تۇڭعىش پرەزيدەنت كۇنى – تاريحي تاڭداۋ كۇنى, بارلىق قازاقستاندىقتاردىڭ ەلباسى نۇرسۇلتان نازارباەۆتىڭ توڭىرەگىنە توپتاسۋ كۇنى.
كەشە مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆ رەسپۋبليكالىق قوعامدىق قابىلداۋدىڭ استاناداعى جاڭا عيماراتىندا بولدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەتتىلىك مەرەكەسى
تۇڭعىش پرەزيدەنت كۇنى – تاريحي تاڭداۋ كۇنى, بارلىق قازاقستاندىقتاردىڭ ەلباسى نۇرسۇلتان نازارباەۆتىڭ توڭىرەگىنە توپتاسۋ كۇنى.
كەشە مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆ رەسپۋبليكالىق قوعامدىق قابىلداۋدىڭ استاناداعى جاڭا عيماراتىندا بولدى, دەپ حابارلادى پرەزيدەنتتىڭ ءباسپاسوز قىزمەتى.
عيماراتتى ارالاۋ بارىسىندا پارتيا توراعاسىنىڭ ءبىرىنشى ورىنباسارى باۋىرجان بايبەك قوعامدىق قابىلداۋلاردىڭ جاڭا جۇمىس فورماتى تۋرالى حاباردار ەتتى.
«نۇر وتاننىڭ» قوعامدىق قابىلداۋىنا قازاقستانداعى حالىققا قىزمەت كورسەتۋ ورتالىقتارى جۇمىسىنىڭ ۇلگىسى بويىنشا حالىقپەن جۇمىس جاساۋدىڭ سەرۆيستىك باعدارداعى تاسىلدەرى جانە وڭتۇستىك كورەيا, سينگاپۋر, دانيا سياقتى ەلدەردەگى وزىق تاجىريبەلەر ەنگىزىلۋدە.
جاڭا فورمات وڭىرلەردەگى احۋال تۋرالى بالامالى, مەملەكەتتىك ورگاندارعا تاۋەلسىز اقپاراتتار الۋعا مۇمكىندىك بەرەدى.
نۇرسۇلتان نازارباەۆ تۇرعىندارمەن «ون-لاين» رەجىمىندە بايلانىس جاساۋعا مۇمكىندىك بەرەتىن «ەلەكتروندى پارتيا» جوباسىمەن تانىستى. پارتيانىڭ رەسمي سايتىنا ءوتىنىش جولداپ, زاڭگەرلىك كەڭەس الۋعا بولادى. ءوتىنىشتىڭ ورىندالۋ بارىسىن nurotan.kz سايتىنان دا, ارنايى بەرىلەتىن QR-كودى ارقىلى دا قاداعالاپ وتىرۋعا بولادى. سونداي-اق, پارتيانىڭ ەلىمىز بويىنشا ورتاق تەگىن (2) 597-850 بايلانىس ءنومىرى بار call-ورتالىعى قۇرىلعان.
سونداي-اق, «نۇر وتان» پارتياسىنىڭ توراعاسى رەسپۋبليكالىق قوعامدىق قابىلداۋعا وتىنىشپەن كەلگەن ازاماتتاردى قابىلدادى. مىسالى, ماڭعىستاۋ وبلىسىنداعى جوعارى وقۋ ورنىنىڭ تۇلەگى ازامات شاديروۆ «جاس وتانمەن» بىرلەسىپ ەكسپو-2017 كورمەسىنە ۆولونتەرلەر دايارلايتىن وڭىرلىك شتابتار قۇرۋ جونىندە باستاما كوتەردى. استانا قالاسىنداعى مامانداندىرىلعان بالالار ءۇيى ديرەكتورى گۇلنار ق ۇلىشەۆا دتسپ دياگنوزى بار بالالارعا ارنالعان وڭالتۋ ورتالىقتارىنا قولداۋ كورسەتۋدى ءوتىندى, ونداي ورتالىقتاردى ۇيىمداستىرۋ قازىردىڭ وزىندە قازاقستاننىڭ التى وڭىرىندە ىسكە اسىرىلۋدا. اقمولا وبلىسىنىڭ كوكشەتاۋ قالاسىنان كەلگەن كاسىپكەر سەرگەي ميلەنكو «بيزنەستىڭ جول كارتاسى-2020» باعدارلاماسى اياسىندا قۇراماجەم زاۋىتىن ىسكە قوسۋ ءۇشىن ەلەكتر جەلىسى قۇرىلىسىنا جانە اۆتوموبيل جولدارىن سالۋدى جەدەلدەتۋگە كومەك كورسەتىلسە دەگەن ءوتىنىشىن ءبىلدىردى. الماتى وبلىسى, قاراكەمەر اۋىلىنداعى اقساقالدار كەڭەسىنىڭ توراعاسى ك.مانەكەەۆ جەرگىلىكتى ءوزىن ءوزى باسقارۋدىڭ ءتيىمدى تاجىريبەسىن تاراتۋعا كومەكتەسۋدى ءوتىندى.
«نۇر وتاننىڭ» وڭىرلىك بولىمشەلەرى جەتەكشىلەرى بەينەبايلانىس جۇيەسى بويىنشا پارتيا توراعاسىنا XV سەزدە بەرىلگەن تاپسىرمالاردىڭ ورىندالۋى جونىندە باياندادى.
مەملەكەت باسشىسى بۇدان تۇپ-تۋرا 22 جىل بۇرىن, تاۋەلسىزدىك تاڭى اتقان ساتتە العاش رەت جالپىۇلتتىق پرەزيدەنت سايلاۋى ءوتكەنىن, سوندىقتان, وتكەن جىلى ەلىمىزدىڭ پارلامەنتى 1 جەلتوقساندى قازاقستانداعى مەملەكەتتىك مەرەكە رەتىندە بەكىتكەنىن اتاپ ءوتتى.
– بۇگىندە ءبىز قاجىرلى ەڭبەك ەتكەن جىلدار ىشىندە ەلەۋلى ناتيجەلەرگە بىرگە جەتتىك دەپ ايتۋىمىزعا بولادى. مىنە, جىل اياقتالىپ كەلەدى, جالپى العاندا, كورسەتكىشتەر جامان ەمەس. سىزدەردى قۇتتىقتايمىن جانە جۇمىستا تابىس تىلەيمىن, – دەدى پرەزيدەنت.
ءىس-شارا اياقتالعاننان كەيىن «نۇر وتان» پارتياسى ساياسي كەڭەسى بيۋروسىنىڭ مۇشەسى, پارلامەنت سەناتىنىڭ توراعاسى قاسىم-جومارت توقاەۆ نۇرسۇلتان نازارباەۆقا جاڭا ۇلگىدەگى №1 پارتيالىق بيلەتتى تاپسىردى.
