تاراپتار قورشاعان ورتانى ساقتاۋ, ەكولوگيالىق جاعدايدى جاقسارتۋ, عىلىمدى دامىتۋ, زاماناۋي ينفراقۇرىلىم قالىپتاستىرۋ جانە ۇلتتىق تابيعي پاركتەردىڭ اۋماعىن اباتتاندىرۋعا بىرگە كۇش سالۋعا كەلىستى.
ء"بىز قازاقستاننىڭ ەرەكشە تابيعي جانە مادەني قۇندىلىقتارىن ساقتاۋعا ۇلەس قوسقىمىز كەلەدى. جوبا اياسىندا ءبىز عىلىمي زەرتتەۋلەر مەن ءبىلىم باعدارلامالارىنا قارجىلاي قولداۋ كورسەتەمىز. ءبىز وتباسىلارىمىز بەن بالالارىمىزدا ەلىمىزدىڭ تاماشا تابيعاتىنان ءلاززات الۋ مۇمكىندىگى بولۋى ءۇشىن ۇلتتىق پاركتەردىڭ دامۋىنا قاتىسامىز. ءبىز QazaqGeography-مەن بىرگە ەلىمىزدىڭ ۇلتتىق ماقتانىشى مەن بايلىعىنا اينالعان قۇندىلىقتاردى كەلەر ۇرپاققا جەتكىزۋگە بار كۇشىمىزدى سالامىز", دەدى Kaspi.kz ديرەكتورلار كەڭەسىنىڭ توراعاسى جانە نەگىزىن قالاۋشىلاردىڭ ءبىرى ۆياچەسلاۆ كيم.
سونداي-اق Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە Kaspi.kz QazaqGeography-مەن بىرلەسە وتىرىپ كليەنتتەردىڭ ءومىرىن جاقسارتۋ ءۇشىن قىزمەت ەتەتىنىن ءسوز ەتتى.
"ارقايسىمىز اسەم تابيعاتتى جاقسى كورەمىز جانە سالاۋاتتى ءومىر سالتىن ۇستانامىز. ءبىزدىڭ ماقساتىمىز وتە قاراپايىم – ءبىز سۇيىكتى كليەنتتەرىمىز بەن ولاردىڭ وتباسىلارىنىڭ جانە بارلىق قازاقستاندىقتاردىڭ ۇلتتىق پاركتەرگە راحاتتانىپ بارۋى ءۇشىن QazaqGeography-گە ەكولوگيالىق ءتۋريزمنىڭ تارتىمدىلىعىن جاقسارتۋ جانە ساپالى, زاماناۋي ينفراقۇرىلىم قالىپتاستىرۋعا كومەكتەسكىمىز كەلەدى", دەدى ول.
ءوز كەزەگىندە QazaqGeography باسقارما توراعاسى ورمان نۇرباەۆ Kaspi.kz-پەن بىرگە ەلدەگى ەرەكشە قورعالاتىن تابيعي اۋماقتاردى تۇراقتى دامىتۋعا كۇش سالاتىنىن ايتتى.
"بيزنەستىڭ الەۋمەتتىك جاۋاپكەرشىلىگى – كەز-كەلگەن تابىستى كومپانيانىڭ جۇمىسىنداعى ماڭىزدى بولىگى. Kaspi.ءkz –تىڭ ۇلتتىق تابيعي بايلىقتى ساقتاۋ جانە دامىتۋ ماسەلەلەرىن شەشۋگە بەلسەنە قاتىسۋى جوعارى ازاماتتىق جاۋاپكەرشىلىكتىڭ ۇلگىسى. ءبىز قازاقستاننىڭ تابيعي, تاريحي جانە مادەني مۇراسىنىڭ تانىمالدىلىعىن ارتتىرۋعا, قورشاعان ورتانى قورعاپ, قازاقستان رەسپۋبليكاسىنداعى ەرەكشە قورعالاتىن تابيعي اۋماقتاردى تۇراقتى دامىتۋ مەن ەكوتۋريزمدى دامىتۋعا بىرلەسە وتىرىپ كۇش سالامىز", دەدى و.نۇرباەۆ.
