ايماقتار • 03 جەلتوقسان، 2020

الماتىدا قىلمىستىق توپ قۇرىقتالدى

18 رەت كورسەتىلدى

الماتى قالاسىندا شىعىس قازاقستاننان كەلگەن "پاتەر ۇرىلارىنىڭ" ۇيىمداسقان قىلمىستىق توبى قۇرىقتالدى، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

ولاردى قولعا ءتۇسىرۋ ءۇشىن ارنايى ءىس-شارا كەشە كەشكە الماتى قالاسىنىڭ مەدەۋ اۋدانىندا جۇرگىزىلدى.  بەس كۇدىكتىنى ارنايى جاساقتىڭ ساربازدارى "گورنىي گيگانت" شاعىن اۋدانىنداعى ۇيلەردىڭ بىرىندە ورنالاسقان پاتەردەن  شىعىپ بارا جاتقان كەزىندە  ۇستادى.

– بۇل توپقا شىعىس قازاقستان وبلىسىنىڭ بەس تۇرعىنى كىرەدى، ولاردىڭ بارلىعىنىڭ سوتتىلىعى بولعان، ونىڭ ىشىندە م ۇلىكتىك قىلمىستارى ءۇشىن.  تۇتقىنداۋدان ءبىراز ۋاقىت بۇرىن، قاسكويلەر ءۇي مۇشەلەرىنىڭ جوقتىعىن پايدالانىپ، الماتىلىقتاردىڭ پاتەرىن توناپ، سول جەردەن اقشا سالىنعان سەيفتى، التىن زاتتار، كيۋگە بولاتىن كيىمدەر مەن ەكى نوۋتبۋكتى ۇرلاپ كەتكەن.  ولار ۇستالدى، زاتتاي ايعاقتار تاركىلەندى جانە قىلمىستىق ءىس ماتەريالدارىنا قوسا تىركەلدى، قر قك-ءنىڭ 188-بابى 3-بولىگى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى.  اتالعان فاكتى بويىنشا ءىس جۇرگىزۋدى مەدەۋ اۋداندىق پوليتسيا باسقارماسىنىڭ تەرگەۋ ءبولىمى اۋماقتىق قۇرامى بويىنشا جۇرگىزۋدە.  ۇستالعاندار ۋاقىتشا ۇستاۋ يزولياتورىنا قامالدى، – دەپ حابارلادى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

سپيكەردىڭ ايتۋىنشا، تەرگەۋدىڭ وسى كەزەڭىندە ۇستالعانداردىڭ مەدەۋ اۋدانىنداعى ءۇش بىردەي ەپيزودقا قاتىسى بار ەكەندىگى انىقتالدى.  "پاتەر ۇرىلارىنىڭ" قىلمىستىق ءىس-ارەكەتى شاھاردىڭ باسقا اۋداندارىن دا قامتۋى مۇمكىن ەكەندىگى جوققا شىعارىلمايدى.  وسىعان بايلانىستى ولاردىڭ جەكە باسى م ۇلىك ۇرلاۋدىڭ باسقا فاكتىلەرىنە قاتىستىلىعى تەكسەرىلەدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار