مينيستر ۋچاسكەلىك پوليتسيا پۋنكتىنىڭ جəنە ۋچاسكەلىك ينسپەكتوردىڭ جۇمىسىمەن, سونداي-اق, وسى پوليتسيا ۋچاسكەسىنە قوسىلعان اۋىلدىڭ بەينەباقىلاۋ جۇيەسىمەن تانىستى.
ەرلان تۇرعىمباەۆ مەملەكەت باسشىسىنىڭ قازاقستان حالقىنا جولداۋىندا ۋچاسكەلىك پوليتسيا ينسپەكتورلارىنا باستى ءرول بەرىلەتىن “قادامدىق قولجەتىمدىلىكتەگى پوليتسيا” قاعيداتى بويىنشا جەرگىلىكتى پوليتسيا قىزمەتىنە رەفورما جۇرگىزۋگە نازار اۋدارىلعانىن ەسكە سالدى.
مينيستر ەڭبەك اۋىلىنا كەلۋ سەبەبىن دە اتاپ ءوتتى. مۇندا جەرگىلىكتى اتقارۋشى ورگاندار مەن كاسىپكەرلەردىڭ كومەگىمەن قۇقىقتىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ ءۇشىن بارلىق جاعداي جاسالعان.
“ۋچاسكەلىك پوليتسيا پۋنكتىنە اۋىل بويىنشا مادەني جانە ءبىلىم بەرۋ مەكەمەلەرىندە ورناتىلعان 100 بەينەكامەرا قوسىلعان. اۋىلداعى كامەرالاردىڭ ارقاسىندا جىل باسىنان بەرى 50 əكىمشىلىك قۇقىق بۇزۋشىلىق انىقتالدى”, – دەپ اتاپ ءوتتى ۆەدومستۆو باسشىسى.
سونىمەن قاتار, مينيستر ۋچاسكەلىك ينسپەكتورعا اۋىلداعى قۇقىقتىق ءتارتىپتى ساقتاۋعا كومەكتەسەتىن ەرىكتىلەرمەن كەزدەستى. ولارعا قوعامدىق ءتارتىپتى ساقتاۋعا بەلسەندى قاتىسقانى جانە ىشكى ىستەر ورگاندارىنا ازاماتتاردىڭ قاۋىپسىزدىگى مەن تىنىشتىعىن قامتاماسىز ەتۋگە كومەكتەسكەندەرى ءۇشىن العىس ايتىپ, گراموتالارمەن ماراپاتتادى.
“بيىلعى جىلدىڭ باسىندا قار قۇرساۋىنان زارداپ شەككەن مىڭداعان جۇرگىزۋشىلەر مەن جولاۋشىلاردى قۇتقارۋ كەزىندە ەڭبەك اۋىلىنىڭ ەرىكتىلەرى پوليتسەيلەرمەن بىرلەسكەن جۇمىستىڭ وزىق ۇلگىسىن كورسەتتى. سونىمەن قاتار, ەرىكتىلەر ۋچاسكەلىك ينسپەكتورعا قىلمىستىڭ الدىن الۋعا بەلسەندى تۇردە كومەكتەسەدى. وسىنداي وڭ تاجىريبەنى ءبىز ءاربىر اكىمگە جەتكىزىپ, بۇكىل ەل بويىنشا ەنگىزەتىن بولامىز”, – دەدى ەرلان تۇرعىمباەۆ.
مەملەكەت باسشىسى جاريالاعان “ەرىكتىلەر جىلى” اياسىندا مينيسترلىك 3,5 مىڭ ەرىكتىمەن ءوزارا ءىس-قيمىلدى كەڭەيتۋ بويىنشا جۇمىس جۇرگىزۋدە. ولار بۇگىندە ادامداردى ىزدەۋگە جانە قۇتقارۋعا, ناشاقورلىقتىڭ الدىن الۋعا, تۇرمىستىق زورلىق-زومبىلىق قۇرباندارىمەن جۇمىس ىستەۋگە, سونداي-اق, سوتتالعانداردى قايتا الەۋمەتتەندىرۋگە بەلسەندى تۇردە قاتىسادى.
ولار توتەنشە جاعداي رەجيمى كەزىندە ورتاق ىسكە ۇلكەن ۇلەس قوستى. وسى ۋاقىتقا دەيىن مىڭعا جۋىق ەرىكتى كارانتين شارالارىنىڭ ساقتالۋىن باقىلاپ, پوليتسياعا كومەك كورسەتۋدە.
قازىرگى ۋاقىتتا ەرىكتىلەردىڭ قۇقىق بۇزۋشىلىقتاردىڭ الدىن الۋعا قاتىسۋ اياسىن كەڭەيتۋ بويىنشا شارالار قابىلدانۋدا.
