قوعام • 03 جەلتوقسان، 2020

بانكتەرگە 19 ملن تەڭگە ايىپپۇل سالىندى

121 رەت كورسەتىلدى

قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، قازان ايىندا قارجى ۇيىمدارى تاراپىنان بىرقاتار قۇقىق بۇزۋشىلىقتار انىقتالعان. بانكتەر، ساقتاندىرۋ ۇيىمدارى، ميكرو قارجى ۇيىمدارى جانە كوللەكتورلىق اگەنتتىكتەر جۇمىسىنان انىقتالعان زاڭ بۇزۋشىلىقتار ءۇشىن جالپى سوماسى 18،6 ملن تەڭگە ايىپپۇل سالىنعان، دەپ حابارلايدى Egemen.kz.

اتالعان اگەنتتىكتىڭ تۇتىنۋشىلار قۇقىعىن قورعاۋ دەپارتامەنتىنىڭ ديرەكتورى الەكساندر تەرەنتەۆتىڭ ايتۋىنشا، بانكتەرگە قاتىستى 1،4 ملن تەڭگەگە 6 اكىمشىلىك جازا قولدانىلعان. ساقتاندىرۋ (قايتا ساقتاندىرۋ) ۇيىمدارىنا قاتىستى 277،8 مىڭ تەڭگە سوماسىنا 1 اكىمشىلىك ايىپپۇل، ال ميكروقارجى قىزمەتىمەن اينالىساتىن ۇيىمدارعا جالپى سوماسى 16،6 ملن تەڭگەگە 29 اكىمشىلىك جازا قولدانىلعان. بۇل رەتتە كوللەكتورلىق اگەنتتىكتەرگە 277،8 مىڭ تەڭگە كولەمىندە ءبىر اكىمشىلىك جازا قولدانىلىپتى.

قازان ايىندا جەكە جانە زاڭدى تۇلعالاردىڭ 1573 ءوتىنىشى قاراستىرىلعان. بۇل بىلتىرمەن سالىستىرعاندا 7 پايىزعا نەمەسە 110 وتىنىشكە كوپ بولىپ شىقتى.

وتىنىشتەردىڭ باسىم بولىگى بانك سەكتورىنا تيەسىلى. بانكتەردىڭ اتىنا جولدانعان ءوتىنىش بارلىق ءوتىنىشتىڭ 76 پايىزىن قۇرايدى. ودان بولەك ميكروقارجى قىزمەتىن جۇزەگە اسىراتىن ۇيىمداردىڭ قىزمەتى بويىنشا – 12، ساقتاندىرۋ نارىعىنىڭ سۋبەكتىلەرى مەن باعالى قاعازدار نارىعى سۋبەكتىلەرى بويىنشا – 2 جانە كوللەكتورلىق اگەنتتىكتەر – 4 مەن باسقا ۇيىمدار بويىنشا – 4 پايىز ءوتىنىش كەلىپ تۇسكەن.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار