ەلوردا • 26 قاراشا، 2020

نۇر-سۇلتاندا ىزدەۋدە جۇرگەن 9 قىلمىسكەر قولعا ءتۇستى

15 رەت كورسەتىلدى

ەلوردا اۋماعىندا ءوتىپ جاتقان "قۇقىقتىق ءتارتىپ" الدىن الۋ شاراسىنىڭ ءۇش كۇنىندە 2 مىڭنان استام اكىمشىلىك قۇقىق بۇزۋشىلىق انىقتالدى، دەپ حابارلايدى Egemen.kz

ايىم ءداۋىت

نۇر-سۇلتان قالالىق پوليتسيا دەپارتامەنتىنىڭ مالىمەتىنشە، ونىڭ ىشىندە كىشىگىرىم بۇزاقىلىقتىڭ – 163، تىنىشتىقتى بۇزۋدىڭ – 263، قوعامدىق ورىندا ىشىمدىك ءىشۋدىڭ 391 فاكتىسى بار. كولىكتى ماس كۇيىندە جۇرگىزگەن 6 جۇرگىزۋشى دە قولعا ءتۇستى.

مۇنان بولەك، پوليتسيا قىزمەتكەرلەرى تۇرعىن ءۇي الاپتارىن ارالاپ، 8 135 پاتەردى، 1 544 ءۇيدى جانە 324 ساياجاي نىساندارىن قاراپ شىقتى. ەسەپتە تۇرعان 869 تۇلعا مەن 54 تۇرمىسى ناشار وتباسى تەكسەرىلدى.

"ەلوردانىڭ پوليتسيا قىزمەتكەرلەرى "قۇقىقتىق ءتارتىپ" الدىن الۋ شاراسى بارىسىندا 3 كۇننىڭ ىشىندە 48 قىلمىستى اشىپ، ىزدەۋدە بولعان 9 قىلمىسكەردى ۇستادى. "سارىارقا" اۋداندىق پوليتسيا ءبولىمىنىڭ قىزمەتكەرلەرى قۇرىلىس نىساندارىندا ۇرلىق جاساۋمەن اينالىسقان 3 كۇدىكتىنى ۇستادى. ولار ءۇش كۇن بويى ءتۇن ورتاسىندا قۇرىلىس ماتەريالارىن شىعارىپ العان. ۇرىلار 25 جىلىتۋ باتارەياسىن، ءپىشىندى قاڭىلتىرلار مەن شىنى ماقتالاردى قولدى قىلعان. ۇرلىققا ءجون سىلتەۋشى ءارى ۇيىمداستىرۋشى قۇرىلىس نىسانىندا جۇمىس ىستەيتىن ادام ەكەندىگى انىقتالدى. ۇرلىلار كەلتىرگەن شىعىن 350 مىڭ تەڭگەنى قۇرايدى. قر قىلمىستىق كودەكسىنىڭ 188-بابىمەن قىلمىستىق ءىس قوزعالدى"، دەدى دەپارتامەنتتەن.

سونىمەن قاتار ۆەدومستۆونىڭ مىلىمەتىنشە، تىيىم سالىنعان زاتتاردى زاڭسىز ساقتاعانى نەمەسە الىپ جۇرگەنى ءۇشىن 27 ادام ۇستالدى. ونىڭ ىشىندە ەسىرتكى زاتىن ساقتاعان 18 ازامات ۇستالىپ، ولاردان 500 گرامنان استام ەسىرتكى زاتى، 1،4 گرامم گەروين تاركىلەندى.

مۇنان بولەك، اتىس قارۋىمەن 3 ادام ۇستالىپ، ولاردان 49 وق-ءدارى الىندى. ماسەلەن، 25 قاراشا كۇنى كەشقۇرىلىم ە-22 كوشەسىنىڭ بويىندا پوليتسيا قىزمەتكەرلىر 48 جاستاعى ازاماتتى توقتاتىپ، ودان ۇڭعىماسى جوق تاپانشا تاركىلەدى. ۇستالعان ازاماتتىڭ ۇستىنەن قر قك 287-بابى 2-بولىگى بويىنشا قىلمىستىق ءىس قوزعالدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز