بۇل جونىندە نۇر-سۇلتان قالاسى اكىمدىگىنىڭ «تۇرعىن ءۇي قورى» مەكەمەسى مالىمەت تاراتتى.
قۇجات قابىلداۋ مەرزىمى: 2020 جىلعى 1-6 جەلتوقسان
2020 جىلعا ارنالعان پاتەر سانى: 350
باسپانا ءتۇرى: ساتىپ الۋ قۇقىعىنسىز جالعا بەرىلەتىن تۇرعىن ءۇي
تۇرعىن ءۇي مىنا مەرزىمگە بەرىلەدى: 5 جىل, ۇزارتۋ قۇقىعى جوق
اي سايىنعى جالداۋ اقىسى: 5 000 - 15 000 تەڭگە;
قۇجات قابىلداۋ كورسەتىلگەن كەزەڭدە («جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ۇيگە ءوتىنىم بەرۋ» ءبولىمى») تەك ەلەكتروندى تۇردە astana.gov.kz سايتى ارقىلى جۇرگىزىلەدى.
ورنالاسقان جەرى: ر. قوشقارباەۆ داڭعىلى مەن قورداي جانە № 23-31 كوشەسى قيىلىسىنداعى اۋدان, ابىلاي حان داڭعىلى, ب. مومىش ۇلى مەن ر. قوشقارباەۆ داڭعىلىنىڭ قيىلىسى;
پاتەر اۋدانى: اۋدانى 31 ش.م. - 47 ش.م. ارالىعىنداعى 1 بولمەلى پاتەرلەر.
ءسىز ءوتىنىم بەرگەننەن كەيىن كورسەتكەن تەلەفون نومىرىڭىزگە ءوتىنىمىڭىزدىڭ مارتەبەسى بار سمس-حابارلاما جىبەرىلەدى.
1) جۇمىسقا قابىلداندى (باعدارلامانىڭ شارتتارىنا, قۇجاتتاردىڭ تولىق تىزبەسىنە سايكەس كەلسەڭىز);
2) تۇزەتۋ قاجەت ء(سىز قۇجاتتاردىڭ تولىق ەمەس پاكەتىن, ساپاسىز قۇجاتتاردى جانە باسقاسىن ۇسىنساڭىز.);
3) باس تارتىلدى (باعدارلاما شارتتارىنا سايكەس كەلمەسەڭىز).
وتكەندەردىڭ ءتىزىمى zhilfond.kz سايتىندا جاريالانادى.
جۇمىس ىستەيتىن جاستارعا ارنالعان باعدارلاماعا قاتىستى بارلىق سۇراقتار بويىنشا 109 كولل-ورتالىعىنا حابارلاسىڭىز (ۇيالى تەلەفوننان تەگىن).
شارتتارى:
- 29 جاسقا تولماعان قر ازاماتى;
- اياقتالعان ورتا/ارنايى ورتا/جوعارى/جوعارى وقۋ ورنىنان كەيىنگى ءبىلىم جانە رەسمي جۇمىسقا ورنالاستىرۋ;
- نۇر-سۇلتان قالاسىندا سوڭعى 2 جىلدان كەم ەمەس تۇراقتى ۇزدىكسىز تىركەلۋ;
- ءوتىنىش بەرۋشىدە جانە وتباسىنىڭ بارلىق مۇشەلەرىندە قر بويىنشا مەنشىك قۇقىعىندا, سونداي-اق 2 جىل ىشىندە ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ بولماۋى;
- تولەم قابىلەتىن راستاۋ (اي سايىنعى تابىس - مينيمۋم 111 120 تەڭگە/سوڭعى 6 ايدا 40 اەك).
ەگەر ءسىز نۇر-سۇلتان قالاسىندا تج كەزىندە 42500 تەڭگە العان بولساڭىز جانە ول اياقتالعاننان كەيىن قاشىقتان جۇمىس نىسانىندا بولساڭىز, سونىڭ سالدارىنان ءسىزدىڭ كىرىستەرىڭىز تومەندەگەن بولسا, بۇل وزگەرىستەر ءسىزدىڭ ءوتىنىشىڭىزدى قاراستىرۋ كەزىندە ەسكەرىلەتىن بولادى.
ءبىرىنشى كەزەكتە سىزگە ەتسق كىلتىن الۋ قاجەت, ال ءتىزىم بويىنشا انىقتامالاردىڭ بارلىعى جاڭا بولۋى جانە ءوتىنىم بەرگەن كەزدە الىنۋى كەرەك.
قاجەتتى قۇجاتتار ءتىزىمى:
1. ءوتىنىش بەرۋشىنىڭ ەتسق كىلتى;
2. ءوتىنىش بەرۋشىنىڭ جانە وتباسى مۇشەلەرىنىڭ (جۇبايى, بالالارى بولعان جاعدايدا) جەكە كۋالىگىنىڭ سكانەرلەنگەن نۇسقاسى;
3. ديپلومنىڭ سكانەرلەنگەن نۇسقاسى (جوعارى ءبىلىم تۋرالى ديپلوم, مەكتەپ اتتەستاتى, بىلىكتىلىك, ارنايى-تەحنيكالىق ءبىلىم تۋرالى ديپلوم – بار ديپلومداردىڭ ءبىرى);
4. . نەكە قيۋ تۋرالى كۋالىكتىڭ سكانەرلەنگەن نۇسقاسى (بولعان جاعدايدا);
5. بالالاردىڭ تۋ تۋرالى كۋالىگىنىڭ سكانەرلەنگەن نۇسقاسى (بولعان جاعدايدا);
6. ءوتىنىش بەرۋشىگە جانە وتباسى مۇشەلەرىنە قازاقستان رەسپۋبليكاسى بويىنشا جىلجىمايتىن م ۇلىكتىڭ جوقتىعى تۋرالى انىقتامانىڭ سكانەرلەنگەن نۇسقاسى (بولعان جاعدايدا جۇبايى, بالالارىنا دا);
7. جۇمىس ورنىنان انىقتامانىڭ سكانەرلەنگەن نۇسقاسى (مەنشىك نىسانىنداعى مەملەكەتتىك ورگانداردىڭ «مم», «كمم», «رمم», «مكقك», «رمقك», «شجق مكك», «شجق رمك» قىزمەتكەرلەرىندە جۇمىس ورنىنان مەملەكەتتىك قىزمەتتەگى جالپى ءوتىلى كورسەتىلگەن مەكەمەنىڭ فيرمالىق بلانكىسىندەگى انىقتاما بولۋى ءتيىس);
8. ەڭبەك قىزمەتىنىڭ بۇكىل كەزەڭى ءۇشىن بجزق زەينەتاقى اۋدارىمدارى تۋرالى انىقتامانىڭ سكانەرلەنگەن نۇسقاسى;
9. زەينەتاقى اۋدارىمدارى ەسەپتەلمەيتىن اسكەري قىزمەتشىلەرگە جۇمىس ورنىنان ءسىز تۇرعىن ءۇي تولەمدەرىن المايتىندىعىڭىز تۋرالى انىقتامانى قوسا بەرۋ قاجەت;
10. مەملەكەتتىك كاسىپورىندار مەن مەكەمەلەردىڭ قىزمەتكەرلەرى قىزمەتتىك ءتىزىمدى ۇسىنۋى قاجەت (بولماعان جاعدايدا, قر ەڭبەك كودەكسىنىڭ 35-بابىنا سايكەس قۇجاتتاردىڭ ءبىرىن ۇسىنۋى قاجەت);
11. بانكتىك شوتتىڭ بار ەكەندىگى جانە ءنومىرى تۋرالى انىقتامانىڭ سكانەرلەنگەن نۇسقاسى (كارتوچكالىق شوت, اعىمداعى, جيناق, دەبەتتىك شوت جانە ت. ب. - بار شوتتاردىڭ ءبىرى);
12. بانكتىك شوت بويىنشا اقشا قالدىعى جانە قوزعالىسى تۋرالى ءۇزىندى كوشىرمەنىڭ سكانەرلەنگەن نۇسقاسى;
13. ءوتىنىش بەرۋشىنىڭ جەكە جەتىستىكتەرى تۋرالى قۇجاتتىڭ سكانەرلەنگەن نۇسقاسى;
14. جەكە كاسىپكەرلەر جەكە كاسىپكەر رەتىندە قىزمەتىنىڭ باستالعانى تۋرالى حابارلاما ۇسىنادى;
15. ەگەر ءسىز ەڭبەك دەمالىسىندا نەمەسە ەڭبەككە ۋاقىتاشا جارامسىز دەمالىسىندا بولىپ, ءسىزدىڭ تابىسىڭىز تومەندەگەن بولسا, ەڭبەك دەمالىسى تۋرالى بۇيرىعىن نەمەسە ەڭبەككە ۋاقىتشا جارامسىز پاراعىن قوسىمشا ۇسىنۋ قاجەت.
16. ەگەر ءسىز تج ارەكەتىنە 42 500 تەڭگە العان بولساڭىز, سىزگە وسى جاردەماقى تۇسكەن كارتانىڭ شوتىنان ءۇزىندى كوشىرمەنى تىركەۋ قاجەت (01.01.2020 - 05.12.2020 جىلدار كەزەڭىندە كارتا بويىنشا ءۇزىندى كوشىرمە).
قاتىسۋعا قۇجاتتار تاپسىرعان ازاماتتار اراسىندا ىرىكتەۋ بالدىق جۇيە بويىنشا جۇرگىزىلەدى.
- وتباسىنىڭ بولۋى ءۇشىن - 5 بالل, نەكەنىڭ ءار جىلى ءۇشىن - 2 بالل;
- بالانىڭ بولۋى ءۇشىن-1 بالل, كەلەسى ءاربىر بالا ءۇشىن – 2 بالل;
- بيۋدجەتتىك ۇيىمدارداعى (مەملەكەتتىك مەكەمەلەر مەن مەملەكەتتىك كاسىپورىندارداعى) ەڭبەك قىزمەتى ءۇشىن – 5 بالل, ەڭبەك ءوتىلىنىڭ ءار جىلى ءۇشىن -1 بالل;
- نارىق سۇرانىسىنا يە 100 ماماندىق تىزىمىنە سايكەس ماماندىقتى يگەرگەن ءوتىنىش بەرۋشىگە - 10 بالل ء(تىزىم سايتتا جاريالانعان zhilfond.kz);
- جەكە كاسىپكەرلىك قىزمەتتى جۇزەگە اسىرۋ كەزىندە كەمىندە 1 جىل – 5 بالل, ءاربىر جىل ءۇشىن – 1 بالل;
- ءوتىنىش بەرۋشىنىڭ ءارتۇرلى قىزمەت سالالارىندا جەكە جەتىستىكتەرى بولعان كەزدە (كاسىبي سالاداعى جەتىستىكتەرى ەسكەرىلەدى) – 2 بالل;
- ەكىنشى دەڭگەيدەگى بانكتەردەگى جيناق شوتتارىنداعى جيناقتاردىڭ ءاربىر جىلى ءۇشىن - 2 بالل.
