كەلىسىمگە قول قويۋ راسىمىنە پرەمەر-ءمينيستردىڭ ورىنباسارى رومان سكليار قاتىستى.
قۇجاتقا ەنەرگەتيكا ءمينيسترى نۇرلان نوعاەۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ, «قازاقستان ماشينا جاساۋشىلار وداعى» زتب باسقارما توراعاسى مەيرام پىشەمباەۆ, مۇناي سەرۆيستىك كومپانيالار وداعىنىڭ باسشىسى بەكەت يزباستين, قاراشىعاناق پەتروليۋم وپەرەيتينگ (كپو) جوباسىنىڭ باسشىسى ەدۆين بلوم, نورت كاسپيان وپەرەيتينگ كومپاني (نكوك) باسشىسى ريچارد حوۋۆ جانە تەڭىزشەۆرويل (تشو) جوباسىنىڭ باسشىسى يمەر بوننەر قول قويدى.
مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى جۇمىسىنىڭ نەگىزگى ماقساتى-ءۇش وپەراتوردىڭ مۇقتاجدىعى ءۇشىن, اتاپ ايتقاندا, جاڭا وندىرىستەر قۇرۋ, سونداي-اق جۇمىس ىستەپ تۇرعان وتاندىق تاۋار وندىرۋشىلەردىڭ مۇمكىندىكتەرىن كەڭەيتۋ ارقىلى قر-نىڭ مۇناي-گاز سالاسى ءۇشىن تاۋارلار ءوندىرىسىن وقشاۋلاۋ.
ورتالىقتى مۇناي-گاز جوبالارىنىڭ وپەراتورلارى قارجىلاندىرادى جانە ول كوممەرتسيالىق ەمەس نەگىزدە جۇمىس ىستەيتىن بولادى.
قازاقستان ماشينا جاساۋشىلار وداعىنىڭ باسقارما توراعاسى مەيرام پىشەمباەۆتىڭ ايتۋىنشا, مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرۋ وتاندىق تاۋار وندىرۋشىلەرگە قوسىمشا قولداۋ بولادى جانە ولاردى مۇناي-گاز جوبالارى وپەراتورلارى وتكىزەتىن ساتىپ الۋعا بارىنشا تارتۋعا ىقپال ەتەتىن بولادى.
«ورتالىقتى قۇرۋ ماسەلەسى تەك حالىقارالىق مۇناي-گاز وپەراتورلارىنىڭ جوعارى تەحنولوگيالىق ءونىم ءوندىرۋ بويىنشا قازاقستاندىق مۇناي-گاز ماشيناسىن جاساۋ ونىمدەرىنىڭ قاجەتتىلىگىن تولىقتىرۋ ءۇشىن عانا ەمەس, سونداي-اق ەكسپورتقا شىعۋدى قامتاماسىز ەتۋدەگى ناقتى قادام بولىپ سانالادى, بۇل قازاقستان رەسپۋبليكاسى پرەزيدەنتىنىڭ 2020 جىلعى 1 قىركۇيەكتەگى جولداۋىندا ايتىلعان وڭدەۋ ونەركاسىبىندەگى ءوندىرىس كولەمىن بەس جىلدا كەمىندە 1,5 ەسە ۇلعايتۋ جانە وتاندىق وڭدەلگەن ءونىم ەكسپورتىن ۇلعايتۋ جونىندەگى تاپسىرمالارمەن سايكەس كەلەدى», - دەدى م. پىشەمباەۆ.
مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى تابىستى قىزمەتى بارلىق مۇددەلى تاراپتاردىڭ, اتاپ ايتقاندا, قازاقستاننىڭ ماشينا جاساۋشىلار وداعىمەن جانە سالا كاسىپورىندارىمەن ۇيلەسىمدى جۇمىسىنا بايلانىستى بولادى.
قازاقستاننىڭ ماشينا جاساۋشىلار وداعى وسى ورتالىقتىڭ جۇمىسىنا ەل ەكونوميكاسىنىڭ دامۋى مەن وركەندەۋى ءۇشىن تولىق كومەك كورسەتۋگە دايىن.
