سپورت • 05 جەلتوقسان، 2020

“اتىراۋ” فۋتزال كومانداسىنىڭ ءۇش ويىنشىسى ۇلتتىق قۇراماعا شاقىرىلدى

338 رەت كورسەتىلدى

جاقىندا فۋتزالدان قازاقستان ۇلتتىق قۇراماسىنىڭ باس باپكەرى پاۋلو ريكاردو كاكا 2022 جىلعى ەۋروپا چەمپيوناتىنا ىرىكتەۋ كەزەڭىنە قاتىساتىن ويىنشىلار ءتىزىمىن جاريالاعان ەدى. باس باپكەردەن ۇلتتىق قۇراماعا اتىراۋلىق ءۇش ويىنشى شاقىرتۋ الدى، دەپ حابارلايدى Egemen.kz.

ەكى كەزەڭدەگى ويىن ناتيجەسىنەن كەيىن «اتىراۋ» فۋتزال كومانداسى جالپى ەسەپتە ەكىنشى ورىندا تۇر. بۇل اتالعان كوماندانىڭ بەلدى ويىنشىلارى جومارت توقاەۆ، بولات سارباسوۆ پەن جاقسىلىق اماندوسوۆتىڭ ۇلتتىق قۇرامادا ويناۋىنا ىقپال ەتتى.

فۋتزالدان ۇلتتىق قۇراما 9 جەلتوقساندا «جاقسىلىق ۇشكەمپىروۆ» اتىنداعى جەكپە-جەك سارايىندا ۆەنگريا قۇراماسىنا قارسى ويىن وتكىزەدى. بۇل ويىندا اتىراۋلىق بولات سارباسوۆ الاڭعا شىعادى. ال جومارت توقاەۆ پەن جاقسىلىق اماندوسوۆ الاڭداعى ويىنشىلاردى الماستىراتىن رەزەرۆكە الىندى.

 

سوڭعى جاڭالىقتار

ۇقساس جاڭالىقتار