قىرعىزستان پرەمەر-ءمينيسترى جانتورو ساتىبالديەۆ دۇيسەنبى كۇنى وش وبلىسىندا ورىن العان تارتىپسىزدىكتەرگە بايلانىستى كۇشتىك قۇرىلىمداردىڭ جەتەكشىلەرىمەن جينالىس وتكىزدى. بۇل تۋرالى قىرعىزستان ۇكىمەتى ءباسپاسوز قىزمەتىنىڭ اقپارىنا سىلتەمە جاساعان يتار-تاسس حابارلادى.
ءباسپاسوز قىزمەتىنىڭ مالىمدەۋىنشە, ۇكىمەت باسشىسى كۇشتىك قۇرىلىمدارعا ەلدەگى قوعامدىق-ساياسي احۋالدى بۇزۋشىلارعا قارسى قاتاڭ شارالار قابىلداپ, اكىمشىلىك عيماراتتارى مەن باسقا دا مەكەمەلەردى باسىپ الۋ نەمەسە قيراتۋ ارەكەتتەرىنىڭ الدىن الۋعا تاپسىرما بەردى.
2 جەلتوقساندا تۇتقىندالعان قىرعىزستاننىڭ ەكس-سپيكەرى احماتبەك كەلديبەكوۆتىڭ جاقتاستارى ميتينگ ۇيىمداستىرىپ, وش وبلىستىق اكىمشىلىگىن شابۋىلمەن باسىپ الۋعا تىرىسقان. الايدا, ميليتسيا قىزمەتكەرلەرى وعان جول بەرمەدى. سول كەزدە ءتارتىپ ساقشىلارىنىڭ توعىزى ءتۇرلى جاراقات العان كورىنەدى. ال 26 قاراشادا احماتبەك كەلديبەكوۆتىڭ جەرلەستەرى مەن جاقتاستارى قىرعىزستان مەن قىتايدى جالعاپ تۇرعان وش-يركەشتام اۆتوجولىن جاۋىپ تاستاپ, ناتيجەسىندە وندا كوپتەگەن جۇك كولىكتەرى جينالىپ قالعان ەدى.
احماتبەك كەلديبەكوۆكە «جەمقورلىق» پەن «قىزمەتتىك جاعدايىن اسىرا پايدالانۋ» باپتارى بويىنشا ايىپتار تاعىلدى. ەكس-سپيكەردىڭ كىناسى دالەلدەنگەن جاعدايدا, سوت ونى 15 جىلعا دەيىن باس بوستاندىعىنان ايىرۋى مۇمكىن.
ايدار ورىسباەۆ.
دەرەككوز: Itar-tass.com
