ەلباسى • 30 قاراشا، 2020

اسسامبلەيا ەلباسى كۇنىن دارىپتەدى

23 رەت كورسەتىلدى

تۇڭعىش پرەزيدەنت كۇنىنە وراي ەلىمىزدىڭ ءار ايماعىندا ىرگەلى ءىس-شارالار ءوتىپ جاتىر. سونىڭ ءبىرى – «ەلى سۇيگەن، ەلىن سۇيگەن ەلباسى» اتتى دوڭگەلەك ۇستەل. جيىندى اشقان قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ جيىننىڭ اسسامبلەيانىڭ 25 جىلدىعى اياسىندا ءوتىپ وتىرعانىن ايتتى، دەپ حابارلايدى Egemen.kz.

– ەلباسى نۇرسۇلتان ءابىش ۇلى نازارباەۆتىڭ تاۋەلسىز قازاقستاندى قۇرىپ، دامىتۋداعى قايراتكەرلىك تۇلعاسى مەن تاريحي ميسسياسى ەلىمىزدىڭ قارىشتاپ قادام باسۋىنا زور ىقپال ەتتى. قازاقستاننىڭ وتىز جىلدىق جاڭاشا تاريحىنىڭ ءاربىر كەزەڭىندە ۇلت كوشباسشىسىنىڭ ساياسي قولتاڭباسى ايقىن كورىنەدى. ەلباسى قازاقستان حالقىن ءبىر ماقسات، ءبىر مۇددە، ءبىر بولاشاق جولىنا جۇمىلدىرىپ، ەلىمىزدى ۇلتارالىق كەلىسىم مەن بىرلىكتىڭ مەكەنى رەتىندە الەمگە  تانىتتى، – دەدى. 

         جانسەيىت قانسەيىت ۇلى ەلباسىنىڭ اسسامبلەيا جۇمىسىن ءبىر ىزگە ءتۇسىرىپ، ونىڭ ماڭىزىن ارتتىرا تۇسۋدەگى ەڭبەگىنە دە توقتالدى.

– ەلباسى قازاقستان حالقى اسسامبلەياسىنىڭ توراعاسى رەتىندە تاۋەلسىزدىكتىڭ بۇكىل كەزەڭىندەگى بىرلىك پەن كەلىسىم ساياساتىن ساراپتاپ بەردى. «اسسامبلەيا ازاماتتىق قوعامنىڭ امبەباپ قۇرىلىمىنىڭ بارلىق ۇزدىك سيپاتتاماسىنا يە بولىپ، دوستىق، بەيبىتشىلىك، تىنىشتىق پەن سەنىم – قازاقستاننىڭ قوعامدىق ءومىرىنىڭ اجىراماس بولىگىنە اينالۋى ءۇشىن ماڭىزدى ۇلەس قوستى. قوعامدىق كەلىسىم مەن بىرلىكتىڭ قازاقستاندىق ۇلگىسىن ودان ارى جەتىلدىرۋدىڭ ستراتەگيالىق باعىتتارىن بەلگىلەدى. تۇڭعىش پرەزيدەنت «وتانعا دەگەن سۇيىسپەنشىلىگىمىزدى ۇنەمى قاستەرلەپ وتىرۋ، ونىڭ تاريحي تاعدىرى ءۇشىن ورتاق جاۋاپكەرشىلىگىمىزدى نىعايتۋ» قاجەتتىگىن تاپسىردى، – دەدى تۇيمەباەۆ.

جيىنعا ەلباسىنىڭ جانىندا ءجۇرىپ، ساياسي مەكتەبىنەن وتكەن، ومىرلىك تاجىريبەسىنەن ساباق العان، سۇحبات قۇرعان ازاماتتار دا قاتىستى. بۇل ورايدا قر پرەزيدەنتى ءارحيۆى جانىنداعى قوعامدىق كەڭەس توراعاسى بوريس جاپاروۆ، تۇڭعىش پرەزيدەنتتىڭ 2001-2004 جىلعى ءباسپاسوز حاتشىسى جاناي وماروۆ، «احىسكا» تۇرىك ەتنو-مادەني ورتالىعى» رەسپۋبليكالىق قوعامدىق بىرلەستىگىنىڭ توراعاسى زياتدين كاسانوۆ، «الماتى اقشامى» گازەتىنىڭ باس رەداكتورى قالي سارسەنباي، «ۋيعۋراۆازي» رەسپۋبليكالىق قوعامدىق-ساياسي گازەتىنىڭ باس رەداكتورى ەرشات اسمەتوۆتاردى ەرەكشە اتاپ وتۋگە بولادى.

قاتىسۋشىلار ەلباسىمەن كەزدەسكەن ەستەلىكتەرىمەن ءبولىسىپ، وي ءوربىتتى.

سۇقبات-كەزدەسۋدەن كەيىن قاتىسۋشىلار «نۇرسۇلتان نازارباەۆ: الەمدىك اۋقىمداعى ساياساتكەر» اتتى حالىقارالىق ونلاين كونفەرەنتسياسىنا قوسىلدى. كونفەرەنتسيا ماقساتى – قازاقستان رەسپۋبليكاسى تۇڭعىش پرەزيدەنتىنىڭ زايىرلى مەملەكەتتىڭ نەگىزىن قالاپ، بولاشاعىن قالىپتاستىرۋداعى  تاريحي ءرولىن ايشىقتاۋ، ەلدەگى بەيبىتشىلىك پەن قوعامدىق كەلىسىمدى ساقتاۋ ساياساتىن ناسيحاتتاۋ، ازاماتتىق، پاتريوتتىق قۇندىلىقتاردى دارىپتەۋ.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار