە اسكەري-تەڭىز كۇشتەرىن مۇنداي قۋاتتى كەمەلەرمەن تولىقتىرۋلار جىل سايىن بولادى دەپ سەنەمىز, دەيدى اسكەري-تەڭىز كۇشتەرىنىڭ باس قولباسشىسى, كونتر-ادميرال ج.جانزاقوۆ.
ەندى كەمە كومانديرى ق.شارشانقۇلوۆ باستاعان ەكيپاج التىن كۇن مەن ايباتتى قىران, زىكىر مەن بەس جۇلدىز بەينەلەنگەن جالاۋى جەلبىرەگەن «ورالمەن» كوك تەڭىز ۇستىندە ويقاستاماق. بۇل ەلىمىزدىڭ قاۋىپسىزدىگى, تۇرعىنداردىڭ بەيبىت تىرلىگىن كۇزەتۋ ماقساتىنداعى ساپارلار بولماق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
