تۋريزم • 26 قاراشا، 2020

"Kazakh Tourism" تۋريزم بويىنشا ونلاين اكادەميا اشادى

19 رەت كورسەتىلدى

سوڭعى جىلدارى ەل تۇرعىندارى اراسىندا قازاقستاننىڭ تۋريستىك وبەكتىلەرىنە دەگەن قىزىعۋشىلىق وسۋدە، بۇل قارقىن اسىرەسە پاندەميا كەزىندە حالىقارالىق شەكارالار جابىلۋىنا وراي ەرەكشە بايقالدى. قازاقستاندىقتار ەكولوگيالىق، ەتنوگرافيالىق، شيپاجايلىق-كۋرورتتىق  جانە دە ءتۋريزمنىڭ باسقا دا باعىتتارى بويىنشا ساياحاتتاۋ مۇمكىندىكتەرىن قاراستىرۋدا. ال بۇنىڭ ەسەسىنە اتالمىش ورىنداردا كورسەتىلەتىن قىزمەت ساپاسىنا دەگەن تالاپ تا وسە باستادى، دەپ حابارلايدى Egemen.kz.

ىشكى ءتۋريزمدى دامىتۋ ماقساتىندا «Kazakh Tourism» ۇلتتىق كومپانياسى سالانىڭ وسى ءتۇرىن تاڭداعان كاسىپكەرلەرگە بەلسەندى قولداۋ كورسەتۋدە. نارىقتى تالداي كەلە، ونداعى كوكەيتەستى ماسەلەلەردى ايقىنداپ،  «Kazakh Tourism» جاڭا جوباعا كىرىسىپ وتىر. بۇل – تۋربيزنەس سۋبەكتىلەرى  تاجىريبە الماسىپ، اقپارات جانە ءبىلىم الاتىن ۆيرتۋالدى الاڭ - قازاقستان ءتۋريزمىنىڭ ونلاين اكادەمياسى.

جوبانىڭ ماقساتى – سالا ماماندارىنىڭ تاجىريبەسىن بىرىكتىرىپ، بارلىق ستەيكحولدەرلەرگە قازاقستانداعى ءتۋريزمدى دامىتۋعا باعىتتالعان كۇندەلىكتى جۇمىستارىنا قاجەت بولاتىن وزەكتى اقپارات پەن ءبىلىم كوزىنە بىردەي قول جەتكىزۋ مۇمكىندىگىن بەرۋ، ءارى كەز كەلگەن ۋاقىتتا بىلىمدەرىن جەتىلدىرىپ، كاسىبي بىلىكتىلىگىن ارتتىرۋعا جاعداي جاساۋ.

ونلاين اكادەميانىڭ تىڭداۋشىلارى – تۋريزم سالاسىنداعى بارلىق بيزنەس وكىلدەرى: تۋروپەراتورلاردان باستاپ، تۋراگەنتتەر، ەكسكۋرسيا جەتەكشىلەرى، اۋدارماشىلار، ەتنوكەشەندەر، كەمپينگتەر، اۋىلشارۋاشىلىق فەرمالار، جول جيەگىندەگى قىزمەتتەر يەلەرى مەن وتەلەرلەر، سونداي-اق سالادا قىزمەت ەتۋگە ىنتالى جوعارى وقۋ ورىندارى تۇلەكتەرى. اكادەمياداعى وقۋ تەگىن جۇرگىزىلەدى.

زامان تالابىنا ساي جاڭا فورماتتا ۇيىمداستىرىلىپ وتىرعان ونلاين اكادەميا COVID-19 پاندەمياسى جاعدايىنداعى ادام سانىن شەكتەۋ ماسەلەسىن شەشىپ، تىڭداۋشىلارعا كاسىبي وقۋدىڭ قاۋىپسىز ءتۇرىن ۇسىنىپ وتىر.

«ونلاين فورماتتا ىشكى تۋريزم اكادەمياسىن قۇرۋ – جاڭا  ۋاقىت تالابى عانا ەمەس، تۋريستىك نارىقتى كاسىبي باستامادا تولىعىمەن بىرىكتىرىپ، ارىپتەستەرىمىزگە ءتۋريزمنىڭ ارداگەرلەرى مەن بىلىكتى ترەنەرلەرىنىڭ بىلىمدەرى مەن تاجىريبەلەرىن ۇسىنۋ الاڭى. بۇل جوبانى باستاعان كەزىمىزدە ەڭ الدىمەن الەمدەگى جانە ەلدەگى ورىن تاۋىپ وتىرعان ەپيدەميالوگيالىق جاعدايدى ەسكەردىك. COVID-19 ءبىر جاعىنان حالىقارالىق ءتۋريزمدى شەكتەسە، ەكىنشى جاعىنان ىشكى ءتۋريزمدى دامىتۋعا جول اشتى. ويتكەنى قازاقستاندىقتار  ءوز ەلىنىڭ اسەم جەرلەرى جايلى اقپارات ىزدەپ، ىشكى تۋريزمگە قىزىعۋشىلىق تانىتا باستادى. ال بۇل اتالمىش سالا ءۇشىن دامۋدىڭ جاڭا مۇمكىندىكتەرىن اشىپ وتىر. وسى رەتتە ءبىز ونلاين اكادەميانىڭ ىشكى ءتۋريزمدى دامىتۋداعى جانە دە جالپى تۋريزم بيزنەسىن جاڭعىرتۋداعى كەرەمەت مۇمكىندىك ەكەنىنە سەنىم ارتامىز»، – دەيدى «Kazakh Tourism» ۇلتتىق كومپانياسىنىڭ باسقارما توراعاسى ەرجان ەركىنباەۆ. 

اكادەميانىڭ سپيكەرلەرى مەن قوناقتارى سالالىق مەملەكەتتىك ورگانداردىڭ وكىلدەرى، تۋريزمدە اۋقىمدى تاجىريبەسى بار جەتەكشى ماماندار، ماركەتولوگتار جانە دە سالادا تابىستى بيزنەس يەلەرى. مىسالى العاشقى قۋرستاردىڭ سپيكەرلەرى قاتارىندا «Sky Way» تۋروپەراتورىنىڭ باس ديرەكتورى اسەم قوزباعاروۆا; كاسىپكەر، قۇقىقتىق ماسەلەلەر بويىنشا ساراپشى تالانت رامازانوۆ; Almaty City Tour جانە ACT قازاقستان تۋروپەراتورىنىڭ ديرەكتورى انتون ميتين جانە تاعى باسقالار بار.

«قازاقستان تۋريستىك قاۋىمداستىعى قازاقستان ءتۋريزمىنىڭ ونلاين اكادەمياسىنىڭ اشىلۋىن قۋانا قولدايدى. ويتكەنى قازىرگى كۇردەلى جاعداي تالابىندا بۇل – ينتەلەكتۋالدى دەڭگەيدى دامىتۋدىڭ، ءبىلىم الۋدىڭ تاماشا مۇمكىندىگى. ونلاين اكادەميا سالانىڭ جاڭالىقتارىن بىلۋگە، بۇگىنگى  كۇن ترەندتەرىنەن حاباردار بولۋعا، جاڭا تالاپقا ساي ءوز بيزنەسىڭدى قالاي دامىتۋ كەرەك ەكەنىن تۇسىنۋگە، ءارى بىلىكتىلىكتى شىڭداۋعا كومەكتەسەدى. قازاقستان ءتۋريزمىنىڭ ونلاين اكادەمياسى اياسىندا وتكىزىلەتىن ونلاين سەمينارلار ارقاسىندا كاسىپكەرلەر سالا بويىنشا بىلىمدەرىن تەرەڭدەتە تۇسەدى، ءارى بىلىكتىلىكتەرىن ارتتىرادى»، – دەيدى قازاقستان تۋريستىك قاۋىمداستىق (قتا) ديرەكتورى، قازاقستان قوناق ۇيلەر جانە مەيرامحانالار قاۋىمداستىعىنىڭ (ققجمق) پرەزيدەنتى راشيدا شايكەنوۆا.

بيىل تىڭداۋشىلار 6 كۋرستى وقىپ شىعا الادى. ولاردىڭ ارقايسىسى تەوريالىق ءبىلىم مەن تاجىريبەلىك مىسالدارعا تولى:

  1. «قاراپايىم سوزبەن تۋريزم جايلى» - كىرىسپە كۋرسى;
  2. ء«وز سالاڭىزدى تابۋ جانە ءتيىمدى ءتۋرونىم ۇسىنۋ»;
  3. «تۋريستىك ونىمدەردى ساتۋ جانە جارنامالاۋ»;
  4. «قوناق قابىلدايتىن ۇيلەر نەمەسە شاعىن وتەل. تولىق نۇسقاۋلىق»;
  5. «قىزىقتى ءتۋرونىم جاساۋدىڭ 5 يدەياسى. ۇزدىك مىسالدار»;
  6. «گيد-ەكسكۋرسيا جەتەكشىسى ماماندىعى» - كىرىسپە كۋرسى.

 

ءار كۋرس ءۇي تاپسىرماسى بار 5-6 مودۋلدەن تۇرادى. وقىلعان ماتەريال بويىنشا تىڭداۋشىلارعا قوسىمشا ادەبيەتتەر جيناقتالعان ەلەكتروندى كىتاپحانا ۇسىنىلادى.

 

اكادەميا كۋرستارى تۋريزم بيزنەسىنىڭ وكىلدەرىنە جانە بولاشاقتا جۇمىس ىستەۋگە ىنتالى جاس ماماندارعا كاسىبي دەڭگەيلەرىن دامىتىپ، ورىستەرىن كەڭەيتۋگە، تاجىريبە جيناستىرۋعا جانە ارىپتەستەرىمەن بايلانىس ورناتۋعا مۇمكىندىك بەرەدى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار