قوعام • 02 جەلتوقسان، 2020

بەردىبەك ساپارباەۆ: ۇلتارالىق قارىم-قاتىناس ماسەلەسىنە ءجىتى نازار اۋدارىلۋدا

17 رەت كورسەتىلدى

جامبىل وبىلىسىنىڭ اكىمى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وبلىس باسشىسى بەردىبەك ساپارباەۆ وڭىردەگى ۇلتارالىق قارىم-قاتىناس ماسەلەسىنە ءجىتى نازار اۋدارىلىپ وتىرعانىن ايتىپ ءوتتى، دەپ حابارلايدى Egemen.kz

"بالالار بالا بولعاننان كەيىن ءبىر-بىرىمەن كەلىسپەي، توبەلەسىپ قالۋى مۇمكىن. قازىر وندايعا "انانىڭ ۇلتى كىم، مىنانىڭ ۇلتى كىم؟" دەپ بىردەن قارايمىن. ول بالالار بالا بولعاننان كەيىن ءبىر ساعاتتان كەيىن قايتا تاتۋلاسادى. سوندىقتان ءبىز وسىنداي كىشكەنتاي ماسەلەلەرگە ۇلتتىق قارىم-قاتىناستىڭ ماسەلەسى رەتىندە قاراماۋىمىز كەرەك. قازاق پەن دۇنگەن، تۇرىك پەن ازەربايجان توبەلەسىپ قالدى دەمەۋىمىز كەرەك"، دەدى ءوڭىر باسشىسى.

ءوڭىر باسشىسى بەردىبەك ساپارباەۆ كونتراباندالىق قىلمىستارعا باسقا ۇلتتىڭ وكىلدەرىنىڭ قاتىسى بار دەگەن پىكىر دە دۇرىس ەمەستىگىن العا تارتادى.

"ارينە، قىلمىس بار. قىرعىز رەسپۋبليكاسىنان كەلىپ جاتقان كونتراباندا بار. ول جەردە قۇقىق قورعاۋ ورگاندارى، قاۋىپسىزدىك دەپارتامەنتىنىڭ قىزمەتكەرلەرى تالاي ادامداردى ۇستاپ، تالاي قىلمىستىق ءىستى قوزعادى. ول جۇمىس ارى قاراي جالعاسىن تابادى. قىلمىسكەردىڭ اتى قىلمىسكەر. ونى ۇلتىنا قاراپ بولۋگە بولمايدى. ول زاڭعا سايكەس جاۋاپ بەرۋى كەرەك"، دەپ ءتۇيدى بەردىبەك ساپارباەۆ. 

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار