ايماقتار • 02 جەلتوقسان، 2020

“جىبەك جولى” شەكارا بەكەتىندە وزبەكستان ازاماتى ەسىرتكىمەن ۇستالدى

10 رەت كورسەتىلدى

تۇركىستان وبلىسىندا پوليتسەيلەر وزبەكستان ازاماتىن ەسىرتكى كونترابانداسىمەن ۇستادى، – دەپ حابارلايدى Polisia.kz.

سارىاعاش اپب كەزەكشى ءبولىمىنىڭ “102” پۋلتىنە “جىبەك جولى” شەكارا بەكەتىندە ەسىرتكى كونترابانداسىنىڭ جايتى انىقتالعانى تۋرالى حابارلاما كەلىپ ءتۇستى. وقيعا ورنىنا كەلگەن پوليتسەيلەر وتكىزۋ پۋنكتىنەن ءوتۋ كەزىندە شەتەلدىكتەردىڭ بىرىنە “نانو” اتتى قىزمەتتىك يت بەلگى بەرگەنىن انىقتادى.

جەدەل ۋاكىلدەر كۇدىكتىنى، وزبەكستان ازاماتىن ءتىنتۋ كەزىندە كۇرتەشەسىنەن ەسىرتكى زاتىنا ۇقساس تۇيىنشەكتى تاۋىپ، تاركىلەپ الدى. ءتارتىپ ساقشىلارى ۇستالعان ەر ادامدى اۋداندىق پوليتسيا بولىمىنە جەتكىزدى. ساراپتاماعا سايكەس، الىنعان وسىمدىك تەكتەس زات سالماعى ءبىر گرامنان اساتىن “كەپتىرىلگەن ماريحۋانا” بولىپ شىقتى.

قازىرگى ۋاقىتتا اتالعان جايت بويىنشا قر قك-ءنىڭ 286-بابى (اينالىمنان الىنعان زاتتاردىڭ نەمەسە اينالىسى شەكتەلگەن زاتتاردىڭ كونترابانداسى) سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى. تەرگەۋ وقيعانىڭ بارلىق ءمان-جايىن انىقتايدى.

ءوز كەزەگىندە تۇركىستان وبلىسىنىڭ پوليتسەيلەرى ەسىرتكى زاتتارىن زاڭسىز ساقتاعانى، وتكىزگەنى، وسىرگەنى جانە كونترابانداسى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى. سونىمەن قاتار، ءتارتىپ ساقشىلارى وبلىس تۇرعىندارىن زياندى ادەتتەردەن باس تارتىپ، سالاۋاتتى ءومىر سالتىن ۇستانۋعا شاقىرادى.

ەگەر ءسىز دە ەسىرتكىنىڭ زاڭسىز اينالىمىنا بايلانىستى دەرەكتەر تۋرالى قانداي دا ءبىر اقپارات بىلسەڭىز، تەز ارادا پوليتسياعا “102” تەلەفونى بويىنشا حابارلاسىڭىز.

 

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار