ايماقتار • 01 جەلتوقسان، 2020

قوستانايدا ءۇش ءورت ءسوندىرۋ بەكەتى اشىلدى

22 رەت كورسەتىلدى

قوستاناي وبلىسىندا ءۇش ءورت ءسوندىرۋ بەكەتى اشىلدى، دەپ حابارلايدى Egemen.kz

قوستاناي وبلىسىنىڭ توتەنشە جاعدايلار دەپارتامەنتىىنىڭ مالىمەتىنشە، ينفراقۇرىلىمنىڭ بارلىق سالاسىنا، سونىڭ ىشىندە ءورت ءسوندىرۋ سالاسىنا يننوۆاتسيا ەنگىزىلە باستادى. توتەنشە جاعدايلار دەپارتامەنتى جەرگىلىكتى اتقارۋشى ورگاندارمەن بىرلەسە وتىرىپ، 2014 جىلدان بەرى حالىق سانى 67 مىڭنان استام 105 ەلدى مەكەندى قوسىمشا ورتكە قارسى قورعاۋمەن قامتاماسىز ەتەتىن 35 ءورت ءسوندىرۋ بەكەتىن قۇرعان. بارلىق بەكەتتەر جەكە كاسىپكەرلىك سۋبەكتىلەرىنىڭ بازاسىندا قۇرىلعان جانە قاجەت بولعان جاعدايدا دالا ءورتىن، سونداي-اق مەملەكەتتىك ورتكە قارسى قىزمەت بولىمشەلەرى جوق ەلدى مەكەندەردە ورتتەردى ءسوندىرۋ ءۇشىن تارتىلادى. بيىل وبلىستىق تجد ءورت ءسوندىرۋ بەكەتتەرىن قامتاماسىز ەتۋ ءۇشىن 5 ءورت ءسوندىرۋ تەحنيكاسىن ءبولدى. ناۋرىزىم اۋدانىنىڭ شولاقساي، قاراسۋ اۋدانىنىڭ امانگەلدى جانە ارقالىق ماڭىنداعى مولودەجنوە اۋىلدارىندا جاڭا ءورت ءسوندىرۋ بەكەتى اشىلدى. ولار 7 ەلدى مەكەندى جانە ولارعا ىرگەلەس دالا القاپتارىن ورتتەن قورعاۋدى قامتاماسىز ەتەدى. ولاردىڭ كوماندالارى تەك ءورت سوندىرۋگە عانا شىعىپ قويماي، ولاردىڭ جاۋاپكەرشىلىك ايماعىندا بولىپ جاتقان كەز كەلگەن توتەنشە جاعدايدى جويۋعا قاتىسادى، سونداي-اق قيىن جاعدايعا تاپ بولعان ادامدارعا كومەكتەسەدى.

"وسى اۋدانداردىڭ تۇرعىندارى ءۇشىن ءورت ءسوندىرۋ بەكەتتەرىنىڭ اشىلۋى ماڭىزدى وقيعا. مەملەكەتتىك ورتكە قارسى بولىمشەلەردىڭ الىس بولۋىنا بايلانىستى، كوبىنەسە، جەرگىلىكتى ورتتەر ءورت سوندىرۋشىلەر كومەگى كەلگەنگە دەيىن ءورت كوپ جەردى شارپىپ ۇلگەرەدى. ەندى جاڭادان قۇرىلعان ءورت ءسوندىرۋ بەكەتتەرىنىڭ توتەنشە جاعدايعا دەر كەزىندە شىعۋى، كەلتىرىلۋى ىقتيمال زالالدى ازايتۋعا مۇمكىندىك بەرەدى"، دەلىنگەن حابارلامادا. ءورت ءسوندىرۋ بەكەتتەرىنىڭ سالتاناتتى اشىلۋىنا تجد اۋماقتىق بولىمشەلەرىنىڭ باستىقتارى، اكىمدىك وكىلدەرى جانە ءورت ءسوندىرۋ بەكەتىنىڭ جەكە قۇرامى قاتىستى. شاقىرىلعاندار ءورت ءسوندىرۋ بەكەتىنىڭ تەحنيكاسىن قاراپ شىقتى. 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار