قوعام • 04 جەلتوقسان، 2020

"حالىق ءۇنى" جوباسىنىڭ قاتىسۋشىلارى باتىسقازاقستاندىقتاردىڭ پروبلەمالارىمەن تانىستى

13 رەت كورسەتىلدى

رەسپۋبليكالىق "حالىق ءۇنى" ("گولوس نارودا") جوباسىنىڭ قاتىسۋشىلارى باتىس قازاقستان وبلىسىنا جەرگىلىكتى تۇرعىندارعا وزدەرىنىڭ الەۋمەتتىك جانە زاڭدىق ماسەلەلەرىن شەشۋگە كومەكتەسۋ ءۇشىن كەلدى، دەپ حابارلايدى Egemen.kz

بۇعان دەيىن "حالىق ءۇنى" جوباسىنىڭ جۇمىس توبى شىعىس قازاقستان جانە اقتوبە وبلىستارىندا بولىپ، تۇرعىنداردىڭ 46 ءوتىنىشىن قارادى. ونىڭ ىشىندە 21 كۇردەلى ماسەلە ورتالىق مەملەكەتتىك جانە قۇقىق قورعاۋ ورگاندارىنىڭ قاتىسۋىمەن شەشۋ ءۇشىن حاتتاماعا ەنگىزىلدى.

جوبا قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، قۇقىق قورعاۋشى ايمان وماروۆانىڭ باستاماسىمەن جۇزەگە اسىرىلۋدا جانە اقپارات جانە قوعامدىق دامۋ مينيسترلىگى، قر سىبايلاس جەمقورلىققا قارسى ءىس-قيمىل اگەنتتىگى، "Altyn Qyran Foundation" قايىرىمدىلىق قورى، "Human Rights Lawyers" قق جوبانىڭ ارىپتەستەرى بولىپ تابىلادى.

باتىس قازاقستان وبلىسىندا حالىقپەن كەزدەسۋ ءبورلى اۋدانىنان باستالدى، وندا جوباعا قاتىسۋشىلار الەۋمەتتىك مەكەمەلەرگە بارىپ، تۇرعىندارمەن كەزدەسۋ وتكىزدى. كورشىلەس شىڭعىرلاۋ اۋدانىندا قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ، اقدم ازاماتتىق قوعام ىستەرى كوميتەتى توراعاسىنىڭ ورىنباسارى نۇربول سەرىكبەكوۆ جانە جوبا اۆتورى ايمان ۋماروۆا ازاماتتاردى قابىلدادى. تۇرعىندار اۆتوموبيل جولدارىن جوندەۋ، ەلدى مەكەندەردى اۋىز سۋمەن قامتاماسىز ەتۋ، بقو-نىڭ شالعايداعى اۋىلدارىنا ءموبيلدى جانە ينتەرنەت-بايلانىس ورناتۋ، تۇرعىن ءۇي باعدارلامالارىنا قاتىسۋ، الەۋمەتتىك نىساندار سالۋ جانە ت. ب. ماسەلەلەر بويىنشا ءوتىنىش ءبىلدىردى.

جالپى، جۇمىس توبىنىڭ قاراۋىنا باتىس قازاقستان وبلىسىنىڭ تۇرعىندارىنان 25 ءوتىنىش كەلىپ ءتۇستى. بارلىق سۇراقتار جۇمىس قاراۋىنا الىندى.

پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەسى ايمان وماروۆانىڭ ايتۋىنشا، حالىق اراسىندا كەدەرگىسىز كوممۋنيكاتسيانى قامتاماسىز ەتۋ جۇمىستارى جەرگىلىكتى اتقارۋشى ورگاندارمەن بايلانىس ورناتۋدان باستالادى.

ء"بىز بۇگىن الەۋمەتتىك نىسانداردى ارالاپ، حالىقپەن كەزدەسۋلەر وتكىزدىك. بىزگە ازاماتتارمەن كەرى بايلانىس ورناتىپ قانا قويماي، مەملەكەتتىك ورگاندار قىزمەتىنىڭ اشىقتىعىن كورسەتىپ، قوعامنىڭ ءتۇرلى سالالارىنداعى مەملەكەتتىك ساياساتتى ءتۇسىندىرۋ قاجەت. ماسەلەلەر بار جانە ولار شەشىلەدى. ولار قوعام مەن مەملەكەتتىك ورگانداردىڭ بىرلەسكەن كۇش-جىگەرىمەن شەشىلەدى. كوپتەگەن پروبلەمالىق ماسەلەلەر كوتەرىلدى. كەيبىرىنە سول جەردە جاۋاپتار بەرىلدى، ال مازمۇنى بويىنشا كۇردەلى ماسەلەلەر مەن سۇراقتار قر پرەزيدەنتى اكىمشىلىگىنە جىبەرىلەتىن بولادى"، دەپ مالىمدەدى ايمان وماروۆا.

ايتا كەتەيىك، بۇگىن "حالىق ءۇنى" جوباسى ورال تۇرعىندارى مەن جۇرتشىلىعىنا تانىستىرىلادى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار