ماڭعىستاۋ وبلىسىنداعى اقتاۋ پورتىن شەتەلدىك كومپانيالاردىڭ ءبىرى باسقارۋى مۇمكىن. بۇل تۋرالى Kazakhstan Today حابارلادى.
«اقتاۋ تەڭىز پورتىنا يسپانيانىڭ ءبىر كومپانياسى قىزىعۋشىلىق تانىتىپ وتىر. قازىر ونىڭ دەلەگاتسياسى قازاقستانعا كەلىپ, بارلىق جاعدايلاردى زەرتتەپ ءجۇر. بۇدان باسقا, اقتاۋ تەڭىز پورتىن الۋعا تۇرىك كومپانيالارى دا قىزىعۋشىلىق بىلدىرگەن بولاتىن», - دەدى «Kaznexinvest» اق باسقارما توراعاسىنىڭ ورىنباسارى قايرات قارمانوۆ استانادا وتكەن ءباسپاسوز ءماسليحاتىندا.
ونىڭ ايتۋىنشا, شەتەلدىك كومپانيالار باسقارىپ عانا قويمايدى, پورت جۇمىسىنىڭ جاقسارۋىنا قارجى بولەدى. سونداي-اق, قورعاس پورتىنا اراب كومپانيالارى قىزىعۋشىلىق تانىتقان كورىنەدى. «شەتەلدىك ينۆەستورلاردىڭ كەلۋىمەن بۇل جەرلەردە مەنەدجمەنتتىڭ ءتيىستى دەڭگەيدە بولاتىن ىقتيمالدىعى وتە جوعارى, سەبەبى, قازاقستاندىق كومپانيالار ونى جاساۋدى مەڭگەرە قويعان جوق, بۇعان ءالى ءبىراز ۋاقىت كەرەك», - دەدى ق.قارمانوۆ.
باقىتبەك كەنەش ۇلى.
دەرەككوز: «Kazakhstan Today»
