ايماقتار • 27 قاراشا، 2020

اۋىلداعى سەرۆيستىك اكىمدىك

14 رەت كورسەتىلدى

«حالىق ۇنىنە قۇلاق اساتىن مەملەكەت» قاعيداتتارىنىڭ ورىندالۋىن باقىلاۋدى جۇزەگە اسىرا وتىرىپ، اقتوبە وبلىسىنا جۇمىس ساپارى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ باسشىسى اليك شپەكباەۆ قارعالى اۋدانى قوسەستەك اۋىلدىق وك­رۋگىنىڭ «سەرۆيستىك اكىمدىگىنىڭ» قىزمەتىمەن تانىسۋدان باستادى.

«سەرۆيستىك» نىسانداعى تەحنولوگيالاردى پايدالانۋ تا­جىريبە­سى سىبايلاس جەم­قور­لىق­قا قارسى ساياساتتىڭ بار­لىق تالاپتارىنا جاۋاپ بەرەدى. ويتكەنى مۇنداي جۇمىس ۇل­گىسى جەمقورلىق تاۋەكەلدەرىن جويا­دى جانە كۇندەلىكتى جۇمىستىڭ اشىقتىعىن قامتاماسىز ەتەدى. ەگەر بۇرىن مەملەكەتتىك قىزمەت­تەردى الۋشىلار ءتۇرلى عيمارات تابال­دى­رىقتارىن توزدىرۋعا ءماجبۇر بو­لىپ، «تامىر-تانىس­تاردىڭ» كومەگىنە ءجيى جۇگىنەتىن بولسا، قازىرگى تاڭدا مۇنداي قا­جەتتىلىكتىڭ جولى كەسىلدى. جاڭا ۇل­گىدەگى «سەرۆيستىك اكىمدىك» جانىندا اۋىلدىق وكرۋگ اكىمدىگىنىڭ بارلىق قىزمەتتەرى جۇمىس ىستەيدى: «قازپوشتا» بولىمشەسى، ۋچاس­كەلىك ينسپەكتور جانە باس­قالار.

بۇدان بىلاي وسى تاجىريبە­نىڭ ۇلگىسىندە اۋىلدارداعى بارلىق اكىم­دىكتەر قىزمەت كورسەتۋدىڭ سەر­ۆيستىك ۇلگىسىنە كوشەدى. ولار­­دىڭ باس­­تى ولشەمشارتى – جۇ­مىس­تىڭ اشىق­تىعى مەن قول­جەتىمدىلىگىن قام­­­­تاماسىز ەتۋ، سون­داي-اق ازاماتتار ءۇشىن قو­لايلى جاعداي جاساۋ. سونىمەن قا­تار بارلىق مەكتەپ ديرەكتورلارى دا ءوز كابينەتتەرىن ءبى­رىن­شى قاباتقا اۋىستىردى، ال دەن­ساۋلىق ساقتاۋ نىساندارىنىڭ جار­تىسى ازاماتتاردى قابىلداۋ ءۇشىن «Open Space» كابينەتتەرىن اشتى.

«مەن ازاماتتاردىڭ جاي­لى­لى­عى ءۇشىن بارلىق جاڭاشىل­دىقتار شىن مانىندە ءتيىستى دەڭ­گەيدە جۇمىس ىستەيتىنىنە كوز جەت­كىزۋ ءۇشىن وڭىرلەر مەن اۋىلدىق وكرۋگتەردى ءوزىم ارالايمىن. بۇدان باسقا، جەرگىلىكتى جەرلەردەگى بي­لىكتىڭ جاۋاپكەرشىلىگى مەن پارا­ساتتىلىق دەڭگەيىن ارت­تى­رۋعا اۋىل اكىمدەرىن سايلاۋدىڭ جاڭا تاجىريبەسى ىقپال ەتەتىن بولادى. سەبەبى سايلاۋشىلاردىڭ سە­نىمىن اقتاۋعا دەگەن ۇمتىلىس ولار ءۇشىن باستى ىنتالاندىرۋ بولماق»، – دەدى ا.شپەكباەۆ.

بۇدان ءارى بيزنەس سالاسىندا­عى سىبايلاس جەمقورلىققا قارسى زاڭ­­نامانىڭ ورىندالۋ دەڭگەيىن انىقتاۋ ماقساتىندا ول جەل ەنەرگەتيكاسى سەكتورىنداعى «Eni» حا­لىق­ارالىق كومپانياسىنىڭ ەڭ ءىرى ينۆەستيتسياسى سالىنعان «Arm wind» جشس جەل ەلەكتر ستانساسى­نا باردى. جوباعا سالىنعان ينۆەستيتسيالار كولەمى شامامەن 100 ملن اقش دوللارىن قۇرايدى. بىرەگەي نى­ساننىڭ قۋاتتىلىعى – 48 مۆت، ءوڭىردى جىل سايىن 198 گۆت/ ساع كولەمىندە ەلەكتر ەنەر­گياسىمەن قامتاماسىز ەتۋگە مۇم­كىندىك بە­رەدى. بۇل كولەم 20 مىڭ تۇر­­عى­نى بار شاعىن قالا ءۇشىن جەت­كىلىكتى. بۇدان باسقا جەس اتموس­فەراعا كو­مىر­قىشقىل گازى شى­عا­رىن­دىلا­رى­نىڭ كولەمىن جىلىنا 172 مىڭ تونناعا قىسقار­تادى.

قازىرگى ۋاقىتتا وتاندىق بيز­نەستى قولداۋ جانە قورعاۋدى قام­­­تاماسىز ەتۋ – ەلدىڭ ەكونو­ميكالىق دامۋىندا ماڭىزدى ءرول اتقارادى. وسىعان بايلانىستى كاسىپكەرلەر ءۇشىن بارىنشا قولايلى جاعدايلار جاساۋ قاجەت. بۇل رەتتە، «Protecting Business and Investments» جوباسى اياسىندا اگەنتتىك وسى جەل ەلەكتر ستان­ساسىن قامقورلىعىنا الىپ، سى­بايلاس جەمقورلىققا قارسى سۇ­يەمەلدەۋىن ىسكە اسىراتىن بولادى.

سونىمەن قاتار ا.شپەكباەۆ سى­بايلاس جەمقورلىققا قارسى سۇيە­مەلدەنەتىن نىسان – «اقتوبە»­ اكك» اق ارالادى. كاسىپ­ورىن اقتوبە وبلىسىنداعى ەكونوميكالىق بەل­سەن­دىلىكتى ىنتالاندىرادى، ونىڭ ىشىن­دە ينۆەستيتسيا تارتۋ دا بار. بۇ­گىنگى تاڭدا جوبالار قورجىنىندا جال­پى سوماسى 124،4 ملرد تەڭگەگە  جو­سپارلانعان 88 جوبا بار. جالپى، سىبايلاس جەم­قورلىققا قارسى سۇ­يە­مەلدەۋ تۋرالى كەلىسىم سوما­سى 4،2 ترلن تەڭگە بولاتىن 40 شەتەلدىك جانە جەرگىلىكتى ينۆەس­تور قول قويدى. جىل باسىنان قول­ قويىلعان مۇنداي كەلىسىمدەر سا­نى – 10، ال سوماسى –  28،1 ملرد تەڭ­گە.

سىبايلاس جەمقورلىققا قار­سى قىزمەتتىڭ باسشىسى بيز­نەس­تى قورعاۋ جوباسى اياسىندا اگەنت­تىكتىڭ تاعى ءبىر جوباسى – «ەكوفەرما» جشس قۇلپى­ناي وسىرەتىن جىلىجايىنا تابان تىرەدى. ونىڭ تەحنولوگيالارى ساۋىردەن مامىرعا دەيىن ەگىن جيناۋعا مۇمكىندىك بەرەدى. بيىلعى جىلدىڭ 11 ايىندا مۇن­دا 20 توننادان استام قۇل­پىناي ءوسىرىلدى.

 

اقتوبە

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار