ايماقتار • 03 جەلتوقسان، 2020

مۇقتاج وتباسىلار مەن زەينەتكەرلەرگە 30 كەلىدەن ازىق-ت ۇلىك كومەگى بەرىلدى

415 رەت كورسەتىلدى

«استانا جاستارى» جاستار رەسۋرستىق ورتالىعىنىڭ ەرىكتىلەرى «30 يگى ءىس» اكتسياسى اياسىندا ازىق-ت ۇلىك سەبەتتەرىن تاراتتى. ءىس-شارانى «وتباسى مەكتەبى» قورى الماتى اۋدانى اكىمدىگى، جاستار ساياساتى ماسەلەلەرى باسقارماسى، «استانا جاستارى» جاستار رەسۋرستىق ورتالىعى قولداۋىمەن ۇيىمداستىردى.

ازىق-ت ۇلىك سەبەتتەرىن مۇقتاج 100 وتباسى مەن كوپ بالالى وتباسىلار، مۇگەدەكتەر، زەينەتكەرلەر، تىل ارداگەرلەرى الدى.

ءار سەبەتتە 30 كەلىگە جۋىق ازىق-ت ۇلىك كومەگى بار. ونىڭ ىشىندە ءبىرىنشى قاجەتتىلىك ونىمدەرى - جارما، ماكارون ونىمدەرى، كۇنباعىس مايى جانە شاي.

اكتسياعا 60-تان استام ەرىكتىلەر قاتىستى. ازىق-ت ۇلىك سەبەتتەرىن جەتكىزۋدى «استانا جاستارى» ەرىكتىلەرى، اۆتو جانە مەديا ەرىكتىلەرى، قالالىق ەرىكتىلەر شتابىنىڭ وكىلدەرى، سونداي-اق كومەكتەسۋگە نيەت بىلدىرگەن جاندار جۇزەگە اسىردى. ءىس-شارا بارلىق سانيتارلىق نورمالارعا سايكەس ءوتتى.

«مۇنداي اكتسيالار ءبىرىنشى رەت وتكىزىلىپ وتىرعان جوق. قولداۋ كورسەتۋ جانە مۇقتاج ادامداردىڭ قانداي دا ءبىر جاعدايدا جالعىزدىق سەزىنبەۋىن قامتاماسىز ەتۋ ءبىزدىڭ قولىمىزدا. ەرىكتىلەر ءۇشىن ەل ريزاشىلىعىنان ارتىق سىي جوق»، - دەيدى «استانا جاستارى» كمم باسشىسىنىڭ ورىنباسارى ايان ەرمەنتاي.

ەسكە سالا كەتەيىك، قازاقستان تاۋەلسىزدىگىنىڭ 30 جىلدىعى قارساڭىندا ەلوردادا «30 يگى ءىس» ۇرانىمەن الەۋمەتتىك جانە قايىرىمدىلىق شارالار ءوتىپ جاتىر. ەستافەتادانىڭ باستى ماقساتى قالا مەن ونىڭ تۇرعىندارى ءۇشىن جاقسىلىق جاساۋ.

2020 جىلدىڭ وزىندە-اق، 16 جەلتوقسانعا دەيىن «30 يگى ءىس» جوباسى اياسىندا ءۇش جاڭا مەكتەپ، جابىق فۋتبول الاڭى، ۆەلوسيپەد جالداۋ بەكەتى بار جول تراسساسى جانە جاسىل بەلدەۋدەگى فازاناري پايدالانۋعا بەرىلەدى دەپ كۇتىلۋدە. سونداي-اق تسەرەبرالدى پاراليچ جانە جۇيكە اۋرۋلارى بار بالالارعا ارنالعان ۇلكەن وڭالتۋ ورتالىعىنىڭ اشىلۋى وتەدى.

ازاماتتار ەستافەتاعا قوسىلىپ، #مەيىرىمدىبولۋادەت، #دوبروتاوبرازجيزني #مودنوبىتدوبرىم حەشتەگى بويىنشا يگى ءىس-شارا اياسىندا ءوز اككاۋنتتارىنا اقپارات نەمەسە ۆيدەو ورنالاستىرا الادى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار