جاڭا جىلدىق شىرشانى جاعۋ ەلىمىزدە داسۇرگە اينالعان. ەلوردامىزدىڭ «ەسىل» اۋدانىنا قاراستى اقوردا جانە قالانىڭ ەسكى الاڭىنداعى قالالىق اكىمدىك الدىنداعى ەلىمىزدىڭ باس شىرشالارىنىڭ شامىن جاعۋ ءراسىمى بولىپ ءوتتى.
جاڭا جىلدىق شىرشانى جاعۋ ەلىمىزدە داسۇرگە اينالعان. ەلوردامىزدىڭ «ەسىل» اۋدانىنا قاراستى اقوردا جانە قالانىڭ ەسكى الاڭىنداعى قالالىق اكىمدىك الدىنداعى ەلىمىزدىڭ باس شىرشالارىنىڭ شامىن جاعۋ ءراسىمى بولىپ ءوتتى.
ادەتتە استانادا قار قاراشادا ءتۇسىپ, جۇرتتى ابىگەرگە سالىپ جاتاتىن. بيىلعى جىلى قار تۇڭعىش پرەزيدەنت كۇنى, ياعني 1 جەلتوقساندا جاۋىپ, قىستىڭ باستالعاندىعىن بىلدىرگەندەي اسەر قالدىردى. قىستىڭ مۇنداي جاقسى اسەرمەن باستالۋىن جۇرت جاقسىلىققا بالاپ جاتىر. قالاي بولعان كۇندە دە ۇلپا قار مەن اۋا رايىنىڭ جايلى بولۋى بالالار ءۇشىن ويناۋعا ناعىز قولايلى كەز ەكەنى داۋسىز. كەشە استانا اۋلالارىندا قارمەن ويناعان بالالار ءبىر راحاتتانىپ قالدى. ال كەشكىسىن ولار اتا-انالارىمەن بىرگە قالا الاڭدارىنا ورناتىلعان شىرشالاردىڭ اينالاسىنا توپتاستى. سونداي شارانىڭ ءبىرى استانا اكىمدىگى الدىندا ورناتىلعان قالانىڭ باس شىرشاسىنىڭ جانىندا ءوتتى. ءبىز كەلگەن كەزدە مۇندا قىزۋ دايىندىق جۇمىستارى ءجۇرىپ جاتتى. شىرشانىڭ اينالاسى قاردان تازارتىلىپ, جەرگە قۇم توسەلدى. ارتىنشا مەرەكەلىك شارا بالالار انىمەن باستالىپ, بيگە ۇلاستى. جاڭاجىلدىق كيىمدەرىن كيگەن بالالار مەن ەرتەگى كەيىپكەرلەرى مەرەكەلىك شارانىڭ ءارىن كىرگىزدى.
الاڭدا ورناتىلعان بيىك شىرشا ادەمى اشەكەيلەرىمەن كوز تارتادى, ونىڭ ۇستىنە اپپاق مامىققا ورانعان. جينالعاندار الدىندا ءسوز العان سارىارقا اۋدانىنىڭ اكىمى ەرماعانبەت بولەكباەۆ الداعى كەلە جاتقان جاڭا جىلمەن قۇتتىقتاپ, ايتۋلى مەرەكە تابىسىمەن كەلسىن دەگەن يگى تىلەگىن جەتكىزدى. ەلىمىزدىڭ باس شىرشاسىن جاعۋ ءۇشىن بالالار بار داۋىستارىمەن اياز اتانى ورتاعا شاقىردى. قازاقى ويۋ-ورنەكتەرىمەن كومكەرىلگەن تون كيگەن اق ساقالدى قىس اتاسىنىڭ كەلۋىمەن شىرشا شامدارى جاعىلىپ, جارقىراپ شىعا كەلدى. قۇرامالى بيىك شىرشاعا مىڭداعان ويىنشىقتار, ديودتىق شامدار مەن گيرلياندىلەر ىلىنگەن. شىرشانىڭ اينالاسىندا اياز اتا مەن اقشا قاردىڭ قاتىسۋىمەن تەاترلاندىرىلعان كورىنىس قويىلىپ, اينالا ءجۇرىپ ءان سالىندى. ەڭ باستىسى – باس شىرشالاردىڭ جانىندا وتشاشۋ بولدى. ءوزىن گۇلنۇر سماعۇلوۆا دەپ تانىستىرعان اتا-انادان جاڭا جىلدىق مەرەكەگە كوزقاراسىن سۇراعان كەزىمىزدە, مۇنىڭ بالالار ءۇشىن وتە قاجەت ەكەنىن ايتتى. ونىڭ پىكىرىنشە, بۇل دا حالقىمىز ايرىقشا كۇتەتىن ەرەكشە, وزىندىك ورنى بار مەرەكە. سوندىقتان دا الەم بولىپ تويلايتىن مەرەكەدەن سىرت قالۋىمىز ورىنسىز بولار ەدى.
اقوردا مەن قالانىڭ ەسكى الاڭىنداعى باس شىرشالار شامى جاعىلىسىمەن, ەلوردادا ورناتىلعان بارلىق شىرشالار دا جايناپ شىعا كەلەدى. وسىلايشا ەلىمىزدە جاڭاجىلدىق شارالاردىڭ باستالۋىنا رەسمي تۇردە ەكپىن بەرىلدى. قىستىڭ ءبىرىنشى كۇنى اق قاردىڭ تۇسۋىنەن باستالعاندىقتان, اق تىلەگىمىز الداعى جىلى ورىندالا بەرسىن دەپ تىلەيىك!
اسقار تۇراپباي ۇلى,
«ەگەمەن قازاقستان».
