پرەزيدەنت • 26 قاراشا، 2020

مەملەكەت باسشىسى بەيبىت اتامقۇلوۆتى قابىلدادى

20 رەت كورسەتىلدى

پرەزيدەنت يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتى قابىلدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

قاسىم-جومارت توقاەۆقا بيىلعى جىلدىڭ 10 ايىندا جۇزەگە اسىرىلعان مەملەكەتتىك باعدارلامالاردىڭ قورىتىندىلارى مەن مينيسترلىكتىڭ باسىم باعىتتارى جايىندا ەسەپ بەرىلدى.

مەملەكەت باسشىسىنا 2020-2025 جىلدارعا ارنالعان يندۋستريالاندىرۋ باعدارلاماسى بويىنشا اتقارىلعان جۇمىستار ەگجەي-تەگجەيلى باياندالدى. بەيبىت اتامقۇلوۆ پاندەمياعا قاراماستان جىل باسىنان بەرى ونەركاسىپ سالاسى 3،2 پايىزعا وسكەنىن ايتتى. سونىمەن قاتار جىل سوڭىنا دەيىن ينۆەستيتسيا كولەمى 995 ميلليارد تەڭگەنى قۇرايتىن 200 جوبا ىسكە اسادى.

مينيستر جىل باسىنان بەرى "نۇرلى جول" باعدارلاماسىنىڭ شەڭبەرىندە جالپى ۇزىندىعى 2،6 مىڭ شاقىرىم اۆتوموبيل جولى پايدالانۋعا بەرىلگەنىن اتاپ ءوتتى. ەلارالىق جۇك تاسىمالى دا وسكەن. اتاپ ايتقاندا، قىتاي-ەۋروپا-قىتاي باعىتىنداعى تاسىمال 61،6 پايىزعا ارتقان.

"نۇرلى جەر" باعدارلاماسى بويىنشا 14،1 ميلليون شارشى مەتر تۇرعىن ءۇيدى پايدالانۋعا بەرۋ جوسپارلانعان. ءمينيستردىڭ ايتۋىنشا، جىل سوڭىنا دەيىن اتالعان كورسەتكىشتى 15 ميلليون شارشى مەترگە جەتكىزۋ كوزدەلگەن. ال 2025 جىلعا دەيىن بارلىعى 103 ميلليون شارشى مەتر باسپانا سالىنادى.

قاسىم-جومارت توقاەۆ بەيبىت اتامقۇلوۆقا جەرگىلىكتى جەرلەردەگى جولداردى جوندەۋ، ارەندالىق باسپانا قۇرىلىسىن ارتتىرۋ، سونداي-اق، ۆەدومستۆونىڭ نەگىزگى باعىتتارى بويىنشا بىرقاتار تاپسىرما بەردى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار