ۋكراينا ستۋدەنتتەرى ليتۆا استاناسىندا ءوتىپ جاتقان «شىعىس ارىپتەستىگى» سامميتىندە مەملەكەت باسشىسىنىڭ ەۋروپا وداعىمەن قاۋىمداستىق قۇرۋ جونىندەگى كەلىسىمگە قول قويۋىن تالاپ ەتىپ, ستۋدەنتتەردىڭ جالپىۇلتتىق ەرەۋىلىن ۇيىمداستىردى. بۇل تۋرالى يتار-تاسس حابارلادى.
كيەۆ ۇلتتىق ۋنيۆەرسيتەتىنە قاراما-قارسى تۇرعان تاراس شەۆچەنكو ەسكەرتكىشىنىڭ الدىنا ءتۇرلى جوعارى وقۋ ورىندارىنان كەلگەن 2 مىڭعا جۋىق ستۋدەنت جينالدى. ولار ۇيىمداسقان تۇردە ساپ تۇزەپ, تاۋەلسىزدىك مايدانىنا قاراي بەت الدى. قولدارىنا ۋكراينا مەن ەۋروپا وداعىنىڭ تۋلارىن ۇستاعان ستۋدەنتتەر: «ۇلت جاستارى ەۋروينتەگراتسيانى قولدايدى», – دەپ ۇراندادى. شەۆچەنكو كوشەسىندەگى اۆتوكولىك قوزعالىسى تولىعىمەن توقتاپ قالعان.
ليتۆا استاناسى ليسسابون قالاسىندا وتكەن «شىعىس ارىپتەستىگى» ءسامميتىنىڭ ءبىرىنشى كۇنى ەۋروپا وداعىنىڭ باسشىلارى ۋكراينا پرەزيدەنتى ۆيكتور يانۋكوۆيچتى قاۋىمداستىق جونىندەگى كەلىسىمگە قول قويۋعا كوندىرە المادى. بۇل تۋرالى كەشە سامميت اياسىندا وتكەن كەشكى استان كەيىن ليتۆا پرەزيدەنتى داليا گريباۋسكايتە مالىمدەدى.
ايدار ورىسباەۆ.
دەرەككوز: Itar-tass.com
