«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 3-تارماعىنىڭ تالاپتارىنا سايكەس ەفير مەن باسپا الاڭىن بەرۋدىڭ مولشەرى, شارتتارى مەن ءتارتىبى تۋرالى مالىمەتتەر ءتيىستى بۇقارالىق اقپارات قۇرالدارى سايلاۋ الدىنداعى ۇگىت جۇرگىزۋ باستالعانعا دەيىن بەس كۇننەن كەشىكتىرمەي (2020 جىلعى 4 جەلتوقساننان كەشىكتىرمەي) حابارلانۋعا جانە جاريالانۋعا ءتيىس.
بۇقارالىق اقپارات قۇرالدارى ۇمىتكەرلەردىڭ اگيتاتسيالىق ماتەريالدارىن ورنالاستىرۋعا, تاراتۋعا ەفير ۋاقىتى مەن باسپا الاڭىن اقى تولەۋ مولشەرى, ەفير مەن باسپا الاڭىن ۇسىنۋ شارتتارى مەن ءتارتىبى تۋرالى مالىمەتتەردى جاريالاعانعا دەيىن ۇسىنا المايدى (وسى نورمانى بۇزۋ لاۋازىمدى تۇلعالارعا 30 اەك مولشەرىندە, زاڭدى تۇلعالارعا 50 اەك مولشەرىندە ايىپپۇل سالۋعا اكەپ سوعادى).
پارلامەنت ءماجىلىسى دەپۋتاتتارىن سايلاۋ بويىنشا ەفير مەن باسپا الاڭىن بەرۋدىڭ مولشەرى, شارتتارى مەن ءتارتىبى تۋرالى مالىمەتتەر – ورتالىق سايلاۋ كوميسسياسىنا, ءماسليحاتتار دەپۋتاتتارىن سايلاۋ كەزىندە اۋماقتىق سايلاۋ كوميسسيالارىنا بەرىلۋگە ءتيىس.
سونىمەن قاتار قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنىڭ 11-تاراۋىندا سايلاۋ قۇقىقتارىنا قول سۇعاتىن قۇقىقبۇزۋشىلىقتار ءۇشىن اكىمشىلىك جاۋاپكەرشىلىك كوزدەلگەن.
بۇل رەتتە, مينيسترلىك بۇقارالىق اقپارات قۇرالدارى ءجيى بۇزاتىن, بۇزعانى ءۇشىن اكىمشىلىك جاۋاپتىلىق كوزدەلەتىن قازاقستان رەسپۋبليكاسى سايلاۋ زاڭناماسىنىڭ بىرقاتار نورمالارىنا نازار اۋدارادى:
- كانديداتتى, ساياسي پارتيا ۇسىنعان پارتيالىق ءتىزىمدى تىركەۋ مەرزىمى اياقتالعانعا دەيىن, سايلاۋ بولاتىن كۇنى نە ونىڭ قارساڭىنداعى كۇنى سايلاۋ الدىنداعى ۇگىتتى جۇرگىزۋ, سونداي-اق رەسپۋبليكالىق رەفەرەندۋم وتكىزىلەتىن كۇنى نە ونىڭ قارساڭىنداعى كۇنى ۇگىت جۇرگىزۋ (قر «اكىمشىلىك قۇقىقبۇزۋشىلىق تۋرالى» كودەكسىنىڭ 102 بابى (بۇدان ءارى – كودەكس);
- بۇقارالىق اقپارات قۇرالدارىنىڭ كانديداتتىڭ نەمەسە ساياسي پارتيانىڭ ابىرويىنا, قادiر-
قاسيەتiنە جانە iسكەرلiك بەدەلiنە كورىنەۋ نۇقسان كەلتiرەتiن ۇگىت ماتەريالدارى مەن وزگە دە اقپاراتتى جاريالاۋى, سونداي-اق اتالعان تۇلعالارعا ابىرويىن, قادiر-قاسيەتiن جانە iسكەرلiك بەدەلiن قورعاۋى ءۇشىن تەرىسكە شىعارۋدى تەگىن جاريالاۋىنا مۇمكىندىك بەرۋدەن باس تارتۋ (كودەكستىڭ 112-بابىنىڭ 2-بولىگى); - كانديداتتاردىڭ تەلەديدار مەن راديودا سويلەپ جاتقان سوزدەرىن ءبولۋ جانە سويلەگەن سوزدەرىنەن كەيىن ىلە-شالا, سونداي-اق باسپا باسىلىمدارىنداعى سوزدەرىنە سول ءبىر نومىردە تۇسىنىكتەمە جاساۋ (كودەكستىڭ 112-بابىنىڭ 3-بولىگى);
- بۇقارالىق اقپارات قۇرالدارىنىڭ قوعامدىق پiكiرگە ساۋال سالۋ نəتيجەلەرىن, سايلاۋ, سايلاۋعا بايلانىستى وزگە دە زەرتتەۋلەر نəتيجەلەرىنىڭ بولجامدارىن جاريالاۋ تəرتiبiن بۇزۋى, اتاپ ايتقاندا ساۋال سالۋدى جۇرگىزگەن زاڭدى تۇلعانى, ساۋال سالۋعا تاپسىرىس بەرگەن جəنە ونىڭ اقىسىن تولەگەن تۇلعالاردى, ساۋال سالۋ جۇرگىزىلگەن ۋاقىتتى, اقپارات جيناۋ ءəدىسىن, سۇراقتىڭ ناقتى تۇجىرىمىن, ساۋال سالىنعاندار سانىن جəنە ساۋال سالۋ نəتيجەلەرىنىڭ قاتەلىك كوەففيتسيەنتىن كورسەتپەۋ (كودەكستىڭ 120-بابىنىڭ 1-بولىگى).
پرەزيدەنتتىككە, سەنات دەپۋتاتتىعىنا كانديداتتاردىڭ, ءماجىلىس, ءماسليحات دەپۋتاتتىعىنا كانديداتتاردىڭ پارتيالىق تىزىمدەرىن ۇسىنعان ساياسي پارتيالاردىڭ, سونداي-اق وزگە دە جەرگىلىكتى ءوزىن ءوزى باسقارۋ ورگاندارى مۇشەلىگىنە كانديداتتاردىڭ سايلاۋ الدىنداعى ۇگىتىن قامتيتىن بۇقارالىق اقپارات قۇرالدارىنىڭ بارلىق جاريالانىمدارى قارجىلاندىرۋ كوزدەرى تۋرالى اقپاراتتى قامتۋعا ءتيىس ەكەنىن قوسىمشا ەسكە سالامىز (قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پارلامەنتى, ءماسليحاتتارى دەپۋتاتتارىنىڭ, سونداي-اق وزگە دە جەرگىلىكتى ءوزىن-ءوزى باسقارۋ ورگاندارى مۇشەلەرىنىڭ سايلاۋى كەزىندە بۇقارالىق اقپارات قۇرالدارى ارقىلى سايلاۋ الدىنداعى ۇگىتتى جۇزەگە اسىرۋدىڭ جانە ونى اقپاراتتىق قامتاماسىز ەتۋدىڭ قاعيدالارىنىڭ 22-تارماعى).
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 27-بابى 2-تارماعىنىڭ تالاپتارىنا سايكەس سايلاۋ الدىنداعى ۇگiت كانديداتتار تiركەلگەن مەرزىمى اياقتالعان كەزدەن باستالىپ, سايلاۋ بولاتىن كۇننىڭ الدىنداعى كۇنگi جەرگىلiكتi ۋاقىت بويىنشا ءنول ساعاتتا اياقتالادى.
وسىلايشا, سايلاۋ الدىنداعى ۇگىت 2020 جىلعى 10 جەلتوقساندا جەرگىلىكتى ۋاقىتپەن ساعات 18.00-دەن كەيىن باستالىپ, 2021 جىلعى 9 قاڭتاردا جەرگىلىكتى ۋاقىتپەن ساعات 00.00-دە اياقتالادى.
