باسقارما باسشىسى توقسان سايىن وڭىردەگى ءتۇرلى سالانىڭ ءتىل قولدانىسى ءجىتى زەردەلەنگەنىن, وبلىستا بانك جۇيەسى مەن قۇقىق قورعاۋ ورگاندارى قۇجاتتارىنىڭ باسىم بولىگى ورىس تىلىندە جۇرگىزىلەتىنى انىقتالعانىن ايتتى. ياعني, تىلدىك احۋالدى مونيتورينگىلەۋ ماقساتىندا وبلىستىق جانە جەرگىلىكتى اتقارۋشى ورگانداردىڭ كىرىس-شىعىس قۇجاتتارى قاداعالانادى. بۇل رەتتەءۇشىنشى توقسان قورىتىندىسى بويىنشا مەملەكەتتىك ورگاندارداعى قازاق تىلىندەگى شىعىس قۇجاتتارىنىڭ ۇلەس سالماعى 99,5 پايىزدى قۇراعان. دەگەنمەن, راحيا تۇرماحانبەتوۆا قارجى جانە قۇقىق قورعاۋ قىزمەتى سالاسىنداعى قازاق ءتىلىنىڭ قولدانىسى كوڭىلدەن شىقپايتىنىن, قۇجاتتار ورىس تىلىندە جۇرگىزىلەءتىنىن اتاپ ءوتتى.
«مەملەكەتتىك ءتىلدى ۇيرەتەتىن تەگىن كۋرستار تۇراقتى جۇمىس ىستەيدى. بۇگىندە ءۇش ءتىل بويىنشا بارلىعى 3433 تىڭداۋشى تەگىن وقۋ كۋرستارىمەنقامتىلدى. مەملەكەتتىك ءتىلدى وقىتۋ بويىنشا 2340 تىڭداۋشى كۋرستان وتسە, ونىڭ ىشىندە 92,9 پايىزى وزگە ۇلت وكىلدەرى. 121 مەملەكەتتىك قىزمەتشى, 1372 بيۋدجەتتىك سالا قىزمەتكەرى, 592 ءار ءتۇرلى سالا قىزمەتكەرى, 255 ستۋدەنت ءتىل كۋرستارىندا بولدى», دەدى باسقارما باسشىسى. سونداي-اق, ورىس ءتىلىن وقۋ كۋرستارىنا 288, اعىلشىن ءتىلىن ۇيرەتۋ كۋرستارىنا 805 تىڭداۋشى تارتىلعان. ال, مەملەكەتتىك ءتىلدى مەڭگەرگەن مەملەكەتتىك قىزمەتشىلەردىڭ ۇلەسى 48پايىزدى قۇراعان. ەندى بيىل بۇل جوسپاردى جۇزەگە اسىرۋ ۆ2 دەڭگەيىندە 20 پايىز بولسا, مەجە ارتىعىمەن ورىندالدى دەگەن ءسوز. مەملەكەتتىك قىزمەت كورسەتەتىن وزگە ۇيىمدارداعى قىزمەتكەرلەر ۇلەسى 62,2 پايىزدى قۇراپ, 26,7 پايىزعا ارتقان. ال, جىل جوسپارىنا سايكەس, ۆ1 دەڭگەيىندە 35,5 پايىز بولۋى كەرەك بولعان.
جامبىل وبلىسى
