«اتىراۋ-شىمكەنت» مارشرۋتىنداعى اۆتوبۋستىڭ سالونىن تەكسەرۋ كەزىندە كولىك قۇرالى «پلاتسكارتقا» اينالعانى بەلگىلى بولدى. سالوندا جولاۋشى كرەسلوسىنىڭ ورنىنا قاپتالعان ەكى قاباتتى 28 كەرەۋەت ورناتىلعان. وندا ۇيىقتاپ جاتقان 17 جولاۋشى انىقتالدى. اۆتوبۋس جۇرگىزۋشىلەرىنىڭ ايتۋىنشا, «پلاتسكارت» كولىك شىمكەنت قالاسىنا باعىت العان» دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
جۇرگىزۋشىلەردىڭ بىرىنە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 5,7 جانە 8-بولىكتەرى (كولىك قۇرالدارىن پايدالانۋ قاعيدالارىن بۇزۋ), 571-بابىنىڭ 2-بولىگى (جولاۋشىلاردى, باگاجدى جانە جۇكتى تاسىمالداۋ قاعيدالارىن بۇزۋ), 572-بابىنىڭ 1-بولىگى (جۇرگىزۋشىنىڭ ەڭبەك جانە دەمالىس رەجيمىن بۇزۋ) بويىنشا حاتتامالار تولتىرىلدى. اۆتوبۋس ارنايى تۇراققا قويىلدى.
