قازاقستان • 03 جەلتوقسان، 2020

قازاقستان مۇناي قورى بويىنشا الەمدە 11-ءشى ورىندا

28 رەت كورسەتىلدى

2020 جىلعى مۇناي قورى بويىنشا الەم ەلدەرى ىشىندە قازاقستان 30 ملرد باررەل كولەمىمەن 11-ورىنعا يە بولدى، دەپ حابارلادى energyprom.kz.

ءبىرىنشى ورىندا 302،8 ملرد باررەل مۇنايىمەن ۆەنەسۋەلا كوش باستاپ تۇر. ساۋد ارابياسى مەن كانادا ۇشتىككە ەندى.

قازاقستاندا 2020 جىلدىڭ قاڭتار-قازان ايلارىندا 61،2 ملن توننا شيكى مۇناي ءوندىرىلدى، بۇل وتكەن جىلمەن سالىستىرعاندا 6% از. اقشالاي العاندا شيكى مۇناي ءوندىرىسىنىڭ كولەمى 6،5 ترلن تەڭگەنى قۇرادى. قازاقستاندا نەگىزگى ەكى ايماق – اتىراۋ مەن ماڭعىستاۋ وبلىستارى تيىسىنشە ءوندىرىستىڭ 64،3% جانە 22،8% قۇرادى.

2020 جىلدىڭ قاڭتار-قىركۇيەك ايلارىندا قازاقستان 18،7 ملرد اقش دوللارىنا 55 ملن توننا مۇناي ەكسپورتتادى. تمد ەلدەرىنە 120،3 ملن اقش دوللارىنا 439،4 مىڭ توننا شيكى مۇناي جونەلتىلدى. تمد ەلدەرى اراسىندا قازاقستاندىق مۇنايدىڭ نەگىزگى يمپورتەرى – وزبەكستان. قالعان ەلدەرگە 18،6 ملرد اقش دوللارىنا 54،6 ملن توننا مۇناي جىبەرىلدى. يتاليا، نيدەرلاند جانە ءۇندىستان نەگىزگى يمپورتتاۋشىلار بولىپ تابىلادى.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار