اقش پرەزيدەنتى باراك وباما دەنساۋلىق ساقتاۋ رەفورماسىنىڭ تالاپتارىن ورىنداپ, ينتەرنەت ارقىلى مەديتسينالىق ساقتاندىرۋ ساتىپ الماقشى. بۇل تۋرالى ريا «نوۆوستي» حابارلادى.
2011 جىلدان بەرى جۇرگىزىلىپ كەلە جاتقان دەنساۋلىق ساقتاۋ رەفورماسى اقش ازاماتتارىنىڭ كوپ بولىگىن 2014 جىلعى 1 قاڭتارعا دەيىن ساقتاندىرۋ ءپوليسىن ساتىپ الۋعا مىندەتتەيدى. اقش ۇكىمەتى ساقتاندىرۋ كومپانيالارى اراسىندا باسەكەلەستىكتى كۇشەيتىپ, تۇتىنۋشىلار ءۇشىن باعانى تومەندەتۋ ماقساتىندا Healthcare.gov مەديتسينالىق ساقتاندىرۋ سايت-بيرجاسىن ىسكە قوستى.
الايدا, سايت ويداعىداي جۇمىس ىستەپ كەتە المادى. العاشقى ءبىر جارىم اي ىشىندە 27 مىڭ ادام عانا سايت ارقىلى مەديتسينالىق ساقتاندىرۋ ساتىپ العان. سايت ماسەلەسى اقش-تىڭ ىشكى ساياسي كۇنتارتىبىندەگى باسى تاقىرىپتاردىڭ ءبىرى بولدى. اقش پرەزيدەنتى بۇل ماسەلەنى شەشۋگە جەكە ءوزى كىرىسەتىنىن العا تارتقان ەدى.
«Politico» گازەتى جازعانداي, اقش پرەزيدەنتىنىڭ تابىسى جوعارى بولعاندىقتان, وعان مەديتسينالىق ساقتاندىرۋ قىمباتقا تۇسپەك.
ايدار ورىسباەۆ.
دەرەككوز: ria.ru
